مساءكم سعاده
.
.
.
محمد .....خير علي
علي .... محمد وين جنت صار ساعه منتظرك
محمد .... احجي علي قلقتني صاير شئ
علي .... لك خالد استشهد
محمد .... شلووون ...
علي .... هسه اتصلو بيه من الفرقه ...وما اعرف شسوي ... خفت اروح لوفاء وحدي ما اعرف شلون اكدر اوصل الخبر واكلها خالد استشهد
محمد .... شلون تروح لوفاء لك هاي غير تتخبل اذا تسمع
علي .... وهسه شلون محمد فهمني شلووون
فرحه .... وفاء أخت محمد متزوجه عدها بنيه و٢ولد بس حياتها مره حيل ... عيالها شادين وياها بسبب نزعتهم الطائفية... همه شيعه وهي سنيه ... وخالد اخذها عن حب غصب عنهم ...وفاء تعبانه بسبب عيالها مع العلم بيتها وحدها مو وياهم ... اليوم من رجعنه من المدرسه تلكانه علي اخو محمد محتار ... ميعرف يتصرف لان زوج وفاء مستشهد ... طبعا ... بعد ما خلصت الحرب العراقيه وي ايران .... دخلنه بحرب جديده ...اسمها ام المعارك ...اكثر القراء يعرفوها ....
زوج وفاء ضابط وجان داخل للكويت وي الجيش العراقي ... ومن راجع بالطريق مستشهد بالبصره ...والفرقه متصلين على رقم بيت عيالي ....لان جان الهواتف ارضي ماكو نقالات
اخذنه محمد ورحنه لبيت أهله..... لكيناهم مسبيين سبايه ... لأن الخبر جاي على عنوانهم ... وكلها تخاف تروح تبلغ وفاء واهل زوجها بهاي المصيبه ...
واخيرا قرر محمد يروح ويبلغهم بقينه منتظرين اتصاله على نار
وبعد ساعه اتصل بينه حتى نروح لوفاء .. ونشاركها مصيبتها ....وعرفنه منه هو مأخذها لبيت عيالها ولازم كلنه نروح هناك ...طلعو الولد واستلمو الجثه واخذو دفنو بالنجف ..وكعدنه بالعزا الي نصبو اهل خالد ... كعدنه بعزاهم ...وشاركناهم الحزن ..ووفاء جان حالها يكسر القلب طار عقلها على فراك رجلها .....وبعد ٣ ايام خلص العزا طبعا وكفوا محمد واخوته وياهم وحزنوا على حزن اختهم ...رادت وفاء ترجع لبيتها وتلزم العده بس حماها الجبير وامه ما قبلو ..كالو تبقه عدهم للاربعين وبعدين تروح لبيتها ...... وبعد شهر خابرت وفاء تدك وتلطم
فرحه .... وفاء شبيج
وفاء .... ولج كولي لمحمد يجي يأخذني ...
فرحه ..... خيرج وفاء غير نفتهم شكو
وفاء ....اليوم سمعتهم يحجون بينهم ... يردون يأخذون ولدي ويطردوني بعد الاربعين ... تعالو اخذوني ..بعد ما اكدر ابقى هنا .... خاف صدك يأخذون ولدي مني ويطردوني بالشارع
فرحه .... بس طولي بالج وعينج على جهالج ..ومن يجي محمد اكله ونجي عليج
وفاء....... فدوه فرحه لتتأخرون عليه
فرحه .....صار حبيبتي صار
محمد ..... فرحه شنو هذا الحجي شلون تريدين اروح اخذها من بيتهم ....وبعد دم خالد ما نشف بترابه
أنت تقرأ
امنيات معلقه
Romanceقصه حقيقيه من الواقع تحكي معاناة عاشق .... لم يمت عشقه بين ثنايا الروح ... فأصبح هذا الحب لعنة وأعصار ... دمر كل حياته ...
