امنيات معلقه

البارت الخامس

مساء الخير على جميع متابعين قلوب مهاجره
..
..
..

وفاء ..... رجعت من بغداد بأتعس حال حسيت اليوم خالد مات صدك ...من شفت وسمعت سعد وابنه يهاددون علينه ويغلطون بالمطعم ...وسعد يهددني يأخذ حور واخوتها مني لان ما بلغتهم بالخطوبه ... شلون ياربي شسوي اذا هذا اجه وسوالي فضيحنه هنا شلون اطلع واواجه الناس بعد ...... محمد اخويه شنو ذنبه ينذل كدام اهل مرته واخوتها وعمامها وهنا كلها تقدره وتحترمه ويحسبوله الف حساب بقيت للصبح ما غفت عيوني سمعت الاذان ...طلعت حتى اتوضأ ..سمعت محمد وفرحه يحجون بالحولي ...والي فهمته من كلامهم صاير زعل بينهم ..وأكيد بسببي وبسب الي صار اليوم رجعت للغرفه حتى ميحسون اني سمعت حجيهم ...وانتظرت شويه طلعت توضيت وكعدت اصلي وادعي الله يستر علينه ويفوت هذا الموضوع على خير

معتز ..... كعدت الصبح بس هموم الدنيا كلها فوك رأسي ...بسبب الي صار البارحه واني بقيت مجتف لاحول ولا قوه ... طلعت لكيت ابويه كاعد يتريك بالحديقه ...كعدت يمه وحجيت كل الي صار وياي ببغداد ...وكف ابويه و انتفض من مكانه بعصبيه ....

ابو معتز .... يعني انت متأكد الي تجاوز عليكم عمها وابنه

معتز .... اي والله يابه عمتي وامها عرفوهم

ابو معتز ....افهم من كلامك عمامها ما عدهم علم بالخطوبه لو شنو

معتز .... يابه شكلك بس من حجيهم ميعرفون بالخطوبه

ابو معتز ..... لا لا هاي مو خوش سالفه اذا طلع هذا الحجي صدك انه الي حق على ابو قائد

معتز ....يابه شنو المو خوش سالفه هي حور عايشه عد خالها وهو مسؤول عليها

ابو معتز ....امشي وياي وانت تفهم

معتز .....طلعنه لبيت عمتي بس ابويه الطريق كله يحجي على عمو محمد ..واني مستغرب ليش ضاج هاي الضوجه وتعصب
اول ما دخلنه للديوانيه ودخل عمو محمد ابويه وكف على حيله

ابو معتز .... لا لا هاي ما مرجيه منك يبو قائد تحطنه بهيج موقف وانت ابن الاصول

محمد .... من شفت ابو معتز وسمعت كلامه ..فهمت هو عرف بالموضوع ومزعوج لان اني كذبت عليهم وفهمته اهل خالد ما الهم علاقه بوفاء وولدها ...بقيت محتار شجاوبه ...اشرت بيدي حتى يكعد ونتفاهم
ابو معتز ... وعليكم السلام ....واتمنى بس تكعد حتى نتفاهم

ابو معتز .... نتفاهم على شنو على غشك الي من البدايه

معتز ....يابه شنو السالفه

محمد .... حبيبي معتز عوف ابوك شيحجي حقه ...بس هو لازم يهدئ حتى نتفاهم ونحل سوء الفهم الي صار

ابو معتز ..... هذا مو سوء فهم وانت تعرف قصدي كلش زين ..... انت حجيت حجي ....والفضيحه الصايره البارحه بالمطعم تكول غير حجي