وخليتها وخرجت وبزاف حوايج يدورو في راسي ؟ زعما صح تكون مرت راجل وهاربة ؟؟ ومعامن كنت تهدر مقبيل وماحبتش تهدر
~~~~~~
نهال:❤
قلبي حبس مور ماراح وخلاني le regard تاعوو وكيفاه قالي نحوس نعرف كلش مقدرتش نجاوبو واش نقولو هربت ؟ ضربت لي زوجوني بيه وهربت؟ ماليا سمحو فيا؟؟
كنت حساتوو عبد مليح هو عايلتو ماشفت منهم غير الخير عاملوني كي بنتهم وكثر
طاح الليل تغميت وماجانيش نعاس هدرة مريم قاعدة تتعاود في راسي تخنقت لبست خماري وهبطت للجاردان نتنفس قعدت فوق الكرسي برا الهواء تفكرت كلش ودرك راهم حاسبين بلي تهناو مني ومتت دموعي بداو يسيلوو وش درت باش سحقيت كامل هاد الشي كان الضغط عليا كبيير
حتى سمعت واحد مورايا
امين: راكي حابة تديرلنا بارتية دوزيام كيما لبارح
درت مسحت دموعي : ااه.. مجانيش نعاس ماحبيتش نديرونجي ايمان
امين:(قعد قدامي) الهواء هنا متلقايهش فحتى بلاصة حتى انا نرتاح كي نجي هنا
انا: علاش متعيش هنا؟
امين: تربيت وكبرت هنا بصح قرايتي وخدمتي فالطب لزمتني باش نروح لمدينة نخدم بصح كلما تجيلي لوكازيون نجي هناا نشوف عايلتي
انا: داركم ناس ملاح بزاف .. ربي يخليهملك
امين: درك راكي تعرفي كلش عليا وانا جبتك حتى لهنا أسمك بالسيف باش عرفتو ، علاش هداك نهار كنتي مرمية فالطريق وشكون هادوك ؟؟
انا: ....
يصيرامين: كي العادة مكاش جواب (جا رايح)..
انا: كنت عايشة نورمال كي البنات كنت راضية بحياتي malgre كانت ماشي كاملة بين ليلة ونهار تقلب كلش عشت مع يما وراجلها سي جبار اغنى رجال الاعمال وخويا من يما كنت كي الكاينة ومكايناش في دارنا نهار كامل في بيتي لا صحابات لا خرجات من لافاك للدار حتى يما معلابالهاش بيا ليلتها شفت راجل يما مع وحدة فالشومبرا مأمنتش واش شفت كنت ناوية نحكي ليما ونفضح خماج جبار بصح كشفني علابالك وش دار (طرطقت بالبكا) كان يهددني كان يتحرش بيا قالي بلي هو قتلي بابا وحرمني منو كي قتلو نقولها قطعلي حوايجي ونهار واجهتو معا يما كذبني وقالها بلي طلبت منو دراهم وباش ندير معاه علاقة وكي محبش ... قالها بلي درت هاد الكذبة ويماا آمنتوو ... آمناتوووو وكذبتني زوجوني بواحد كبير باش يتهناو مني بالنسبة ليما كنت وحدة خامجة ورح تخطفلها راجلها استسلمت وقلت معليشش.. رحت معاه وهو تان (طرطقت البكاء وبالشهقة) هوو...هوو.... ضربني وسيا يغتصبني يدوو كانت هناا وهناا 💔💔💔
امين: نهال ...نهااال خلااص ..خلاااص خلااص كلش راح راكي هنااا راني معاك
انا: (بالبكاء) هربت... ضربتو..وهربتت نجري ... كانو حابين يقتلوني.. ويرموني فالجبل...
