#زواج_في_الكورونا
الحلقه التاسعة اماسي الليل
ليله الدخله
مر الاسبوع واني اتگرضم مگابل السگف اتفرج عليه كل ليله وهي نايمه من ابقى افكر بحظي اختنك اطلع للكراج اتمشى بسرعة اتعب رجلي بعدها بيها ألم بسيط شكلي استعجلت من شلت التجبيره
رجعت لفراشي بقيت استغفر الى ان نمت
فزيت الصبح زنوبه ماكو اها
تحركت من فراشي وطلعت ادور عليها
طلعت من الحمام ومرت من يمي
(ها عيني رايد شي )اباوع لحالها اريد اعرف الليله لو باگي ليله
( لاعبني بس شفتج مو يمي اجيت ادور عليج )
( لعد اني اروح اسويلك ريوك )
مرت من يمي بقيت ادخل للمطبخ اطلع للهول
هالسبحه وراها نظافه لو طهاره
اخر شي رحت وگفت بصفها شلت المنشفه عن راسها
استشقت عطرها
( الله شنو هالمصباح الحلو استرسلت بشفايفي على خدها ورگبتها زنوبه مو وكت ريوك تعالي جريتها من ايدها )
( وين انت فاهم غلط الحال مثل ما هو عليه )
( اها يعني بعد مطولين )
( لاحبيبي لو ليلة اليوم لو باجر ) اها بيها الخير
انتظرنا بعد ما يفرق يوم وله يومين
بقيت
اتفرج عليها وهي تفتر كدامي بملابسها المثيره منتظر الليل شوكت يجي واخليها ليله عمري وعمرها الي نحرمنا منها كعدت و
خليت ايدي جوه خدي زنوبه
( ها عيني )
( يمكن اني استعجلت بموضوع الزواج وظلمتج جان المفروض انتظر الوضع يتحسن
واسويلج عرس وزفه جان من اول يوم احنه امورنا تمام ولا كل هالمصايب صارت
ابتسمت بخجل وحياء
( حياوي تدري اني كل ذني مو بعيني لا العرس وخبصته ولا الزفه والسيارات
المهم عندي اني وياك انجمعنا بالحلال وتحبني واداريني وتهتم بيه هاي تسوى عندي الدنيا ومابيها )
( اها ماطول هيج قلبج صافي مني خلي نحجي طك بطك انت تريدينا ننسعد دوم لو يوم )
( طبعا دوم)
( لعد احفظي اربعه كدام اهلج لا تذميني حتى لو جنت وياج باطل ، واذا اسرج سر لا تخونيني / واذا اذنبت لا تفضحيني / وبلي يصير بيني وبينج بين هالاربع حيطان لا تأذنين ) ماشي
( ماشي بس اذا امي سألتني شكول )
( منا لحد ما تسألتج امورنا تمام التمام اذا هليله ليلتنا
اريدج اليوم تضبطين مكياجج شعرج وتلبسين البدله كأنه اليوم زفونا واذا باجر فنفس الشي اريدج ) ابتسمت خجلانه
( حياوي اذا رجلك زينه اريد اطلب منك طلب )
( عيوني الج زنوبه )
( شايفه بالافلام العريس يشيل عروسته من يدخلها للغرفه )
( اي شايف )
حجيت ويا بدلال ( شيلني )
( هاي سهله )
( وشايفتهم يخلون شموع بغرفه النوم من تطلع اشتريلنا كم شمعه )
( والله ليلتنا يا زنوبه ملعلعه بعد شعندج سوالف )
( و شايفتهم يفتحون بطل يطلع منه وغف ابيض يفور فور ويخلو بكلاصين واحد يشرب الثاني ) عاط بيه
( زنيبه تريدين اشربج منكر )
( لالا اشبيك انت جيبلنا بطل ببسي وعوف عليه الباقي )
اها اي وبعد شعندج ملاعيب
( رايدلنا فد وردتين جوري )
( وذني شسوين بيهن )
( انثر ورگهن على الجربايه مثل المسلسلات )
ركصتلها حواجبي والله مو هينه يا زنوب ليلتنا مسلطنه
شفت نظراته الي كلها رغبه ... تذكرت نصائح امي لازم اسطره واخلي مثل المحبس بأصبعي لا غصون ولا غيرها
تكدر تاخذ عقله
( سبلتله حياوي )
( عيونه)
