(بنت العم )

(3)

رواية باللهجه الليبيه
(بنت العم ) 3......😍😘

جميله : تفضلي مرت عمو
فتحيه : سلمها بنتي صحيتي
خيريه : قعمزي ياجميله من بكري وانتي واقفه
مرام & مايا : يشبحو لي بعض 😑
مايا : اني ومرام انوتو وهي تجيب بس
مرام : صح احني نوتو وهي تجيب بس
عمتي نجات  : اسكتو وانتم مافيكم غير الدوه
فتحيه : شبحت لي مرام شبحه متع اسكتي
مرام : افففف 🙄😡
"قعدو يهدرزو "
ومايا ومرام يناشبو في جميله ويتسهكو اعلها
في الليل وتو طنجره وداروه مكرونه مبكبكه خالد وسند هديكا الي يحبها قلبي
ع نجات : تعالي ياجموله كولي
جميله : هي عميمه جايه
دنيا : خيركم انتم من بكري تشبحو لي جميله قريب تاكلوها ..بصوت واطي
مرام : شي كساد

""روحو للحوش ""
في حوش حسن
جميله : تغسل في الماعين
ماما : خيرهم مرام ومايا يشبحولك
جميله : لالا مافي شي

........................................

""في حوش كريم
مرام : ريتيهم ياماما كيف مدايرين لي جميله يحبوها اكتر منا
فتحيه : اي ياماما عندهم الحق عليك اسلوب ورزانا ومقعمزتش بكل
مرام : واعلاش حتى احنيقعادنا واقفين معها غير هدي الفرخه مش عارفه شن دارتلكم

في حوش حسن
جميله : ماما غدوه بتجي نريمان
ماما : باهي

تاني يوم
ناريمان : طق طق طق
ماما : منو
ناريمان : اني خالتو افتحي
ماما :اهلين بنيتي كيف حالك
ناريمان : الحمدلله بخير وين جميله
جميله : جيت وسلمو ع بعض وقعدو يهدرزو
ناريمان : بنقولك حاجه
جميله : شني هي
ناريمان : بنسافور بنمشو لي خالتي بنقعدو عندها
جميله : قصدك بتمشي لي تركيا وبتخليني
ناريمان : والله زي ماتعرفي ان بابا متوافي مانقدرش نقعدو
جميلة : قعدت تبكي لان ماعندهاش الا هي باهي وقرايتك و امتى بتسافري
ناريمان قراية بنقره عند خالتي  احتمال بع غدوه
جميله: توصلو باسلامه
وقعدو يهدرزو ومره جميله تبكي ع خاطر صاحبتها
...............................

""بعد مرور سنة    ""

جميله : ماما ماما
ماما : نعم يابنتي خيرك
جميله : نجحت وجبت 96%
ماما : مبروك عقبال الشهاده الكبيره

خلي نحكو شن صارفي هدي السنة 😋🤔🤔
خالد خطب بنت تخدم معه
مش حلوه هلبه لاكن جوها حلو اسمها ابتهال

_ وكمال  هو ولد عمي قاعدين
نفس حالهم ضحك وبصاره وقرايه وبس لا جديد عندهم

   _ ومرام قاعد الحقد في قلبها و
تعبي في راس مايا على جميله وكل مايتلاقو يقعدو يلقحو علها

وجميله  فرحانه بانتيجتها وبس

ماما : خالد اختك اليوم طلعت نتيجتها ونجحت نبيك تجيبلها شكاليط الي تحبهم
خالد : باهي توا نجيبلها وطلع

.....................

مرام : ماما بنقولك حاجه
فتحيه : انشاء خير
مرام : اء اه هو ان اني جيت ماده
فتحيه : ماده😤 وتقولي فها هكي يعني   كل يوم انقولك سيبي البلي الي في يدك وشدي اقري لا ماعندي شي اليوم  واتجي تقوليلي جايبه ماده تي حتى حوش مانخليش فيك تمسي في حاجه اني نضم اني نغسل اني نطيب في الاخير تجي تقولي جبت ماده  شوفي جميله مشاء الله اعلها ماعمرها سقطت وديما وهي ممتاز شوفي خوك واختك الا انتي هكي كل عام ماده
مرام : باهي جبت ماده وشن دخل جميله شاطره شاطره ع عمرها شن دخلي اني .. وخشت قربعة الباب
فتحيه : تعيط ..بدل ماتسكري فمك ماسده ماغلطه وتتكلمي
___________________________________________
❤❤سروش وبس ❤❤ :: اغلب الامهات هكي شوفي فلانه كيف وشوفي فلان هدا الشي غلط يكون في حقد بيناتهم وكره كبير
___________________________________________

مرام : انشاء الله تموت جميله كرهتها اعلاش امي تحبها وعمتي تحبها وعمامي واني لا شن الفرق بيني وبينها
دنيا : خيرك شن في اعلاش العياط
مرام : امك كل مانقوللها حاجه اتقولي شوفي جميله كيف
دنيا : تبي الصراحه صح جميله خير منك جمال وانيقه وشاطره واخلاق
مرام : اسكتي انتي التانيه حتى انتي اختي تحبها اكتر مني وقعدت تبكي 😭😭 وتدعي 🤲🤲انشاء الله تموت

خالد : ع التليفون ... ها ياعمري
ابتهال   : اهلين كيف حالك
خالد : حالي باهي كان حالك باهي
ابتهال   : (من الناس الطيوبه وفي نفس الوقت واعره يعني واعره مع الواعر وطيبه مع الطيب ومن الناس الراقيه )
هههه اممم حالي باهي اني
خالد : شن رايك نقربو العرس
ابتهال   : امتى هكي
خالد : بعد شهرين اكيد سدوك تكملي حاجاتك
ابتهال  : مش عارفه انشوف وانقولك
"وقعدو يهدروز "

تعليقاتكم نزل باقي الروايه  🤗🤗🤩😍😘