#زواج_في_زمن_كورونا
#ام_مصطفى
البارت الثامن
شنووو شوكت اجتج هاي من خرب بالحظ الاسود وتاليها وي حظي صدوك لو كالوا المنحوس منحوس
امشي اطلعي من وجهي
-عزةةة وين اروح
-ولي من وجهي مااريد اشوفج الظاهر صدك لو كالت ام ..
-شكالت كول احجيها لا تضمها بكلبك اني كصتي فگر موو هيج كلت
-اكلج اطلعي مني هسة لا ابتلي بيج لو اني اطلع وانت انخمدي بغرفتج
اخذت مخدتي وبطانيتي وطلعت بالصالة
جنت ارجف من القهر والفشلة معقولة هيج اكو نحس شسوي هسة اكتل روحي اووف ياحياوي والله صرت مضحكة بين العربان 😢
شافتني ام حاتم بالصالة
-سلاما قول من رب رحيم شجابها هاي
-هاي ليش هنا نايم ولك من هسه سيطرت عليك وطردتك شكد عيب رجال شكدك شكبرك
-ام حاتم مالي خلكج انت تخوطين بصف الاستكان
-امداني انوب يكلي تخوطين بصف الاستكان ترة ابينه الشغلة واضحة مثل الشمس
مرتك طاردتك لو متعاركه وياك
ولك شمالك كتلك المرة لا تطيها مجال ايدك والضرب
-شيخلصها يربي اكلج ليش مترحين لبيتج وتخلصيني
-يااا تطردني انعم الله عليك فوك ماا انصحك سوي زين وذب بالشط
كافي تحجين ع مرتي مااقبل
-دفوت لغرفتك نام لو بيك خير
-اوو اشيل مخدتي وافوت لغرفتي
واعوفلج البيت
دخلت لكيت زينب كالبه الخلقة وتبجي
شافتني اهئ اهئ اني ططوه
-منو كال
-ام حاتم لعبالك مااسمع تره كولشي سمعت
-حبيبتي ام حاتم مره جبيرة ميخالف مثل امج مو ذاك اليوم حجت علي وسكتت كلت مره جبيرة
هسة بس عوغيني انام لان كرهت روحي وخابت امالي
بعد كم يوم
دخلت الغرفة لكيتها لابسة روب ابيض ابو الريش وخالة حمرة حمرة وكاعده ع الجرباية وترمش بعيونها من الخجل
-يا الله بسرعة نزعت واجيت اركض ع الجرباية جيتت
شنو هاي حبيبتي شطالعة جنج دجاجة تگاگي
-وانت ديج هراتي
-شنوو
-ههه الطف الجوي حياوي حبيبي
-عادي عادي بس انزعي الروب خل اشوف الجواه
-استحي
-لا تستحين يمعوده اني زوجج
يله حبييتي استعجلي اخخخ مو قلبي انشلع مااتحمل بعد
-اوكي بدت تنزع
واني جيتت
وجان يندك الباب حيييل
طفرت هاي شكووو
ماادري حياوي شصار هجوم شنوو
ركضت لبست
وفتحت الباب واشوف اختي سميعة هي وجهالها جاية وتصرخ
- يبوووي الحكلي حياوي
-هاي شكو وشجابج مو حظر تجوال
-اجيت بتكتوك بالدرابين
-اي شجابج
-رجلي طكني بالطاوه ع راسي وملخني تملخ الحكلي اخذ حقي منه مو اخوي انت 😭😭
مع تحياتي الكم الكاتبة ام مصطفى
حبيت اشارك وياكم 😘😘😘😘
