(بنت العم )

(10)

رواية باللهجه الليبه
(بنت العم  )10.. ...

جميله : مامتي
ماما : نعم
جميله : كنت نكلم في كمال يسلم اعليكم
ماما : اي والله لي وحشه
جميله : قال بعدين نكلمكم مكالمة فيديو
ماما : باهي ناديني لما يكلمك
جميله : حاضر

❤❤ سروش وبس ❤❤
صالح عم جميله : ياخيريه خيريه
خيريه : نعم
صالح : قعمزي : بنهدرز  اعليك
خيريه : قعمزت  نعم
صالح : جو ناس يخطبو في سميه
خيريه : مني
صالح : عيلة الحاج فتحي
خيريه : اي اي زبطهم
صالح : والله ناس كويسه الحق
خيريه : ربي يكتب يلي في الخير
صالح : امين غدوه جايين ماليه
خيريه : باهي توا نطلع بعدين ناخد حاجات
صالح : باهي واني بنكلم كريم وحسن يجو
خيريه : باهي

❤❤سوسو وبس ❤❤
في الجامعه انكرانيا 
كمال : اوووو ايمن صح
ايمن الي جي لما دارو عركه : اهلين كيف حالك هدي تاني مره نتلاقو
كمال : اي كيف حالك شن اخبارك
ايمن :والله بخير الحمد لله كيف حالك وين سامر مالى
كمال : ماشي يجيب ف قهوه تعالى انقعمزو
ايمن :هي " ومشو قعمزو "
كمال : تقره اهني ولا شني ؟
ايمن : لالا معيد (دكتور يقري في الجامعه )
كمال : مشاء الله
ايمن : انت تقره ولا ؟
كمال :اي مزال سمسترين
ايمن :باهي ع خير
سامر : جي وجاب زوز قهوه
سامر : سلم اعليه اهلين كيف حالك
ايمن : اهلين بيك سامر شن الخبار
سامر : بخير الحمد لله سامر حط طاسة القهوه قدام كمال والتانيه قدام ايمن
ايمن : تي خود ياراجل توا نوض انجيب
سامر : والله ماصارت هي ليك
ايمن : باهي صحيت
سامر : تقره انت
ايمن :لا معيد
سامر : باهي مشاء الله
كمال :اماليك اهني ولا في ليبيا
ايمن : لالا كلنا اهني
سامر : باهي احسن حاجه
ايمن : وانتم
كمال : لا لا بروحنا اني وسامر
سامر : كمال يكون ولد عم وخوي
ايمن : ماتقوعتش تقربو لي بعض
كمال :اعلاش
ايمن : توقاعتكم صحاب بس
سامر : اني وكمال من لما كنا صغار مع بعض
كمال : تربينا مع بعضنا
سامر : وكبرنا مع بعضنا
كمال : وانشاء الله نتخرجو مع بعض

في الماضي ....
في الشارع .... كمال وسامر صف الخامس
سامر  :متلمين اعليه ولاد اكبر منا و يضربو فيا واني نقاوم فيهم
كمال : واني كنت مروح وقفت القيت ولاد متلمين شبحت هكي القيت سامر وجهه دم
سامر : كان خشمي دم
كمال : جيت قعدت نضرب فيهم بكل جهدي ونحدف اعليهم في الرشاد لين هربو
سامر : طلع كينكس من جيبه ومدهولي وقعدت نمسح في خشمي وروحنا

في الحاضر ...
ايمن : هههههه كمال : يامتع المشاكل .
كمال :مش قصة متع مشاكل لاكن احني تربينا مع بعض
سامر : كنا ديما الي يوصل في حد فينا نضبوه ونتعركو اعلي .
كمال : وديما ناخدو في القرار مع بعضنا
سامر : كنت نعتبر فيه خوي
كمال : حتى اني وخوي خالد مش هكي ماعمري هدرزت اعليه
ايمن : وكيف خلوكم تسافرو مع بعض
كمال : ههههههههه
ايمن : خيرك تضحك
سامر :قصه طويله  توا نحكيلك
____😃__/______😊_____/_____😉____/
في الماضي ...
بابا : سامر قررت اني وامك تسافر تقره بره
سامر : فرح باهي واخيرا  .
بابا : المهم : توا بتكمل الثانوي وبتسافر عندي صديق توا ينضملك امورك
سامر :وكمال
بابا :بوه قاله ماتمشيش
سامر : اءءءء 😨  باهي اقنع عمي يخلي يمشي معاي
بابا : مانقدرش هدي شي عائلي اني ماخصيش في
سامر : كيف بنسافر من غير كمال