Playing With Fire ♥️ Rated-M (Z+U) [ S 1 ❤️ COMPLETED... S 2 ❤️ ONGOING]

Eight ♥️ Uni

ဆေးရုံဝင်းထဲရှိ အရိပ်ကောင်းသော သစ်ပင်ကြီးတွေရဲ့အောက်... အရောင်အသွေးစုံသော ပန်းခြုံလေးတွေကြားမှာ သစ်သားခုံတန်းလေးတွေရှိသည်။ ညနေ ဂျူတီလဲကြသည့် အချိန်ဖြစ်တာမို့ Chanyeol နဲ့ Baekhyun မှာ ဂျူတီကုတ်၊ ယူနီဖောင်းတွေနဲ့မဟုတ်ပဲ ပေါ့ပေါ့ပါးပါး အဝတ်အစားတွေနဲ့ ဆေးရုံထဲကထွက်ပြီး ခုံတန်းလေးတွေပေါ် ဘေးချင်းယှဉ်ထိုင်ကြနေသည်။

ညနေခင်းလေပြေ၏ ဆော်သွေးကျီစယ်ခြင်းခံရသော ခဲငွေရောင်နှင့် ပျားရည်ရောင်ဆံသားတို့သည် အတွေးထဲနစ်မျောနေသူနှစ်ဦး၏ နှဖူးပြင်ထက်မှာ ဝေ့ဝဲကျနေခဲ့သလို Baekhyun ၏ မျက်လုံးအကြည့်တွေသည် Chanyeol မျက်နှာအမူအရာတွေကို အသေးစိတ်ကအစ ဖတ်ရှုနေသည့်အတိုင်းပင်။

Chanyeol လက်ထဲက ထမင်းဗူးလေးကို ခုံပေါ်တင်လိုက်တော့ သွယ်ပျောင်းသည့် လက်ကလေးတဖက်က သူ့လက်ခုံပေါ်အုပ်မိုးကာ အားပေးသမှုနဲ့ ဆုပ်ကိုင်လာခဲ့သည်။

" အဆင်ပြေရဲ့လား "

အဖြေစကားမပြန်နိုင်တော့တဲ့အထိ ရင်ဘတ်ကြီးတခုလုံး ပဲ့တင်ထပ်နေသော မေးခွန်းပေါင်းမြောက်များစွာကြောင့် ဆည်းဆာရောင်သမ်းနေသော မိုးကောင်းကင်ကို မျှော်ကြည့်ရင်း သက်ပြင်းကြီးတချက်ချမိသည်။

" ဒီနေ့..သိခဲ့ရတာတွေ...
တကယ် မယုံနိုင်သေးဘူး "

Chanyeol ပုခုံးတဖက်ကို ခပ်ဖြည်းဖြည်းမှီလာတဲ့ ခေါင်းကလေးနဲ့ လက်ချောင်းတွေကို ဖွဖွဆုပ်ညှစ်လာတဲ့ နှစ်သိမ့်ပေးမှုလေးတွေကြားမှာ ရင်ထဲကအစိုင်အခဲကြီးကို ဖွင့်ထုတ်လိုက်ချင်စိတ်တွေ တားဆီးမရတော့တာမို့ စိုစွတ်လေးလံလာသည့် မျက်တောင်တွေကို မြန်မြန်ခတ်လိုက်ရသည်။

" မင်း...အဆင်ပြေသွားတဲ့အထိ..
ငါ..ဒီအတိုင်း ရှိနေပေးမယ် "

" အပြင်မှာ အေးမှာပေါ့ ကိုကိုရယ်..
အနွေးထည်လည်း မပါပဲနဲ့ "

" မလိုပါဘူး အနွေးထည်.."

ဆေးရုံ ဝန်ထမ်းတွေအလုပ်လုပ်ရာနဲ့ အလှမ်းဝေးတဲ့နေရာဖြစ်တဲ့အပြင် နေဝင်ဆည်းဆာရဲ့ အရောင်မှိန်ဖျော့မှုအောက်မှာ ဘယ်သူဘယ်ဝါမှန်း ရိပ်မိဖို့ခက်ခဲလွန်းတာကြောင့်နဲ့တူပါရဲ့။ Chanyeol နဲ့တပူးပူးတတွဲတွဲရှိနေတာကို သူများတွေ့သွားမှာ စိုးလွန်းတဲ့ကိုကိုက အခုတော့ သူ့ပုခုံးပေါ်အလိုက်သင့်မှီတွယ်ထားပြီး လက်ဖျားတွေအချင်းချင်းယှက်သွယ်စေရင်း မျက်လုံးလေးပါအသာမှိတ်ထားလိုက်သေးသည်။