(بنت العم )

(4)

رواية باللهجه الليبيه 4.....🎊🎉
(بنت العم )

تاني يوم 🌄
ماما : حسن صباح الخير
بابا : صباح النور
ماما : بنقولك مابينه جميله نجحت اعلاش مانديروش حفله بسيطه للنجاح
بابا : عادي وين اهني ولا في الحوازه 🏘
ماما : مش عارفه قاعده مافكرتش
بابا : الفطور واتي
ماما :هي خلي نوض جميله ..ومشت

ماما : طق طق وخشت : جميله جميله
جميله : همم
ماما : هي نوضي افطري وطلعت
جميله : باهي نضت ...خشيت للحمام توضيت وصليت وطلعت
بابا : صباح الخير
اني : صباح النور .. وقعمزت نفطر

...................................

فتحيه : هي نوضو كان بتفطرو
دنيا : باهي ياامي نايضين .. ونضاوت: مرام مرام هي نوضي
مرام : باهي نضت " وطلعو من الدار " 
دنيا & مرام : صباح الخير
فتحيه & كريم : صباح النور
دنيا : وين سند
كريم  : طلع من الصبح
فتحيه : قلتي لي بوك انتي (وتشبح لي مرام )
دنيا : مرام امي تكلم فيك
مرام : سمعتها
كريم : ع شني بتقولي
فتحيه : قوليله
مرام : جبت ماده
كريم : جبتي ماده مشاء الله اعليك والله وشن هي
مرام : رياضيات
كريم : اعلاش ماتجيش ماتقوليليش يابوي قاريني تعرفيني انحبه اني الرياضيات ولا واني كل مانشبحك نلقاك شاده الخربه توا تشبحي باهي خساره مانرفع فيك كل يوم للمدرسه ونجيب والكراسات كان قعمزتي خير وكلا مانروح نلقاك شاده الخربه وماتعونيش في امك وفي الخير تجيبي ماده
مرام : خشت للدار وقعدت واقفه بجنب الباب
كريم : حسن يكلم فيا يقولي انجيبلك جميله تقره عندك الرياضيات  وهادي اني مقعمز بجنبها ماتكلمش فيا
فتحيه : هديكا جميله مش هادي
مرام : طلعت من دار  وتعيط جميله جميله جميله انشاء الله ترتزو فها باهي انشاء الله تموت ياربي انشاء توا يجيكم خبر موتتها
كريم : تدعي ع بنت عمك يا.... وقعد يضرب وهي تبكي
دنيا : يابابا خلاص سيبها يابابا صغيره مش قصدها
كريم : حولي انتي التاني ..وطلع بعد ماضربها
مرام : ريتيهم كيف يحبوها اتقول اعليا مش بنتهم
دنيا:^^

...................................

ماما : تتكلم بصوت واطي ..خالد ياخالد
خالد : نعم ياامي
ماما : بنديرو حفله صغيره في الحوازه
خالد : اعلاااش 
ماما : نقص صوتك مش قتلك
خالد : شهادة اعداديه راهو كان ثانوي شن اديرو لها ولا جامعه
ماما : عادي شن فها
خالد : باهي زي ماتبي كان نقصت حاجه قوليلي
ماما : باهي تمام
خالد : امتى هو
ماما : الخميس
خالد : تمام

ماما : تتكلم في التليفون : كيف حالك انتي شن اخبارك
ع نجات : تمام الحمد لله كيف حال جموله
ماما : باهيه بخير فرحانه بانجاحه
ع نجات : نجحت باهي مبروك اعلها عقبال الشهادة الكبيره
ماما : سلمك انشاء الله
ع نجات : تبي زرده هدي
ماما : اي حتى احني هكي قلنا في الحوازه يوم الخميس
ع نجات : ع خير انشاء الله سلميلهي ع حسن وخالد
ماما : سلمك يوصل

جميله : كانت تسمع فيهم لاكن مش فاهمه ع شني تدوي
: ماما هدي ع نجات
ماما : اي تسلم اعليك
جميله : شن في يوم الخميس
ماما : قالت مرات يوم الخميس نمشو للحوازه
جميله : اي ياريت لينا هلبه معاش امشينا
""وقعدو يهدرزو ""

..............................

خلي نحكو ع كمال وسامر  كمال يقره طب👨‍⚕️ وسامر كابتن طيار ✈️🛫🛬 في اكرانيه 
كمال : خيرك جوك مش تمام
سامر : لاشي غير استاحشت حوشنا
كمال : اي والله الغربه صعبه هي لاكن احني صبرنا هلبه مزال شويه ونروحو
سامر : عندك امتحان غدوه
كمال : اي
سامر ع خي  انشاء الله

**سامر وكمال من صغرهم هما مع بعض تربو مع بعض ولما كبرو قررو يقرو بره مع بعض

كمال : شن رايك نمشو لل مطعم
سامر : اعلاش لا
كمال : مالى هي ومشو

نزلتلكم حلقتين
تعليقاتكم لان بجد نتعب فيهم ع الاقل نحس اني درت حاجه تستحق  😎😎🤗😍