مساء السعاده للجميع .... اكثر من شخص سألني عن نصر وين بالأحداث .... احب اكلكم اني بديب القصه من يوم ولاده نصر ..ومشت الاحداث حتى تعرفون حور شنو دورها بحياتهم ....وشنو الاسباب الي جانت ورا عيشتها وياهم بنفس البيت
.
.
محمد .... وفاء شبيج شنو هذا الحجي
وفاء...... مابيه شى ....بس لازم اخذ ولدي ما ابقى هنا بعد
محمد ....وين تأخذيهم ...
وفاء .... اهج بيهم ارض لمكان محد يكدر يأذيهم بي لا سعد ولا غيره .... ارض الله واسعه ...حظني محمد
محمد ...اني كل ارض الواسعه..... حظني ...بيتج واني امج وابوج واختج واخوج .... وفاء بس انتي بقيتي من ريحة اهلنا شلون تريدين تعوفيني وتروحين ...وشلون تكولين هيج منو يكدر يأذيكم واني اشم الهوى
وفاء .... اووف ياخويه احس الله كسر ظهري بهذا الحمل وما اكدر اشيله وحدي
محمد ... اني ظهرج الي يشيل كل حمولج ذبيهن عليه ولتفكرين بكل شى وانه اخوج
وفاء ..... بجيت بحظنه واحس اكو حركه بقلبي من حظنته بردت...
معتز .... بقينه لثاني يوم بالمستشفى ...والصبح قبلوا ندخل نشوف حور .... طبعا اني على لحم بطني واحس روحي رايحه من الجووع ...بس ردت روحي وشبعت من شفتها ... صارت عيوني بعيونها ... حسيتها كالت كل حجي الدنيا بدقيقه .... تقربت عليها
الحمد لله على سلامة روحج ياروحي انتي
حور .... فتحت عيني ما اعرف اني وين ... التفت لكيت اجهزه ميدور الغرفه .... تذكرت اني شسويت بروحي حركت ايدي ورجلي يتحركن الحمد لله اني عدله وجسمي مابي شي ورا خمس دقايق دخلت امي وخالي محمد .... بس ما شفتهم من فات معتز وراهم حسيته هو كل الموجودين امي تحجي وما افتهم شتكول لان تحجي بعصبيه وتحرك بيدها ما اشوف بس حركه شفايفها .
........سحبها خالي وطلعوا من الغرفه ...تقرب عليه معتز ... رفعت نفسي اريد اكعد ما بيه حيل ... تقرب مني وساعدني حتى اكعد .... حظنته حيل بدون تردد وهو حظني وشمني من ركبتي
معتز .... اووووووف يا عطرج يرد روحي ليش هيج يا بعد كلي ليش تنتحرين ما فكرتي بيه شلون اذا صار بيج شى شنو حالي
حور ..... معتز اشششش
معتز .... قربت حلكي يم اذنها ..ليش اششش ياروحي احجي
حور .... اريد روحي الراحت ترد اليه خليني اشبع من حظنك قبل ما يحرموني منه
معتز .... حور اريد اكلج شئ وتطاوعيني هاي المره اذا تحبين معتز
حور ..... اممممم
معتز .... اخذج ونطلع منا بدون ما احد يحس بينه .. ونروح للشقه مالتي أخذج .... وتصيرين مرتي وحلالي ومحد يكدر يأخذج مني بعد
حور .... هااااااااا
معتز ...بس كولي أي واني اخذج لأخر الدنيا لمكان محد يوصل النه بي ...وفزيت على صوت امها تصيح عليه وجرتني من قميصي
أنت تقرأ
امنيات معلقه
Roman d'amourقصه حقيقيه من الواقع تحكي معاناة عاشق .... لم يمت عشقه بين ثنايا الروح ... فأصبح هذا الحب لعنة وأعصار ... دمر كل حياته ...
