السلام عليكم احبتي ... علق البعض عن سرعة الاحداث ...هذا السرد كله عن عائلة نصر ...... يعني لازم اختصر الاحداث حتى نوصل محور قصتنا .... قصه نصر بالبارتات القادمه ان شاء الله
نسترسل بالكتابه ...
بعد ست اشهر
محمد ....فرحه حور بعدها زغيره ...شنو معتز يريدها
فرحه ..... لا مو زغيره ...بناتنا بكدها مخلفات
محمد .... اعرف بس اني احسها طفله متتحمل مسوؤلية ....ولتزعلين مني معتز طايش وعايش حياته بالطول والعرض وما بعينه شئ من كد الدلال ....واخاف يظلم هاي اليتيمه
فرحه .... هااا محمد تريد ازعل عليك اني اريدك تساعدني حتى نفتح الموضوع وي وفاء وانت تكول معتز طايش ...
تره معتز سبع ومعدل ...وهذا الدلال يخلص من تصير بركبته مره ...وانت تعرف اخويه والخير الي عايشين بي يعني راح يدللها ...
محمد ....والله يافرحه ما اعرف شكول تعرفين حور امانه عندي وما اكدر اقرر مصيرها واحملها مسوؤليه بهذا العمر وبعدين منو يكول عمامها يقبلون ينطوها لأبن اخوج ....بسبب المشاكل الي بينه
فرحه .... اوو يا محمد خبصتنه بالعمر عمي تره حور مو كلش زغيره ..وثاني شئ امها موجوده عمامها شكو بعد
محمد ..... تمام نفتح الموضوع وي أمها ونشوف رأيها
فرحه ....اي هذا الحجي المعدل من ابو قائد المعدل
محمد ....هههههه اصبغي بيه مو هاي السالفه بيها مصلحة ابن اخوج صرت ابو قائد ومعدل أنوب
فرحه ....لا والله اني افكر بحور ومصلحتها اكثر من ابن اخويه ....تعرف كلش زين الف وحده من بناتنه تتمنه معتز والله ...تقربت عليه عصرت خدوده بيدي وبسته من خشمه ...وثاني شئ منو معدل اكثر منك يا ابن روحي انت
محمد ....هههههههه اوووف من لسانج اوووف
فرحه .......يله راح انزل اصيح ام العروس حتى تصعد يمك ووتكلها
محمد ....ههههههههه سويتيها ام العروس بسرعه انتظري نعرف الرد شنو
وفاء ...... ها عيني محمد... فرحه تكول تريدني بموضوع مهم
محمد ..... اي وفاء تعالي اكعدي كبالي ...
وفاء .....شكو محمد راحت روحي تره
محمد .....سلامة روحج وإنه اخوج .... السالفه وما بيها اكو جماعه يريدون بتج حور لأبنهم
اباوع وفاء وكفت على حيلها وتعصبت
هاااااا شلون
شبيج وفاء شنو عبالك كتلج مصيبه لا سامح الله
وفاء .. مو قصدي محمد بس محد يعرف اني عندي بنيه ....منين ذوله الجماعه وشلون اجو عليك
محمد .... على كيفج خويه ..فرحه تريد تخطب حور لمعتز ابن اخوها تكول شايفها بيوم طلعتي من السجن ويربدها على سنة الله ورسوله
أنت تقرأ
امنيات معلقه
Romanceقصه حقيقيه من الواقع تحكي معاناة عاشق .... لم يمت عشقه بين ثنايا الروح ... فأصبح هذا الحب لعنة وأعصار ... دمر كل حياته ...
