" ဟွန်းငယ် "
ဟစိလေးလုပ်ထားတဲ့အခန်းတံခါးကို အသာလေး
ပြန်ပိတ်လိုက်သည်နှင့်ကြားလိုက်ရတဲ့ခေါ်သံလေး ။
အိပ်ချင်မှုန်ဝါးနဲ့ကလေးငယ်လေးလို မပွင့်တပွင့်
မျက်လုံးလေး တစ်စုံကို လက်ချောင်းလေးတွေနဲ့
ပွတ်နေသော ကိုကို ။ ဗြောင်ဘတ်ခ်ဂဟူးတို့ရဲ့အ
ဖေလို့မပြောရဘူး ။ အကျင့်ကိုကတစ်ပုံစံတည်း ။
" Sorry အစ်ကို ချန်းယောလ် ကျွန်တော်ကြောင့်
နိုးသွား ... "
ပြီးဆုံးခွင့်မရတဲ့ စကားတို့ ။ နဖူးပြင်ပေါ် ရောက်
လာသော ကြီးမားသော ကိုကို့ လက်ဖဝါးကြောင့်
တဒိတ်ဒိတ်နဲ့ အစိုးမရတဲ့ ရင်ခုန်သံတွေ ။
ကျေးဇူးပြုပြီး ။ နက်နက်နဲနဲဒဏ်ရာတွေကိုရင်းပြီး
တားထားတဲ့စည်းအတွင်းမှာပဲ ငြိမ်သက်နေပေးလို့
မရဘူးလား ။
" အဖျားတော့ကျသွားပြီပဲ ဘယ်လိုနေသေးလဲ
ခေါင်းကိုက်သေးလား ဘာစားပြီးပြီလဲ "
" ဟင့်အင်း မကိုက်တော့ဘူး ဂျွန်လေးကို ဆန်ပြုတ်
နွေးပြီးလာပို့ခိုင်းထားတယ် .. ကျွန်တော့်ကြောင့်အစ်
ကိုချန်းယောလ်အလုပ်ပျက်စေမိတဲ့အတွက်ကျွန်တော်
တောင်းပန်ပါတယ်ပြီးတော့ ကျွန်တော့်ကို ပြုစုပေးလို့
ကျေးဇူးတင်ပါတယ် "
နဖူးပြင်ပေါ်ကရင်တစ်ဖိုကိုငလျင်လှုပ်စေသောကိုကို့
လက်တစ်ဖက်ကို ဖယ်ရှားလိုက်တော့ သိသိသာသာ
ပျက်သွားတဲ့ကိုကိုရဲ့ မျက်နှာ ။ အားနာပေမယ့် စိတ်
မကောင်းပါဘူး ကိုကို ။ ကျွန်တော် ထပ်ချစ်ရမှာကို
ကြောက်နေတုန်းမလို့ ။ ဒီအတိုင်း ခံစားချက်တွေမပါ
ပဲ အရင်ဆုံးနေကြည့်ကြရအောင် ။
* ဒေါက် ဒေါက် *
" အစ်ကိုလေးဗြောင် ဆန်ပြုတ်နွေးနွေးလေး ရပြီ "
အခန်းအပြင်ဘက်က ကြားရတဲ့ ဂျွန်လေးစကားသံ
ကြောင့်ဆွေးတမြေ့မြေ့ကိုကို့အကြည့်တွေကျွန်တော့်
မျက်နှာထက်က ရွေ့လျားသွားခဲ့သည် ။
ဂျွန်လေးလာပေးတဲ့ ဆန်ပြုတ်ပန်းကန်လေးကိုယူကာ
ကုတင်ဘေးသို့ တင်ပါးစောင်းလေး ဝင်ထိုင်လိုက်ပြီး
အခုချိန်ထိ အခန်းတံခါးအနားတွင် မတ်တပ်ရပ်နေမိ
သော ကျွန်တော့်အား ပြန်ကြည့်လျက် ...
ESTÁS LEYENDO
|| FLY AWAY : BEAUTIFUL ||《COMPLETED》
RomanceCHANBAEK FAN FICTION [ UNICODE + ZAWGYI ]
