(بنت العم )

(33) والاخيره 🥰

بنت العم 34.
والاخيره

في العرس
جميله: اروى جيبي تاليفوني
اروى باهي. وتصلت با سامر
سامر: الوو حبيبتي
جميله: اهلين حبيبي كيف حالك
سامر: اكيد ملييح وانتي بعد ايمات وباتبدي عندي
جميله: اممم
سامر: شن معنتها اممم
جميله: معنتها نعشق فيك
سامر: هههه خيره صوتك متغير
جميله: مش مصدقه يااسامر الي صار
سامر: شن قلنا احني مش قلنا باننسو كل شي صح
جميلة: 😔 صح
سامر: قعد يغيرلها في جوها
واتفقو ان معاش يكلمو بعض
في الساهريه مقعمزين يغنو
اروى: هدا حد القسم معاكم نوار الحوش عطيناكم 💃💃
ناريمان: خشت تجري لي جميلة وتبكي
جميله: رمانه حبيي استاحشتك ياااكلبه
ناريمان: الف الف مبروووك حبيبتي استاااحشتك هلبااااا
جميله: اني اكتر ياااقلبي.
ناريمان صاحبتها المقربه يلي سافرت وقعمزو يهدرزو

ملاك بنت عمتهم.: اروى تعرفها غنية ياليل
اروى:لا لا
ملاك: باهي هاك الدربوكه خلي اني نغني
اروى هاتي هي.
ملاك: قعدت ملاك تغني هيا وثريا وناريمان ترقص لين جت فتحيه بعد مابدي حالها باهي شويه ودنيا اصرت اعلها وقالت ضروري نمشو نورو وجهنا
اروى. : نخصت ملاك مصح ووجهم وخلاص
ملاك: اسكتي هما شن دخلهم هما بروحهم مش راضيين
اروى: 😒😒 دخلهم
ثريا: اعليك وجه وخلاص
وبتدت تغني: ياليل ياليل ليش الي منا واعلينا. 💃💃 ياليل في صف المتشمت فينا.💃
اروى يالليل يالليل في عرب نيتها سووده 💃
ثريا: يالليل يالليل💃
اروى: لاكن ياعيني باجوده 💃💃
ثريا: يالليل يالليل ترا ياقلبي دير حدود 💃💃
اروى: يالليل يالليل💃
ثريا: قرابه فيهم عرق يهوود 💃💃
وقعد الوضع كله تلقييح وملاك تنخص فيهم وخلاص
ثريا: ماما ريني من جي
فاطمه: اي مرت عمك وبنت عمك
ثريا: مصح ووجهم وخلاص
فاطمه: هدا عمك ومرت عمك تحشمي.
اروى:نسيتي شن دارو
فاطمه: تنهدت هما ماكانش عندهم علم بيه
اروى&ثريا: 😒 باه
ناضت دنيا: اروى ووين دنيا
ثريا: في الدار هديكا هيا وصحبتها ومشو
دنيا: طق طق
جميلة: تفضل
خشت دنيا: اهلين ياجميله مبروك اعليك
جميلة: الله يبارك فيك مبروك اعليك حتى انتي قالو نخطبتي
دنيا: الله يبارك فيك يمكن ندوي معاك كلمتيني بروحنا
ناريمان: نستأدنكم اني

في حوش صالح
كانو سميه وساره ومايا يستفو في الكوتيات الحلويات
ساره: رحمه نوضي جيبيلي ميه
رحمه: باهي هي
سميه: وزعتها
مايا: صراحه الموضع قاعد ماخشش لي عقلي
ساره: حتى اني معقوله هدا كله يصير
سمية: الموضوع صدمني

مرجعو لي دنيا وجميله
جميلة: نعم
دنيا: جميله احني ماعندناش علاقه بالي صار نهائيا احني بروحنا قعدنا مصدومين واني مانرضاش الي دراته اختي فييك

