امنيات معلقه

البارت الثالث

مساء الورد ...
...
...
..
وفاء .... ما اعرف شصار بيه من سمعت صوت محمد يصيح بالطرمه ...فتحت الباب وركضت....حتى اشوف شكو ...
اباوع سعد ممدود بالكاع ويرافس ارتاحيت من شفت الدم يجري من رجليه يعني عدل ...ما ميت
ورجعني صوت محمد

محمد .....وفاء وين طالعه هيج روحي طلعي جهالك
وتعالي للسياره بسرعه شمنتظره

وفاء ....اي صار .....رجعت ركض للبيت لكيت ولدي تصارخون واختهم لامتهم بحظنها ...
بالمطبخ وعيونهم على عمهم الي سابح بدمه ويلوب بالكاع سحبتهم وطلعت غراضنه وصعدنه بالسياره .... بس الناس تارسه الفرع وكلها تصيح بلغوا الفرقه بلغوا ....اكو واحد نكتل..... حسيت محمد ارتبك ميعرف شيسوي بس يتمتم وي نفسه طبه مرض طبه مرض ودايس على البانزين والهورن بوكت واحد..
.. بقيت محتاره شكول ..شلون اذا سعد صفا الدم ومات ..يمه عزا راح يعدمون محمد.....بقيت الوم بروحي شلون خابرت عليه وشلون سويت هيج ..راح يروح اخوي بالرجلين من ورا واحد ناقص كمت ادك على خدودي
خويه ابو قائد هسه شلون حاجيني

محمد .... لتخافين وفاء ولتدكين على روحج ...ما صار شئ جلب واخذ جزاءه

وفاء .... والله انكس من الجلب بس انت شلون يبعد اختك لو ادري ما مخابرتكم .... وعاط بيه

محمد ....شلون متخابرين لج انتي شنو تايها ما عندج اهل وتحجين هيج

وفاء .... خويه انتو رفعة رأسي بس شفت شلون صار

محمد ...ما صار شئ كتلج ..هسه بس نوصل للبيت اذبكم واروح اسلم نفسي قبل ما احد يبلغ وتصير عليه قضيه

وفاء .... لطمت على وجهي تسلم نفسك شلون ....

محمد ....وفاء انت ناسيه اني رجال عسكري ... لازم اسلم نفسي

وفاء ..... وصلنه للبيت نزلت جهال والغراض ومحمد بقى كاعد بالسياره
ها خويه ليش متنزل

محمد .... لا ما انزل بس اريدج تدزيلي فرحه بسرعه

وفاء ..... صار
طبيت ركض كلت لفرحه محمد يريدها بالسياره

فرحه ..... هاي شبيكم انتي والجهال وفاء شكو

وفاء ...طلعي لمحمد يريدج بالسياره ...ومن ترجعين احجي لج كل شئ

فرحه ... طلعت ولكيت محمد واكف يم سيارته بس وضعه كله مو على بعضه
ها عيني فهمني شكو
حضني حيل

محمد ....شوفي تخابرين اخوج عناد خل يجي يأخذكم انت ووفاء والجهال للغربيه وراح انطيج عنوان يجيني عليه من يوصلكم بسلامه ويطمني عليكم

فرحه .... ياخذنا شنو ...ويا عنوان هذا الي يجيك عليه عناد

محمد ...فرحه مختصر الكلام اني صوبت سعد برجليه رميته بسلاح الحكومه ولازم اروح اسلم نفسي لاقرب مركز لو فرقه حزبيه حتى متصير عليه قضيه جبيره ...وعناد يعرف كل شي بس يجيني بأسرع وقت ضروري