#زواج_في_زمن_الكورونا
#بقلم_زينب_الشمري
..............................
البارت 10
يحيى
مالحكت افرح بلأبوة توالت على راسي صدمه الكورونا الي صابت زينب
كاعد على المسطبة وحاط ايدي على راسي وحاتم واكف فوك راسي ينك على زواجي المصخم جا انه شمالة حضي هيج فاين
حاتم...... جا اته شمالك يحياوي هستونه طلعناك من الحجر هسة نرجعك للحجر
يحيى...... حويتم روح من وجهي مالي خلكك
كمت وكفت على حيلي وتجاوزته عفته يمتمت بينه وبين نفسة
رحت للدكتور الي جان واكف ولابس الجيس الازرك والكمامه والجفوف والنضارات
يحيى..... زين دكتور هية مو اكيد بيها كورونا انتو شلون عرفتو
الدكتور..... كل اعراض الكورونا ضاهرة عليها اضافة هية اعترفت بلسانها ملتقية ويا مرة اسمها ام سمير والي بيها كورونا اصلا
ضيكت عيوني جا انا تجذبين علية يزنيبة مو سألتج وكتلج تكليلي ماملتقية بيها
شسوي هسة يربي شكول عليج زنيبو
درت وجهي على ام زينب الي كاعدة وتنحب نترت بيها
يحيى...... خالة ماعرفتي تحجين وتكولين ملتقية بام سمير جا انه هيج مسويني مضحكة
باوعلي حاتم وهمس بشماتة
المضحكة
خزرتة ورحت للدكتور
انطاني خبر بان راح ينقلونها للحجر الصحي
هزيتلة راسي
الدكتور........ بلأضافة انتو هم لازم نسويلكم تحاليل خاف احد منكم مصاب
كمنه ورحنة على التحليلات نسوي اضافة الى قوة الصحة الي توجهت لمنطقتنه وينعاد نفس النداء الي نادوو على ام سمير
حللنا كلنا وجنت لازم كلبي خاف يصير بية كورونا اني اكثر واحد اتقربت عليها
ورجعنه منتضرين التحاليل تطلع مطول الموضوع الة بضع دقايق وطلعت التحاليل السليمه
حمدت الله وشكرته ورجعنه للبيت بعد ماعفت رقمي يم الدكتور حتة يتصل علية خاف يصير شي
وصلت ام زينب للبيت ورجعت لمشمتلي
وعفت بلمستشفى زينب الي مالحكت اتهنى وياها بشهر العسل
حتة مالحكت احقق الوعود الي انطيتها الها حسها الي جان مالي المكان هسة احسة فارغ صوت الصراصير بدة يضهر ويشوش تفكيري
طبيت لغرفتنه ونمت على الجرباية وشميت مخدة زينب
الهي كما انقذتني منها انقذ زينب منها
