وصلت السيارات الصخمة لتدخل ساحة الفيلا .....لينزل جاسر من سيارته بسرعة وابتسامة واسعة سعيدة ليفتح الباب الجانبي ويساعد إياد على النزول .....
نزل إياد ويرسم على شفتيه ابتسامة كبيرة يتأمل الفيلا أمامه بعينين تلمع بالدمع والحماس.... وهو يشعر بأنه قد مرت سنين عديدة على ابتعاده ......
نظر للرجال المتجمعين حولهم يقفون بصفين على الجانبين برسمية واستعداد .....
انحنى جاسر وحمله بين ذراعيه ليقول إياد بضحك: جاسر أنت بتعمل إيه أنا عارف أمشي لوحدي....
نظر جاسر إليه وهو يسير بين الحراس ويقول بسخرية: إيه فاكر نفسك كبرت ولا إيه.... اسكت ومتخلينيش أفتح في الدفاتر القديمة .....
ضحك إياد بسعادة ليبتسم جاسر ابتسامة نابعة من قلبه بعد أيام طويلة قضاها كلها بالوجع والبكاء وإياد يقول: ده أنا كنت بحايل بيك محايلة علشان تشيلني....
ليضحك جاسر مجيباً: أنت هتقولي !؟ م انت كنت تطلع عين أهلي كل مرة وتفضل تزعق وتعيط وأنا استسلم في النهاية .... ميهمكش مريض تعبان متزفت نايم المهم تتشال.....طول عمرك مدلع......
ضحك إياد بحب: متشكرين ياخويا نردهالك بالأفراح....
ليبتسم جاسر وهو يصعد درجات السلم: إيه هتشيلني يعني ؟
ليومئ إياد برأسه بفرح: أيوه هشيلك بفرحك وأعملك أحلا هيصة....
جاسر: مين قالك إني هتجوز أصلاً....؟
لينظر إلبه إياد بدهشة وتذمر ومزاح: أنت مش هتتجوز.... مش هتفرحني بيك.... ليه يابني تعمل بيا كده عايز تحرمني أشوفك عريس وأشيل ولادك بين إيديا قبل م موت ...؟
وضعه جاسر على السرير برفق ورتب الوسادات خلفه ثم رمقه بحدة: بغض النظر عن إنك بتهزر دلوقتي....بس الكلام ده مش عايز أسمعه منك تاني فاهم....سيرة الموت متجيبهاش على لسانك أبداً....
ليتصنع إياد الخوف ويرفع يديه أمامه: خلاص خلاص ياعم المرعب حرمت والله.... وماله متتجوزش عادي اقعد كده معنس يا معنس .....
جاسر: معليش البركة بيك بكرا أنت تتجوز وتفرحني بيك....
لينظر إليه إياد بدهشة وتفكير ...فيبدو بأن جاسر يتكلم بصدق ..... لم لايريد الزواج .....؟ إنه مازال في مقتبل العمر....لديه من الأموال ما يكفي بلداً بأكمله والنساء تتمنى نظرز واحدة من عينيه.....
دخل مهاب بمرح وسعادة هاتفاً: نووورت البيت يا دودو....
ليضحك إياد ويكف عن تساؤلاته وتفكيره: طبعاً أنا بنور أي مكان بقعد بيه .....
ليخرج جاسر من الغرفة ويتركهما سوياً.... نظر إياد إلى مهاب الذي ينظر إليه بدمع ووجع ليضحك قائلاً: مالك يابني وشي بخلي الناس تعيط ولا إيه ؟!
ليمسح مهاب دموعه ويبتسم: أنت إزاي قدرت تستحمل كل ده يا إياد....أنا لو مكانك مش هقدر....
أنت تقرأ
رجل كالنار
Mystery / Thrillerرجل بارد ، قاسي ، صارم ، قوي ..... رجل لا كالرجال ..... أعداؤه كثيرون والكثير يريد قتله .. ولكنه كالنار المستعرة من يقترب منه يحرقه حتى يصبح رماد ..... نقطة ضعفه واحدة والجميع يريد استغلالها فهل سيسمح لهم بذلك ؟ أم أن ناره ستزيد اشتعالاً وتحرق كل ش...