فلاااش بااك 👇 قبل اسبوع
حموات مرام ياامصطفى تعال باسرعه
سعفو مرام لي المستشفى
وكلمو مالها
مرام: فتحت اعيونها اه اه هدا كله هقاب بالي درتهولك يابنت عمي وقعدت تبكي الممرضه يادكتور المريضه فاقت خش الدكتور وقاللها الحمد لله ع سلامتك
مرام: الله يسلمك
طلت الدكتور المريضه فاقت تقدرو تخشو تشوفوها
خشو وقعد سند ها دكتور شن في
دكتور: اني شاك في حاجه وانشاء الله خير مش هانقولك لين يطلع التحليل
سند: انشاء الله خير امتى يطلع التحليل
الدكتور: يطول
مرام: سامحوني
كريم: كيف حالك يابنتي توا
مرام: الحمد لله بابا نبيك تناديلي عمامي كلهم وصغارهم
كريم: ايواه حسن قتلك مرام في المستشفى وطالبه تشوفك انت والبنات
بعد نص ساعه كان في المستشفى كلهم
حسن: خيرك ياعمي قلتي تبينا
مرام: اني نبيكم تسامحوني ع الي درته حقدي وحسدي هكي خلاني ندير كنت نشبح فها زي الشيطان الرجيم وتبكي 😰 كنت مش طايقه نشوفها الي نكلمه يشكرهالي كنت نبي نسمع كلمه كويسه تنقال اعليا
حسن & كريم & صالح مصدومين: ع مني
مرام: تبكي الي صار في جميله كله باسببي اني اه اه
حسن: & وفاطمه: وجميله: 😳😳
مرام: كانت عندي صاحبة سو حكيتلها نبها تنصحني 😭😭 قالتلي في امراه نعرفها تسحر واني من كتر حقدي اعلها 😭😭 جمعت فلوووس من امي وبعت حديدت دنيا. وجابلي مبلغ. ومشيت للمشعوده قالتلي جيبي اتر ليها 😭😭 كلمت جميله: وقلتلها نبي لبستك بن نلبسها 😭😭 ورفعتها للمرااه وسحرتها
كريم: هجم اعلها ويضرب فها وطاح فها ضرب وكلهم يلي يسب فها ويلي طلع دنيااا: تبكييي هدا كله اديريه خزي اعليك معاد لا اختي ولا نعرفك ووقفت طلعت فتحيه: طاحت ع طولها بعد سمعت الدوه

في الحاضر: جميله : نعرف يادنيا
دنيا: باستها واللهي انتي زي ووخيتي

يوم الحفله كانت طالعه جميله: تتتهبل بامعنى الكلمه كان مكياجها بسييط وطالعه خيااال

بعد مروور سنتين

سامر: يابابا مش هكي ياحلوه تعاودها مره تانيه نضربك
جميله: خيرها شن مدايره هادي
سامر: سر بيني وبين بنتي

جميله: عندها بنت وحامل
ومايا : تزوجت. ودنيا. حتى هيا
اما كمال الي عشق ناريمان صاحبة جميلة وتزوجها. وملك وخالد عندهم وولد وبنت وكريم عمهم جاته جلطه ومعاش يقدر يمشي وسند سافر ويكلم فيهم مره مره وخلاص اما فتحيه كل يوم في النكد و اروى مخطوبه. وابتهال ربي عوضها ع راجلها الي عايشه هيا وياه احلى ايمات عمرهم
فلاش باك 🙅‍♀️🙅‍♂️
نهاية مرام. بعد عرس جميله
سند: شني يادكتور
دكتور: زي ماتوقعت
سند: شن في
دكتور: عندها الخبيث عفانا وعفاكم الله
سند: من الصدمه طاح لوطه. قعمز
فاتت شهر وماااتت لان كان منتشر

النهايه ❤️❤️
مش كل بداية حب فاشله يعني خلاص حاول تحب مره تانيه وهاتلقى بنت الناس يلي تصونك
زي (خالد)

حاولي تغيري من نفسك للافضل وحاولي تحبي الناس وماتحكميش ع الناس من بره زي (مايا)

اعرفو كيف تربو صغاركم مش ديما شوفي هديكا محلاها وشوفي هادي كيف شاطره ياريتك زيهم. هادا يولد الحقد والحسد حتي لو كانو خوات احرصي علي تربيتهم صح زي (فتحيه)

مش اي شخص توتقي في وتعطي صورك او فيديواتك او تطلعي انتي ويااه. وتقولي لا واتقه في
معرفة نبيل ومرام مكانتش تعرفه باهي واول ماطلب منها تطلع طوول وافقت

الصحباااات. والصحاااب
اهم حاجه هادي. اعرفي من تختاري لان هما يأترو اعليك هلباا في ابسط الحاجات متلا (مرام و نورس)

الحسد والكره والغيور حاولي تتحكمي فيهم مش يخلوك تنعمي وديري حاجات غلط زي ماسحرت مرام بنت عمها.

كوني طيبه مع الكل والناس كلها تحبك وديما اضحكي لان الدنيا فانيه زي سامر وكمال يلي عاشو في الغربه سنين

انشاء الله عجبتكم روايتي. حقيقه ممزوجه بالخيال وانشاء الله وصلت حكايتك ياجميله

سامحوني ع اخطائي الاملائيه وع تأخيري. واقرو روايتي (زوج اختي حبيبي) قصه ليبين ومن اسمها ووواضح المعنى ووقفت اعلها كنت نكتب في بنت العم

رأيكم في الروايه يهمني لان اول روايات ليااا.
(دمتم في حفظ الرحماان) 💓💝💖