( تدري شكد احبك ) جاوبني وعيونه ذبلانه وسرحان بيه
ساعة يتمعن بوجهي وشفايفي وساعة اشوفه مركز بزنودي ومره يتنهد يتحسر
( لا ما ادري سمعيني )
اجيت كعدت بصفه ردت تأثيري يصير عليه اقوى وعطري يكفخ بخشمه
خجلانه وايديه تتلوى بحظني اباوعله بطرف عيني بدلال واغراء
والكلمه حابستها بشفايفي اماطل بأثارته كل ما اخلي عيني على شفايفه اشوف لوزته تصعد وتنزل مركز ويايه
جرني وقرب وجهي لوجهه وعينه تتنقل بين عيوني وشفايفي غمضت عيوني وهو يداعب خدي بلمسات اصابعه الحنونه
زنوبه فتحي عينج
فتحتها وبدت شفايفه تقترب تقترب وهو يهمسلي ارويني
كفخت بخشمي ريحه حرك
عطت بوجهه يبووو وكفخت رجله
فز الرجال ووجهه اصفر جفلان لازم رجله روحه شاغت
شكو
ركضت واني اصيح جدر اللحم احترك
حتركوا اجدادج اذا ما رجعولي التجبيره اليوم
ختلت بالمطبخ واني اسمعه يتهدد ويتوعد متألم وفوكاها احترك اللحم شراح اطبخ للغده ، بلحظه فتحت الثلاجه وطلعت الدجاجه الي جابتها غصون ، هسه كارهني اذا انطي الدجاجه راح يعرف هاي مال الي ماتسمى ، اممم ماكو غير افلسها واسويله برياني شو هذا ما اله حس خاف صار عليه شي لحظه وعاط
وينج خاتون
اها بيها خاتون ، تمسكني يا زنوبه شسوي لازم اروحله
صارت كدام عيني سله البصل
اخذت وحده بأيد وبالثانيه السجين ثرم ثرم لحد ما عيني ورمت واني اصيح جايه جايه بس دا اغسل
وصلت يمه مديت راسي من الباب عيوني مورمه اشهگ ووجهي مبلل وهو متمدد ومخلي ايده على وجهه
ها
رفع ايده متفاجئ من حالتي الدموع تنزل من عبني ،نار بدت تعدم الرؤيه عندي وخشمي خرج عن السيطره صرت اشفط بي وايدي تمر عليه
وهو رافعلي حاجبه مثل البومه اريده يحجي حتى اطفر للمغسله
بقى لدقائق صافن مدري متأثر صدك مدري تقمص دور
تامر حسني بفلم عمر وسلمى
ردت اعيط بي واكله فضني مو مفعول البصل وصل لدماغي
تكرم ونطق ( زنوبه هاي انت صدك دتبجين هلكد عاطفيه )
جاوبته متأثره ومصدكه روحي
( كلش ، بحيث دا احس راسي راح ينفجر )
صاحني واشرلي تعالي
( بقلبي جاوبته لا يا بعد امي وابويه مو وكت رومانسيتك
ريحه البصل الي بيه تكتل ،ادري بيك ماميت عليه بس تريد تكمل باقي اللقطه وتاخذ المطكه )
تصنعت البجي واختفيت من كدامه ركض واني بحاله عمى مؤقت اتلمس الاشياء لحد ما وصلت باب الحمام
حسيت دست على شي طرت ونركعت بالكاع
رفعت جسمي واستندت على الحايط لحد ما وصلت بوري المغسله فتحته وبديت اطش على وجهي المي بغزاره روحي مفرفحه من ألم عيني وخشمي الي يخرخر وجيوبي الانفيه الي هاجت ورجلي الي بدت تون عليه
ورافعه تك منها
بقيت افرك ايدي بالمي والصابون وريحه البصل تفوح
طلعت اعرج وعمر الشريف يترومنس منعم صوته ويصيح بأسمي زنوبه زنوبه
صحت جايه جايه بس اخلي الاكل على النار
ادردم غدوه الكشره
( ياعيني دتعالي عوفي الاكل هسه )
من الملحه تركت الي بأيدي ورحتله اعرج
من شافني انصدم
( شكو شبيج خلقتج مگلوبه وتعرجين )
هنا انقهرت على حالي وبجيت صدك لان رجلي بدت تأذيني
بقيت اورور كدامه الى ان كملت مسحت دموعي
( اوديج دكتور )
