يوميات بت منارية

*الجزء الثالث*

سلام عليكم...ورجعنا مع يوميات بت منارية وبسم الله نبدأ...

اها انا واهلي مشينا المدرسة طبعا لما وصلنا انا قايلاها بيت وقدامها في دكان كدا صغيروني ولصق الدكان في دار ششر المهم دخلنا جوا وانا اليوم داك لابسة ليك قميص كدا طويل بلون زينب ومعاهو بنطلون اسود وطرحة بلون زينب برضو وجزمه فلات سوداء...جينا داخلين المشرفات يعاينو لي ساي جاتنا وحدة كده خفيفة جارية علينا ظاهر عمرها في الخمسينات كدا سلمت على امي وقالت اسمها نجاة وتعال شوف السلام
-الله يخلييييك الله يبارك فييييك لا..لا ما بتقص.. تسلممممي...😂😂
عاد انا كتمت الضحكة بالعافية بعدها ابوي قال لأمي انتو شوفو اللبس انا بمشي لبتاع المالية قالت ليهو خلاص تمام..يلا مشينا مع المرة دي وأثناء ما نحنا ماشين لقينا الفصول التحت فيها بنات يلا المشرفة قالت لينا ديل توالت شغالين كورس...طلعنا الطابق التالت في فصل كدا مهجور شكلو خاتين فيهو اللبس دخلنا جوه وتعال شوف عرض الأزياء وطبعا المشرفة ادتني شوال رمادي كدا قالت لي البسيهو😂😂💔عاينت لأمي..أمي طوالي فهمت سألت المشرفة قالت ليها يا أستاذة ماف مقاس أصغر المشرفة قالت ليها بالعكس المقاس دا كويس كدي خليها تجربو..انا خلاص زهجت قمت لبستو بس طوالي قالت بصوت عالي الله الله جميييل انا لما اتصدمت لانو حرفيا شوال وانا براي قشة قلت ليها لالا عايزة أصغر قالت لي لو اديتك أصغر حيكون قصير وتاني شئ نحن متطلبات المدرسة انو المريول يكون واسع وإذا عايزة تقصي براك تاخدي مننا فستان تقصيهو نفس الشئ لا عايزين خطوة لا جيب عاينت لأمي وانا عايزة ابكي لانو الفستان كبير شديد ومحرج شكلو😢💔اتوكلت وشلتو وتعالو شوفو الشراب....طويييييييل لمن عوير وانا والله لو لبستو بفوت الركبة وكمان مفروض ما البس بنطلون بتحت😂😂قالت لي تلبسي استرتشي(بصوت نجاة😂😂💔)وترفعيهو مع الركبة قلت ليها في اي أوامر تاني قالت لي ممنوع ترفعي الشعر فوق وبس عاينت لي امي قلت ليها ارح طوالي طلعت وأخلاقي في نخرتي بس مستحملة واختي تضحك بوراي ساي وتقول لي أم شوال رمادي وانا ساكته سااي لكن تصبر بس😠😠ما اخرب برستيجي من اول يوم😑☺ وصلنا تحت لقيت ابوي مستنينا قامت نجاة قالت لي يا بتنا في قلم في التربيزة ديك جيبي لي مشيت عليو جات بت من تالت طقشتني وقالت لي حاجة ومشت على الإشراف وانا ما سمعتها وقفت استنيتها لما جات راجعة وقفتها عملت نفسي بسلم عليها عشان ما يشاكلوها وقلت ليها قلتي شنو قالت لي اوعك تدخلي المنار قلت ليها لي قالت لي صعبة وضغوط ونفسيات قلت ليها جد قالت لي اي والله وحضنتني نظام وداع وكدا ومشت مشيت لناس ابوي لقيت الخفيفة ديك مافيش كلمتهم بالقالتو لي البت ابوي قال لي ما تصديقها بس شوية كدا ونجاة جات اديتها القلم وابوي كلمها بموضوع البت بس مسكتني ليك من كتافيني وقعدت تقول لي في كلام كدا وشوية تقبل على امي تحكي ليها ومرة على ابوي وتاني تجيني تمسك يدي وتتكلم وانا اهز ليها راسي مع انو ما عارفة بتقول شنو تقريبا هي كان بتحكي لينا في قصة مؤثرة لانو شايفة ابوي مندمج شديد ويقول ليها يا سلااام المهم في الاخر كدا قالت ليها كلمات قدرت افرزهم وخلاصتهم انو ما تسمعي كلام اي زول قلت ليها انشاء الله بس مشيتها بهنا أنا وامي قبلنا على ابوي وقلنا ليهو كانت بتقول شنو قال لينا انا زلتي والله ما عارف بس بمشيها ساي😂😂 انا وامي ضحكنا ضحك..بس انا ابدا ما خطر في بالي انو البت دي قاعدة تقول الحقيقة وما بتكذب ودي يخوانا النصيحة الندمت انو ماسمعتها وللان بتعذب بسببها😭😭💔

خلاص كفاكم الليلة وبكرا نتكلم عن أول يوم في المنار سلام عليكم....هي نسيت(صلو على الحبيب🌺)....بعد كدا اقطعو وشكم😉😚