#زواج_في_زمن_الكورونا
#حلقه_الرابعة....#نازك_الحمراني
رجعت على كعدتي وصافن ..
ياترى منو بلغ علية ومنو من مصلحته يأذيني
والله مالي أذية على احد
بقيت استرجع ذاكرتي...
كلت معقولة ابو السيطرة بلغ عليه هو يعرف سجاد ابن عمي ؟
لا لا مو معقولة البارحة شفته يم ابو الصمون واتحمدلي بالسلامه وكتله رمل وحصو ومن هالسوالف ..
اوف ياربي أوف ...
رديت عصرت دماغي وبالي راح لبعيد كلش ، معقولة ام زينب خافت على بنتها وعبالها اني مو رجال وهيج سوت حتى اطلك بنتها ...
سألت روحي وجاوبتها ، لا مو معقولة ، مترضه لبنتها تطلك با أول اسبوع من زواجها، شتكول للعالم ، اكيد محد يصدكها وتوكع العيبة عليهم بنتها...
مر وكت مو قليل وطب علية المضمد .
الله يساعدك...
هلا بيك ، يابة متكولولي شنو القضية ...
لتخاف عضيد اجراءات روتينيه وان شاء الله ماكو شي...
تسلم رحم الله والديك ...
مديت ايدي وسحب دم ، وضربني ابرة وطلع ..
مرت فترة قليله وبدت عيوني تسورب وراها محسيت بروحي الا مجضوع على السرير وافكر بزواجي الي مبتداء بسبب مرضي التفگیر تعبني
غفيت ومكعدا اله واني فاز بخوف الدنيا صارت ليل
أمد حظك يحياوي عود ليش مادست على نفسي وخليت زواجي كامل..وفوكها زينب ممخلیه واحد مگایله‌اله
هنا طفت الكهرباء بلمستشفى وگفت ادور موبایلی راین آنفتح باب غرفتي بس شلون فتحه اخت المداهمه...
لچیت جسمي للحايط متخوف من الشخص الي دخل...وبسبب الظلام والأناره الضعيفه
شفته واحد ملثم ولابس مناظر..كلت هذا جايسوون القاتل
عساها بخت وبحظك يحويتم قبل عرسي خلاني اشوف فلم جايسون واخلاني اسب جايسون وهسه رح ينتقم مني ويقتلني
هنا اجتي الكهرباء أنفتح الضوه وطلع الممرض لابس كمامه والسيف البيده مو سيف هذا مرش
اي مكتوب عليه مرش التعفير ظل يرش عليه
ويضحك
يرش ويضحك...نكعني تنكع واني لسى مصدوم من دخلته بظلمه عليه......صاح
-تحاليلك سالمه أطلع يابطل اليوم يومك
ياعريس...
اخذني من ايدي منعول الچلوه عفرني ونكعني وفوگها گلها عرفت بيه عريس وبعدني مداخل
لان لكيت الممرضين واكفين وكلها تتحمدلي بسلامه..وتصيح روح يابطل
ومن بعيد صاحبي أحويتم واكف بعيد يضحك حضني وگال
-حمد الله عسلامه ام حاتم جرتني من حضن طشرت واهليه
وتهلهل ركبت السياره والشباب مشغلين
أغاني وتحديدآ اريد اشرد بيك يمه...
وهنا تذكرت زينب مريتي لازم أخذها الحضني
لازم افعل زواجي لا شهل مصطلح يحياوي هي انترنتيت وتفعل ..اقصد لازم اتقرب الها
وصلنه للدربونه وعيوني للباب اريد اركض الحبيبتي واخذها الحضني
دخلت شافتني نظراتها الخجوله ثارتنب
منصيه وجهه گالت...یحیاوي حمدالله عسلامه نصيت بست راسها
-الله يسلمچ يبعد حياوي...الکل کعد یبارك على سلامتي
منتظرهم يروحن حتى اقتحم العش الزوجيه
...واخذ مريتي اشوي اشوي بدت الناس تطلع...
الى ان بقى اخر واحد اخوي حويتم..نترت بيه
-حويتم انت خوش صاحب ومقصرت بس هسه بلا رخصه أگلك اطلع ..گال
-مشتاقلک ضلعي حیاوي....
-مشتاقلي وك قبل لا ازوج اخابرك نروح نشرب نرگیل تتحجج صرت عزيز وضلع يله روح راويني عرض جتافك...
ضحك وگال..
-هو جاي اروح عود بيض وجه صاحبك
-اطلع واني ابيض وجهك...زتيته للباب قفلته
بكل انواع المفاتيح...... ورجعت للصاله زينب ماكو..
رجعت للمطبخ ماكو..دخلت للغرفه البنيه ماكو وين راحت.....صحت بعلو صوتي
-وووووينچ زینب....صاحت
-حیاوي فوك السطح اشر الملابس...خرب حظي المشخط طلعت ندراتها بليل صعدت الدرج اركض بگل قوه صبر معندي ركضت الدرج
متلهف
فرحان
گلي رغبه..وصلت عاشر بايه الگاع مبلله
زحلگت رجليه بلمي وعثرت وهي زلگه
وهي وكعه حسيت رجلي تگسرت..وصريخ زينب وصل الأذني...يمه حياوي بس لاوكعت صحت عليها
-خرب يومچ یزینب
Suzan Meerza@
شمس السعدي
Chra Kirkuki
روز الفياض آيه العبدلي رؤى الجبوري علي سعد @ Venus Aram نهى الحسون غدير وسام
عذروني بنات خاف منطيت حق المشهد لان مشغوله بقصتي انزل بيها