( لا مابيها شي تزحلگت وهاي رجلي تأذت ) ابتسم يمازحني ويغمزلي بعينه
( يعني اليوم ليلتنا تمام التمام)
( تحجي صدك اكلك رجلي والجيوب هاجت عليه من ورا عصبيتك كل هذا صار بيه ، وانت ادور ليله شوف انت كم ليله ضاعت بقت على هالليل)
بلحظه نور الله طار من وجهه ووسامته اختفت وصوت عمر الشريف صار بمكانه صوت مكي عواد
( دكومي سويلي غدا جوعان اريد انخمد )
بقينا كل واحد بمكان زعلانين هو بالهول متمدد واني بالغرفه رجلي ازداد ألمها للعصر
دخلت عليه امي استغربت من جيتها
( شجابج يمه)
( يحيى اتصل عليه گلي اتزحلگتي اويلي عليج بنيتي هذا البيت عتبته بيها شي
ما مر عليكم يوم بسلامات الله لا يوفقها الي مسويتلكم عمل ... تعالي ولج خلي نفكر منو الها مصلحه تسويلكم عمل
( يمه اني روحي طالعه من ألم راسي ورجلي حتى عقل ما باقي عندي وانت تريدين اتذكر
خليت ايدي على راسي اتلوى من الالم اخ يابه راسي
فزيت لامي
هاي غصون العوبه ماكو غيرها
صخام الصخمج زينب
( ولج شكو شبيج )
( البارحه جابت دجاجه مشويه ليحيى اكيد مخليه بيها السحر واني ما انطيتهيا خليتها بالثلاجه )
( اي عفيه ببنيتي السبعه صيري نبه )،
( ولج يمه طبختها اله بالغده ، من هاي انقلب عليه
خنزير ورا الغده اي وروح بيبيتي
حتى ما گلي شبيج ما بيج حتى اسمي ما نطقه حتى للغرفه ما وصل ولا شافني ميته عدله )
( ها لعد شو گلي راح اطلع اني وابن عمي ديروح بشغله ورادني ابقى يمج )
( يعني هو مو بالبيت )
( لا طلع )
( ولج يمه جذاب اخذته ام السحوره ... امشي روحي دكي الباب عليهم بحجه تريدين حبايه براستول منهم وشوفيها موجوده بالبيت لو هو موجود يمهم )
بعد دقايق سمعت الباب انفتحت صحت بعلو صوتي ها
اخذته ام السحور
صاح مكي عواد
( هاي ويامن دتحجين ومنو ام السحور )
ما طلعلي نفس غطيت راسي باللحاف ودعيت النوم
حسيت احد فوگ راسي
كشف اللحاف وخلى ايده على گصتي رجع اللحاف وطلع
سمعت صوت امي وهو يگلها يمكن حرارتها مرتفعه شو دتهلوس
دخلت امي شايطه كشفت اللحاف
( شبيج يمه حرارتج مرتفعه يحيى يگول )
( من الخوف انحمست حمس وختلت جون اللحاف
يمكن احتريت ، كليلي شعرفتي )
( ماشفتها ، وهو ما شفته الا هسه كدامي بالبيت معنى صح ويا الولد )
( ها زين اكلج يمه شوفي شعر وجهي وحواجبي
ثخان بعد يومين ميباوع بوجهي جيبيلي ام سمير الحفافه خلي تحفلي لا يباوع لهاي )
( اي اي هسه اروح اجيبها واجي ماطوله موجود خلي اروح بساع ) دخل عليه يطمئن مبتسم ووضعه مرتاح
لعب الفار بعبي
( ها وين جنت رحت شفت حبيبه القلب )
( يا حبيبه القلب شبيج رجعنا لهالسالفه الكشره ) منا حجايه ومنا حجايه زعل وطلع ،
بعد نصف ساعة كانت ام سمير تجلس الى جانبي
( ليش متخليني اخففلج شويه من حاجبج )
( لا لا بقي مثل ما هو اهم شي تنطفيلي وجهي )
( والله سويته مثل الورد وهسه اعيدلج عليه )
بعد ما راحت ام سمير اتضايقت من نفسي حاولت اكوم
اتألمت ساعدتني امي افوت اسبح وبقت ليلتها عندي
ويحيى نام بالهول وامي بصفي بالغرفه
بديت اخطط واوصيها على شغلات تجيبلياها حتى انفذ الي بالي
وطلبت منها ما تطلع من البيت قبل ساعة ٨ المغرب .
