(بنت العم )

(7)

رواية باللهج الليبيه
(سحري غير حياتي )7.....🎉🎊🎁

الساعة 7:00 مغرب 🌌🌃
ماما : جميله جميله
جميله : نعم ماما
ماما : البسي واطلعي مع خوك بيجيب حجات ناقصه
جميله : لا لا مانبيش قولي لي اروى
ماما : توا اروى  تعرف هي وراس بنتي مش معطل هو
جميله :باهي هي "لبست عبايتي ووشاح وطلعت القيت خالد في السيارة "
ماما : دنيا حطي البيتزا في الكوشه
دنيا : باهي حاضر
ملاك : مرت خالي وين سفره الفضيه
ماما : تلقاها في االدولاب اللوطي
ماما : خيرها مرام ماجتش
فتحيه : قالت ماتبيش اتجي
ماما : نجحت هي ولا
فتحيه : اءء😖 جابت ماده ماهو غلطولها
ماما : اءءء مشت راجعت 
فتحيه : اي قالو بيراجعولها
ماما : باهي انشاء الله

............................

مرام : ياربي اعلاش قعدت اني بس شن قعدني افف خايفه حتى الشحن تم واللمباله متع  الضي  اكيد مافيهاش شحن .. وقعدت تبكي
القطوسه :""في السطح"" 🐈🐱 مياااو
مرام : وهي تبكي شني هدا
القطوسه : ميااااو مياااااو 
مرام :حي اعليا 😓😱 ياربي قطوسه واني منحبش القطط
"ومشت جهت الدروج ركبت بشويه بشويه (كانت عندهم جنان في دروج فوق الحيط )
بش تسكر الباب والقتها قطوسه سوده تخوف نزلت تعيط وتبكي "
مرام : اعلاش قعدت اه ياربي امتى بيروحو بس ""وقعدت تبكي 😭😭"" ( وسكرت باب الجنان وقعد الحوش  ضلام اكتر
...........................

جميله : خالد شن بناخدو
خالد : مشروب وطواسي
جميله : اممم
خالد : ^^

..........................

"في الحوازه "
ماما : كل شي واتي
مايا : اي
مايا :تتكلم بشوية هدا كله نجحت باشهادة الاعداديه
دنيا : اي مالى كان ثانوي  ولا تخرجت كيف
ع نجات : ياسركم توشويش انتم من لما جيتو راسكم في راس بعض
دنيا & مايا  🙄😒
فتحيه :هي جموله جت
ماما : هي هي
خشو كلهم للدار وسكرو الضي
جميله : وينهم مافيش صوت حد
خالد : اي شكلهم روحو
جميله : وبدت تخش بادار وخشت للكوجينه بعدين في دار مضلمه قالت اكيد مش اهني وخشت من ي اهني وفتحو الضي وكلهم قعدو يغنو "" وحايات البي وافراحو وهناء في  مسائه  وصباحو مافيش فرحان في الدنيا زي الفرحان بانجاحوه.. الناجح يرفع ايده ويغني معانا ""
جميله 😲🤭 فرحانه مع مصدومه
كلهم : مبروك النجاح واعطوها هديه
سند : صندوق صغير في طوق او سنسله مكتوب فها جميله
خالد : كيسه فها تليفون يهبل
جميله : يهبل التليفون صحيت
ع نجات : توكات
والباقي قالو ماحقناش انجيبو اهديه واعطوني فلوس
كريم :هي تعالي قصي التورته
التورته جابها عمي صالح وعمي كريم مكتوب اعلها مبرورك النجاح بالكريمه
حطت ماما : سواني وقعدو البنات يفرقو وقعدو يغنو درنا جو مش عادي

............................
.
.
.

مرام : بكت بكت ورقدت
_________ _______________________

كمال : يارب اللهم استودعتك ماقراءت وما حفضت فارد ه اليا  (كان كمال عندهم صبح بسبب اختلاف الدول وعنده امتحان )
اما سامر فكان راقد في سابع حلمه 😴😴

________________________________

كملنا كل شي وغسلنا الماعين ونضمنا الحوازه وروحنا
كريم: اكيده تبكي توا
فتحيه : لا لا ماتخافش هدي
خش كريم وفتح التاكو متع الضي وجي الضي ومرام فتحت اعيونها : باهي  الي تفكرتو في انسانه قاعده في الحوش
كريم : مني قالك تفكرنا انسينا بكل
مرام : خشت للدار وخشت بعدها دنيا
دنيا : تعرفي الجو يهبل تعرفي كان تشبحي كيف جموله فرحان
مرام : باهي شن بنديرلها يعني
دنيا : تعرفي خالد جابله تليفون نفس تليفون ابرار ولونه احمر يهبل
مرام: قبل قلت كان نجحت بنقول لي سند يجيبله واحد زيه
دنيا :وسند جابلها تعليقه فضه مكتوب اعلها جميله
مرام :باهي خلاص وانتي لوك لوك ماسكتيش بكل وهدا سند اني ماعمره جابلي هديه يجيب لي المصيبه هدي اعلاش
دنيا : ناضت بدلت حوايجها والله بنت عمه ونجحت امتياز شن فها كملت تبديل حوايجها  وغسلت الماعين الي جابوهم من الحوازه

..............................

جميله في دارها : يهبل التليفون القت جايبلها حتى شفره وحاطه في الباكو سجلت رقم ناريمان وامها وبوها "
جميله : افف نتصل باناريمان استاحشتها نبي نكلمها توا ليل غدوه نكلمها ورقدت

..........................

سامر : شني جاوبت
كمال : اي الحمدلله
سامر : باهي الحمد لله
كمال : بنطلب غدي من بره
سامر : باهي اطلب مابينا نضت اني
كمال : تمام

الكاتب سرو وبس ❤❤تعليقاتكم لان اول رواية ليا كان مالقيتش تفاعل هنوقف