(بنت العم )

(27)

روايات باللهجه الليبيه  27
رواية بنت العم

بعد شهور
سمية عايش في العسل مع احمد ومتعالقين في بعضهم

دنيا طبعا متعلقه في عدنان هلبااا

سامر من هي الي يفكر فها هانعرفوها

الساعة 10:00
مرام : افف ياربي حي اعليا مش عارفه خيرنيه وقعدت شويه وخشت ترجع
دنيا : خيرك
مرام :شي يمكن واخده برده
خشت مرام للنت وشافت الاعرض وطلعت انه حامل

سمية : حبيبي شن نديرلك الغدي
احمد : ديري كسكي
سمية : باهي حا وخشت للحمام تجري
احمد : لحقها خيرك
سمية : مش عارفه خيرني حسيت كبدي زاهقه بعدين نضت نرجع
احمد : انشاء الله خير بعدين تمشي تعايني
سمية :تي لالا اكيد برده عاديه
احمد : نمشو نشوفو
سمية : امبه

جميله : خيرك ماما
فاطمه : جايا خيريه
جميله : ليش
ماما : جايا تهدرز
جميله : اممم باهي خلي نوض نلبس
ماما : بري
نضت اللبست سروال كايبو اكحل وفوقه بلوزه ازرق ملكي وقمت شعري فوق ونزلت خصله ودرت مكياج بسيط ونزلت
جميله : اهلين مرت عمو كيف حالك
خيريه : اهلين بنيتي كيف حالك انتي
جميله : الحمد لله كيف حال سمية ومايا خيراها ماجتش
خيريه : الحمد لله خليتها راقده
جميلة نضت حطيت عصير وفرقت وقعدت شوية وخشيت لي داري

دنيا : حبيبي ليش بتسافر
عدنان : والله ياعيوني عندي خدمه
دنيا : امم باهي كم يوم بتقعده
عدنان : مرات اسبوع
دنيا  : باصوت حزين هلبا اسبوع
عدنان : توا نكلمك كل يوم باهي
دنيا : امبه
هدرزت اعلي شوية وبعدين سكرت
دنيا : مرام خيرك نقول لي بوي تمشي تعايني
مرام : ياربي توا شن بندير كان عرفو تي والله لما يقتلوني ونبيل ماباش يرد اعليا اه ياربي لاكن هو قالي بنجي نخطبك اني متأكده ان يحبني وبيجي يخطبني باهي خي
دنيا : ضربتها بشويه ع يدها
مرام : تي ها خيرك خلعتيني
دنيا : لان ليا ساعة نكلم فيك
مرام : شن تبي
دنيا : نكلم بوي تمشي للمستشفى
مرام : لالا مافيا شي
دنيا : باهي خيرك تعيطي
مرام : اني عيطت
دنيا : اي حق فيا اني نكلم فيك ومشت
مرام : عاودت تتصل بي نبيل لاكن مافيش فايده

ماما : جميله جميله
جميله : نعم ياماما
ماما : تعرفي اعلاش جت خيريه اليوم
جميله : لالا
ماما : بتخطبك لي سامر
جميله : اءء
ماما : شن رايك فكري قوليلي
جميله : باه وخشت لي داره وتكت ع السرير اه ياربي
في الماضي ... في العرس
جميلة واقفه تصب في الشاهي وخش اعلها سامر
سامر : مساء الخير
جميله : ييي خلعتني مساء النور شن جيبك اهني
سامر : اءء نبي مفرش
جميله : مشت جابت المفرش وطاح منها
سامر : كانت بتجيب المفرش وطاح منها نزلت بنجيبه   نزلت حتى هي باتقيمه
جميله : قعدت نشبحله من قرب كيف اعيونه ولحيته كانت مرسومه
سامر : سرحت في كيف قصتها قاصتها لي جبينها وكيف مدايره مكياج خفيف
جميله : فقت ع روحي اء هاك وناضت تجري طلعت بره الكوجينه
سامره : خدي المفرش انشاء الله تكوني من نصيبي وطلع
في الحاضر ....
جميلة : ابتسمت وناضت غسلت وجها وتوضت وصلت

يتبع ....