ثاني يوم الصبح شفت زنوبه
تبرگ يارايحه يا جايه يا رافعه دشداشتها وماسحه ويا
كل شويه موكعه سالفه ومدنگه
اها هاي ملاعيب ام زينب معنى البحر من وراءنا والعدومن امامنا خلي افوت اسبح اليوم عرسي وكفت بنص الحمام
زين لعد شعدها ام زينب باقيه لحد هسه يله يجوز تتغدا وتروح
صار الغده وشربنا الجاي
وصار العصر ومروا ولد عمي والعشيره كلها وهي
متربعه ومبتسمه ماعدها ذره احساس ولا حيا حظوري
ضربت كفين ايديه واني احاجي نفسي الليله هم طارت عليك يا يحيى
بقلبي ادري شبيج مگابلتني هسه اريد اكوم اروح حمام مو مثانتي طگت اطببني بسالفه وطلعني من الثانيه
اخر شي حسيت بديت اتحكرص بمكاني اتذكرت اخاف ابقى اكثر ويرجعلي الالتهاب
طفرت بخطوات سريعه ( حجيه من رخصتج )
بعد ما طلعت من الحمام اتسحبت كلت اروح لزنوبه نتصالح واحصل الي يروي حرماني على الطاير
افتح الباب ما تنفتح
همست بصوت ( زنوبه ليش قافله الباب افتحيها )
اجاني صوت ام زينب عوذه
( حياوي حياوي تعال صبيتلكالچاي )
( جاي خاله جاي )
شربت الجاي ويا ما خليت الاستكان خلت عباتها على راسها
انصدمت شنو اجاها الاحساس يعني راح تروح
(يله خاله اني اعوفكم دير بالك على زنوبه )
جانت خطواتها ثگيله تمشي وتتلفت توگفلها دقيقتين توصي واني دماغي كله يم رجلها
لحد ما وصلت باب البيت وخطت برا عتبته سديت الباب وسمعتها يمه حياوي نسيت اسلم على زنوبه افتح الباب
ختلت كم دقيقه بصف الباب لحد ما تاكدت راحت
شلت دشداشتي بحلگي وركض للغرفه
اجتي الباب بأيدي وانفتحت
ليلتك حمره يا يحيى
الفرشه البيضه مرشوش عليها ورگ احمر
والطبله الي عليها الببسي والكلاصات والكرزات
واضاءه منصوبه بالكاع حسيت نفسي بديسكو
واني اتمايل بطرف دشداشتي
والشموع وريحتها الي بدت تطلع انتبهت
العروس وين
صحت زنوبه
( بالحمام دا ابدل وانت هم روح بدل قاطك )
طلعت القاط وركض ركض لبسته مشطت وتعطرت
دا اطلع تذكرت الساعة لبستها اريدها تعيش تفاصيل ذك اليوم
وگفت باب الحمام خجلان ومرتبك دكيت الباب
يله يا عروس
جاوبتني بدلع
( اني زعلانه )
( يله زنوبه اطلعي بلا سوالف الدلع والزعل رحمه لاهلج
شو قلبي لاعب خلينا نعرس عاد )
فتحت الباب لابسه بدلتها وشايله الباقه يا الله وين شايف هالباقه مو مهم
مكياجها شعرها مرتبين
اخذت ايدها وبديت ادندنلها
( تمخطري يا خلوه يا زينه )
وصلنا لباب الغرفه شلتها ودفرت الباب مامصدك
بدت فقرات ظهري تعزف وحده ورا الثانيه
والله لو اتسگط هم اليوم اعرس
نزلتها ووكفتها كدامي منزله البرگع
رفعته وعيونها تباوعلي بخجل حياوي
بعد الببسي
مو وكته عيوني انت
لا فدوه لعينك لا تخرب الليله
ماشي يابه ماشي
يا هاي الشمعه مطفيه
اتركيها
لا روح جيب الجداحه
طلع واني لزمت الببسي رجيته
ورجعت رفعت ثوب النوم دخل حياوي
