#زواج في زمن الكورونا
بقلم #روز_الفياض
.
.
رجعنه للبيت لكيت زينب تنتظرني ..
اتلكتنه من الباب :
هاا شكلولكم ؟
يحيى :
شكلونه بعد .. آآخ .. رمل والتهابات ..
زينب :
ياا سودة عليه .. وكتبولك علاج ؟
يحيى :
كتبلولي هسه الولد راحوا يجيبون العلاج ويجون ..
اتمددت عالجرباية وكتلها :
دثريني ..
زينب :
هاا ؟
يحيى :
دثريني .. غطيني بردان ..
غطتني وبديت ادفى .. وبدا الالم يخف شوية شوية الى ان غلبني النعاس ونمت ..
بقيت يومين بالفراش مااكدر اتحرك من الالم رغم اخذ علاج بس ماكو فايدة وماكو اطباء كاعدين ولاعيادات وماادري شسوي ..
بعدين زينب من شافتني هيج مالي خلك وموجوع ومنا الحظر كالت :
حياوي .. اجيبلك من اهلي دوه عرب ؟
يحيى :
عربيش ؟ شنو هذا ؟
زينب :
يعني قصدي اعشاب .. امي تسميها كفشة العرنوص ههه ..
يحيى :
وزين ؟ انطيني اي شي بس المهم اخلص من هذا الوجع .
زينب :
اي هسه دقايق ..
نزلت تركض لامها تجيب الاعشاب واجت ..
فورتها وجابتلي كلاص بي مي لونه خابط :
هاك اكعد اشرب .. هسه شوية وتصير زين .
يحيى :
شنو هذا لونه خابط ؟
زينب :
غير اعشاب ياعيني دشربه شربه .
شربته طعمه يلعب النفس كشيت من ذگته .. بس هي واكفة على راسي :
كمله كمله شبيك اتحمله غير علاج .
شربته كله بس كوه كملته ..
وره ساعة بدا الالم يزيد ..
يحيى :
آخ يابه .. آخ .. ولج زينب هذا علاج لو تيزاب انطيتيني ... راح اموت ..
زينب :
ياا اسم الله عليك هسه تصير زين بس تشرب كلاص ثاني .
يحيى :
ولج اكلها راح اموت تكلي اشرب كلاص ثاني .. آخ ..
خلال هالفتره مكدرت اتقرب لزينب وهي احسها متفهمه وضعي بس بعدها حاسه بالخجل مني ..
بالليل كتلها :
زنوبه سامحيني هذا مو عرس طلع عليج
زينب :
ولايهمك .. المهم تصير زين ..
بقيت اربع ايام اتلوى من الالم واخذ علاج واشرب مي هواي وزينب موتتني بكفشة العرنوص لحدما بديت اتحسن شوية شوية ..
لكن ..
كعدت الصبح رحت للحمام ومن طلعت سمعت عمتي ام زينب عدنه وتسال زينب :
هاا خلص لو هم البارحة لف راسه ونام ؟
زينب :
لا ماكو شي ميكدر لان مريض .
امها :
شطلعت هاي بس هو اربع تيام نايم ولايمه ؟
زينب :
يعني شسوي غير يكول موجوع ؟
امها :
ولج بالغبرة خاف الولد مسحور مو موجوع مو هذا ابوج متتذكرين من جان عنده حصوه بالكلة مو بس شرب المي مال كفشة العرنوص وكعت بنفس اليوم وصار زين !!؟ هذا اخاف ميريدج ؟ لو احد مسويلة عمل .. مابيها مجال .
ضجت من سمعت هالحجي المو وكته ..
اتنحنحت :
احم .. احم ..
سكتن الاثنين واني دخلت سلمت عادي ..
كالت ام زينب :
ها عمه شلون صرت ؟
يحيى :
الحمدلله عمة اليوم احسن شوية .
ام زينب :
مو جنك طولتها ؟
يحيى :
شنو هي ؟
ام زينب :
هاا لا سلامتك بس قصدي بعدك عريس ... ماشفت من العرس شي ...
يحيى :
شسوي بعد المرض ميعرف وقت ولامناسبة .
ام زينب :
ان شاءالله عندك العافية ..
كالت هالجملة من وره خشمها وطلعت بدون لاسلام ولاكلام .،
صرت عصبي على زينب وكتلها :
متعرفين تضمين حجاية يعني ؟
زينب :
حجايتيش ؟
يحيى :
زين هيج من خليتني سالفة كدام الناس ؟
زينب :
شالفتيش هسه اني شحجيت ؟
يحيى :
اني مااحب احد يطلع هيجي خصوصيات للناس حتى لو اهلي واهلج .
زينب :
والله محجيت شي هي سألتني وكتلها انت مريض .
خلصت النهار مالي خلك بعدين كمت خلصت كم شغلة بالبيت .
وما ان حل الليل حتى عقدت العزم على ان اخذ عروسي في رحلة من عالم آخر ..
رحلة تعلن بدأ حياة زوجية جديدة وتحدد حدود ملكيتي لشريكة حياتي ولكي اصبح ملكا خاصا لها كما يجب ان تكون لي ..
بعد العشا كعدت اباوع عالتلفزيون وهي كاعده يمي تباوع وياي ..
مديت ايدي خليتها على جتفها ودنيتها يمي ..
شوية شوية الى ان خليتها تنام بحضني ..
حسيت بيها خجلت من نظراتي المباشرة لملامحها ..
اتجاهلتني بخجل ودارت وجهها ..
درت وجهها بايدي وكتلها :
شنو هالحسن ..
ابتسمت فتحركت بعيداً عني على استحياء فأمسكت بطرف ثوبها لتسقط مجددا معلنةً استسلامها للمساتي وسيلاً من قبلاتي ..
يحيى :
زنوبه ..
رفعت وجها بخجل باوعتلي كتلها :
مبروك .
.
.
وفي الختام اتحدى آيه العبدلي لكتابة البارت القادم .
غدير وسام Frdos El Sined Hiba Alsaffar شيرين الشواني رؤى الجبوري كلام يحير البال نازك الحمراني نسرين ألجبوري شمس السعدي Chra Kirkuki Huneen Hatum
s AAZZ1288 AbeerAL_Hussnawy afyan_17 ahasees aliAbas036 altmeme313 altmeme313 DoraDora2001 Zinabia yaqouta-mohammed WesamSh Wardar45235621 sarahSarah844 user65690873 faraqidhasanail yguhvftg QabasAli5 snwn2231 Hamzayhoocom1996 princessa_
