رواية باللهجه الليبيه 13 ......
بنت العم
يوم البيان 💍
حوش صالح ....
مايا :امي وين الصندوق متع الحلويات
ماما : تلقيه وراه بابا المربوعه
فاطمه ام جميله : اعطيني ندير الكينكس
سمية : نضت فطرت ودوشت ومشيت للمزين الكوافير اني وصاحبتي نرجس
المزينه : تبي لوك معين انديرهولك
سمية : لا لا الي يطلع اعليا ديري
المزينه : باهي حبيبتي وبدتلها
حوش حسن ....
جميله : نضت بكري دوشت وفطرت وطلعت قفطاني لونه احمر ماشي ع الجسم في فتحه من التالي ومن جيهت الصدر كله فصوص
قعمزت نجبد في شعري بالسترا لا الاستشوار يحرق كملت جبد شعري ناديت اروى درتلها شعرها هي وثريا وطلعتلهم حوايجهم لان ماما مشت لي حوش عمي تعاون فيهم
اروى : جميله قونة ثريا تبي تحديد
جميله :ترا جيبها
اروى :باهي خودي
جميله : اي تبي وانتي شن بتلبسي
مروى : القونه الدجين مع الفانيليا الورديه
جميله :امم حلوه
في حوش كريم
فتحيه : نوضي يابنت ديري شعرك
مرام : دنيا ادير في شعرها توا
ماما :تي باهي نوضي طلعي قفطانك ووتيه واكسوسراتك
مرام : توا بعدين نوتيهم
دنيا : ماهو ضروري نطلعو اخر الناس بجرتك
ماما : من توا والله تعطلي لما نقعمز اني وياك
مرام : افففف استغفر الله وناضت
مرام : طعت قفطان لونه احمر طويل وطلعت الاكسوسرات ع الدهبي لان الفطان في الدهبي وطلعت كندر كحله معدسه من قدام بادهبي ووتيت كل شي كملت دنيا شعرها بديت اندير في شعري اني
ماما :دنيا شن بتلبسي
دنيا : بنلبس قفطاني الازرق ملكي ( ياولي قداش نحبه هدا اللون ) في فتحه من الضهر وفي زي الحزام في ورده وفي طرف مع الورده نازل وكندره كحله كحلي واكسوسرات ع الاكحل
ماما :امم حلو لاكن الاكحل احلى ولا
جميله : لا لا هدا احلى با هلبه
في حوش صالح ...
جو عمكم حسن وصغاره وكريم وصغاره
مرام :😱😱😱
دنيا :خيرك
مرام : شوفي الفرخه جميله لابسه زي قفطاني
دنيا : اي لاكن انتي طويل وهي قصير
مرام : تي نفس اللون ونفس الفصوص الي في
جميله : اهلين دنيا كيف حالك
دنيا :اهلين بيك الحمد لله
جميله :اهلين مرام كيف الحال
مرام : بصوت واطي🔇 سمعاته دنيا قبل ماتجي انتي كان باهي حالي
كملو تسليم
جميله : مايا شن اندير معاكم
مايا : لا خلاص كملنا مايا لابسه قونه كحله ضيقه وبلوزه ازرق كحلي وكمامها واسعات وفيهم شده
فتحيه : جموله تعالي قعمزي بجنبنا وفضت كرسي لان كانت عندهم دار كبيره وكلها كراسي وطاولات
جميله : كيف حالك مرت عمي
فتحيه :الحمد لله كيف حالك انتي شني نجحت
جميله : اي الحمد لله
مرام : هكي منضرها 😒😒
جت سميه وكانت تحفه تهبل لابسه قفطان فوشي ومن جيهت الكتف مفتوح وفي فتحه من الجنب ومكياجها هادي بعدين بدلت لبست قفطان اصفر للركبه منفوخ شويه من لوطه ومن جيهت الكتاف في زي السبته والكمام نازلين الصراحه الاصفر احله
جو اهل العريس وكانو قايمين خشمهم مش عارف اعلاش وجابو العشي كان من معمل رز وسكلوب وبوريك وطاجين
روحنا للحوش واني نفكر اعلاش هكي تشبحلي مرت عمي فتحيه بدلت حوايجي وغسلت وجهي وطوول للنوم 😴😴
أنت تقرأ
(بنت العم )
General Fictionبنت العم قصه حلوه مش هنحكي ع التفاصيل عدم نشر الرواية الا بااسمي سروش وبس