دقيقه اني افتحلج السحاب شفتها مامانعت ولا كالت اروح اغير بالحمام
التفتت وانطتني ظهرها
شو بس لزمت السحاب بدت ايدي ترجف ثاري حتى العريس يرتبك مو بس العروس
فتحت السحاب انكشف ظهرها احاجي نفسي
عيب حياوي بيع ثكل ولا تخلي البنيه تخاف منك
ها بس الوح ظهرها بشفافي مره
حتى تلمست شفايفي بشره ظهرها الدافي اشتدت مشاعري الجياشه
ولحيت زايد مثل الزاير وجلب باب الزياره
تحركت بعيد عني خجلانه
حياوي اندار خلي ابدل
ها اي براحتج انداريت استرقت النظر
براكين وشياطين الغوايه كلها تجمعت كبالي
لزمت الببسي من حلاة روحي رجيته وفتحته
ماشفت شي من الدنيا عبوه وطكت بوجهي
اسمع صوت ضحك زينب
وهي هم تصيح لك حياوي نكعتنا
مسحت وجهي اباوع الغرفه لايصه الفرشه والبدله بالكاع
مطكعه وزينب كفشتها ودشداشه نومها هم لايحها
ابتسمت خجلان
فال خير فال خير
حياوي خلي اروح اسبح
وروح ابويه ما تعتبين باب الغرفه قبل ما كلشي يتم
اني قابل بيج هيج
تقدمت منها وعيوني تلصلص مثل حراميه على مفاتنها
تذكرت بالافلام العريس لازم يمهد للعروس
رفعت ايدي على خدها اداعبه وتلمس اصبعي شفايفها
بلحظه طوقت راسها بين ايدي ونقضيت على شفايفها
مستعجل
( حياوي حياوي ) تدفع بيه متمنعه وخجلانه
( عوفيني رحمه لاهلج لا تجيني مصيبه خلي نفضها عاد )
واذا بي اروض فريستي واقلبها بين كفي وتُعَلِمُ شفاه شوقي وشغي بها
حتى تنسمت وتركت العنان لرياح رجولتي بين دوامه
المشاعر خضنا رحلتنا حتى انتهت وابصرت دموع
من ودعت براءتها تلك العذراء لم تكن بجمال هذه السيده وهي تنولد من جديد
بوست راسها مبروك
جريت نفس براحه وفخر
لو بيدي سماعه جان لعلعت وهلهلت وسمعت كل الكرايب والجيران بالاخص ام حاتم وابنها
من شفت زينب ودموعها الي تجري خجلانه اخذتها بحظني امازحها
اشبيج اني رجلج المفروض هسه مخلفين لو ما المصايب الي وكعت على راسنا
يله الحمد لله من تم زواجنا الله يباركلنا ويصير عدنا طفل حلو مثلج
بدت تاخذ عليه واسترسلت بالحديث ويايه
لحد ما اتذكرت سالفه الباقه بقت بالي والفضول كتلني
زنوبه الباقه منين جبتيها
امي لكتها منجوخه بيت عمك ذاك اليوم ومن گتلها اريد باقه ما لكت شو طفرت ور دقايق جابتلي الباقه مطينه
كالت بيت عم حياوي ناجخيها بحديقتهم عود رجعوها
التفتت عليه حياوي تدري شنو اتمنى
اتمنى اتمنى
تتمنين تروحين لنادي هيلا هوب
لا صدك بالافلام يروحون شهر عسل
(يا اهلي المنطقه ) هاي شكو حياوي السماعات
اوكفي خلي نسمع
(يرجى من كل شخص تعامل ويا الحفافه ام سمير
الخروج فورا حفاظا على سلامتكم
لان الاخت ام سمير وعائلتها مصابين بفايروس كورونا )
لطمت على خدي صخام بوجهج زنوبه
انهجم بيتك حياوي يمكن هاي اول مره واخر مره تكون بحياتك
وخنف الله عليج ام ايه العبدليانت وصاحبتج دكيتولنا تكت شهر العسل بالحجر
التكمله نتركها لمريم السعدي
