(بنت العم )

(8)

رواية بالهجه  الليبيه
(بنت العم )8.......

بعد مرور تلاته سنوات
جميله : ماما اني روحت
ماما : خيرك عطلتي اليوم
جميله : عندي سبعه حصص
ماما : هي بدلي خلي نوتيلك سندوتش
جميله :لالا بنبدل وبنرقد امس سهرت
ماما : باهي ع راحتك وانتي يااروى
اروى : اني ديريلي بريوش حار
ماما : كيف هدا
اروى : زي الي درته المره الي فاتت هريسه وطن وجبنه شيدر ولا اي جبنه
ماما : بتاكلي هكي
اروى : اي بنحطه في الكوشه ولا
اروى : توا اني انديره خلاص نمشي نبدل حوايجي وانجي انديره
ماما : بري باهي
خالد في داره راقد ع السرير واعيونه فوق
خالد : ليش هكي درتي ليش حبيتك هكي
في الماضي .......
خطيبته : حبيبي اني غدوه مش ماشيه للجامعه
خالد : ليش
خطيبته : هكي ماعندي شي
خالد : باهي ع راحتك
"" تاني يوم ""
ع نجات  : الوو خالد
خالد : نعم صباح الخير
ع نجات : صباح النور خالد تقدر اتجي ترفع ملاك غير السياره🚗 وقفت وعندها محاضره مهمه اليوم
خالد : باهي هي قليلها توي روحها
ع نجات : باهي صحيت ..وسكرت ..
خالد ناض دوش ع السريع وطلع حوايجها لقهم محددات لبسهم وولع السياره ومشي لي حوش عمته ولقي ملاك واتي خدها وكانت جامعت ملاك نفسها جامعت خطيبته
نزلت ملاك وهو نزل قعد واقف شويه وجت عينه ع خاطيبته خالد : تي لالا اكيد اني نتوهم وقاعد مصدوم 😨 وقعد يشبحلها  مش قالت مانيش جايه اعلاش مابتتعليش رساله وقالتلي بنمشي كيف جاي بيمشي يكلمها  القها واقفه ع ولد وتهدرز💣💥 معه ..خالد : قعد واقاف 😢😲 مصدوم💔💔 خاطيبته واقفه مع ولد ومني الولد صاحبه صاحبه اشرف الي يعتبر في خوه   عيونه دمعو  لان بجد خونه صعبه ركب سيارته ويسوق باسرعه لين وصل للحوش خش للدار وسكر الباب وقعد يبكي ويحدف في كل شي قدامه  اي يبكي صعب لما تشبحي خونه صاحبك وخطيبتك كانت صعبه ع خالد
معطهاش فرصه حتى تتكلم او تبرر او تفاهمه حاجه خدي حاجاتها وصورها والدبله في صندوق وحطهم في السياره وركب مشي للبحر مابين جت الساعة 2:30
مشي لي حوشها طقطق فتحتله امها عطاها كل شي وقاللها الهدايه مسامحه فيهم وطلع

الحاضر ....
خالد : ليش يااشرف ليش ياابتهال هكي درتو كان عرسنا مزال اعليه شهر بس ليش هكي درتي ليش خاطيبتي وصاحبي ههه
" برغم السنين الي فاتو بس جرحه قعد مبراش كانت خونه صعبه ع خالد بس هو محاولش يفهم شني صار طوول فصخ ""

......................................

ابتهال خطيبته : مقعمزه تتفرج ع صورها وصوره وتبكي خلود اختها : خيرك تبكي هدا كله ع خاطر خالد
ابتهال : اطلعي اصلا كل منك انتي اطلعي وقعدت تعيط اعلها لين طلعت
❤الكاتبه سروش ❤: خلي نشبحو شن صار وليش ابتهال اتقول لي خلود كله منك

في الماضي .........
خلود : ابتهال حبي نطلب منك طلب
ابتهال : شني في
خلود : اشرف كان يكلم فيا قالي غدوه بنجيبله هديه لان بيسافر  بعد غدوه
ابتهال : بهاي المطلوب
خلود : واني تشبحي فيا مريضه حراره قويه
ابتهال : يعني تبيني نمشي اني
خلود :  ايوه اهو تفهمي ع الطاير
ابتهال : احلمي افرض يشبحني خالد شن نقوله
خلود : توا نقولك شن تقولي غير قولي باهي بس
ابتهال : لا يعني لا
خلود : متائكده
ابتهال :اي متائكده
خلود : خيرك هكي توا اني ديما انساعد فيك لاكن انتي لا
ابتهال : ياخلود افهميني كان يشبحني خالد واقفه ع صاحبه شن يقول اعليا
خلود : عادي انتي بروحك قلتي صاحبه الروح بالروح يعتبر في خوه مش هيقول شي وانتي كان خايفه قوليله اني غدوه مش ماشيه ماتجيش
ابتهال : اففف
خلود : غير هي كان راهو قتلك باهي طول لاكن انتي هكي
" المهم علقت لين خلت ابتهال اتقول باهي وقنعتها ان مافها شي وشن تقوليله ومشت تاني يوم عابيه ع خالد مش هايجي ومشت وقفت اعليه وقعد يسئل فها ع خالد وباهي معاك ولا لا وهكي بس
لاكن خالد لما شاف فهم الموضوع غلط يحسابها في حاجه بيناتهم

❤الكتاتبه سروش ❤: اكيد اي حد صارله نفس الموقف هيدير نفس الي داره خالد بس الغلط ان مخلاهاش تفهمه ولا تقوله ع شي خصوصا ان بعد مده سمع ان اشرف خطب فيحساب خطب ابتهال وهو خطب خلود
غلط ان ماسمعش منها وحتى هي كان قالتله من الاول راهو عادي لاكن هي قالت مش هنمشي ومشت يعني كائن كانت قصدها ان هي تتلاقى معه
واكيد خالد مستحيل ينسى يلي صارله لان صعب الحب ينتسى الا اذا كان في جديد 💔
.
.
.

اسفه الحلقه اليوم قصيره  😉🤩🤗😏