امين: (عنقني) نهاال انساي انساي ... راني هناا واحد ما يدنا ليكك
طلعت للبيت حسيت فرغت قلبي وواحد سمعني لقيت روحي حكيت حكايتي لأمين كي عنقني حسيت واحد فهاد الدنيا راهو مأمنني وواقف معايا حسيت بالأمان
رقدت هديك الليلة
ايمان: صبااح الخيير يالالة ليوم رقدتي كي لبيبي
انا: صباح الخير .. مفقتش لروحي مرقدتش بكري
ايمان : ههه صح النوم بدلي ولبسي كامل راهم يستناو فيك تستقهواي
هبطت لتحت لقيتهم كامل ساكتين
انا: صباح الخير عليكم
خزرت فيهم لقيتهم كامل ساكتين
حتى جات طاطا سامية عنقتني: (تبكي) اااه ياا بنتي هاداا كامل جوزتيه ومقلتيناش حكالي امين كلش يابنتي حرام عليهم
نورا: ماليوم راكي وحدة مناا وواحد ما يقدر يمسك
علي: ايه يابنتي لا راجل يماك ولا الكلب لي تزوجك يقدرو يمسوك راكي تحت جناحنا
عينيا تعمرو بالدموع جامي ستنيت ناس برانيين يوقفو معايا
انا: (نبكي) يعطيكم الصحة وقفتو معايا وحليتولي باباكم جامي ننسالكم خيركم
سامية: متقوليش هكا يابنتي راكي فمقام بناتي وماليوم ديريني كي يماك
مالقيت مانقولها عنقتهاا : صحيتي ❣❣
ايمان: هيااا درك نقلبوها بكاء ماليوم ننساو كلش وتبداي معانا صفحة جديدة 🌸🌸
سلاف: عندها الحق ايمان درتلك كيك شيكولا في خااطرك ايا جوزو🌸
كملنا استقهوينا وعاونت ايمان
ايمان: نهال اتخنقت راني حابة نخرج مقلتلكش بلي خطبتي قريبة
أنا: ااه مبروك عليك .
ايمان: يبارك فيك .. لعقوبة ليك
انا: هههه انا نحيت هاد لحكاية من بالي لي جوزتو كواني من جهة الرجال ..
ايمان: ماتقوليش هكاا .. ربي يبعتلك واحد يحن عليك يحبك نشالله ونتي ما خصك والوو خموس عليك
انا: ههه نشالله
ايمان: نروح عند امين نقولو يخرجنا ندورو شويا من نهار جيتي ونتي مدفونة فالدار وزيد راهم خاصينس شي حوايج ونتي تان تشري حوايج ليك
انا: لالا ماكلاه نكثرو عليه
ايمان: هههه وش منكثرو عليه انا ما امنتش كي جا نتفشش عليه
انا: هههه مهبولة
~~~~~~~~~
أمين🖤
ايمان: خويااا لعزييز لغالي لبوقوص ديالنا ..
انا: هههه مالاخر وش خصك ؟؟
ايمان: راني حابة نخرج انا ونهال
انا: ههه وشنو؟؟
ايمان: واش فيها طفلة داق خاطرها وزيد راهم خاصيني شي حوايج للفيونصاي وزيد نهال لازملها حوايج هي تان
انا : راني sur بلي ماشي نهال نتي لي راكي حابة تخرجي وتلصقي فيها
ايمان: شوف شوووف يحامي على نهال (غمزت)
امين: نوضي ولا نبدل رايي..
ايمان: هههه خلاص خلاص راني رايحة نوجد روحي
هبطت بدلت استنيتهم لتحت
حتى نشوفها جات كانت لابسة روبا زرقاء وحاطة خمار حتى وهي عيانة كانت تبان شابة عندها جمال طفولي 🕊🌸
أنت تقرأ
إِلَيكَ أَنتمِي💚🧝🏼♀️💫
Cerita Pendek"حياتي تغيرت بين لحظة ولحظة فجأة الحبيب ولا غريب والقريب غدرني حتى ربي بعتني ليه " حكاية غدر ، وانتقام ، وحب وانتماء ...❤💢 Amine 💍 nihel sii vous aimez n'hésitez pas de commenter🧡💕⭐ #new__
