♥عيناگ قدري♥{باللهجة الجزائرية}

° 01 °

قبل 20 سنة.......
هي:هاد سر راح يريح بيناتنا وواش صرا هنا يتدفن ودوك ابعتهم يحوسو عليها هي وبنتها وكيفاه تهربلكوم راني نخلص فيكم في باطل
هو: سمحيلنا مدام هي غافلتنا وهربت معلباناش وين راحت فهاد ليل وشتا
هي: تتمسخر بيااا واقيل انا نقلك وين راهي.... يالاه ابعتهوم يحوسو عليها
هو:ؤؤك مدام

دارت لراجل لي كان قاعد على لكرسي وفي يدو غارو ويتكيف وقالتله
هي : هه شفت واش راه صاري... ونتا هنا قاعد معلابالك بوالو
راجل : مرانيش حاب ناقشك.. رايح
ناض ورما لغارو وعفس عليه وراح
هي: راح ندمك يا ياسمينة ولا منكونش مرا

.
.
.
.

تجري معلبلهاش وين راهي ...رافدة بنتها وشتا طيح خيط مسماا ...قعدت نص ساعة وهي تجري حتى سمعت صوت طونوبيل جاية... عرفت بلي وصلت لطريق حاولت توصل طونوبيل هاديك بصح راحت... قاعدة تسنا جوز كاش طونوبيل وتسلک بنتها.... كانت ترعش وتقرا فلقرآن... لزت بنتها لصدرها وتبكي... حتى شافت حاجة تتحرك معرفت مادير.. دارت براسها باش شوف واش كاين حتى.. سمعت طونوبيل جاية وشافت هدوك لي يتبعو فيها.. جرات لهداك مول طونوبيل كان فيها مرا وراجلها ويمكن بنتها لي معاهم.... وقفت في نص طريق باش تحبسلها وحبست ...راحت تجري وتلهت حتى هديك لمرا حبطت لكارو شوف فيها بإستغراب... قالتلها " تعيشي ختي عاونيني تعيشي " قللت كلماتها بكل خوف... قالتلها "وشبيكي ختي... مخطوفة؟" قالتلها "متعاونينيش انا باسكو علبالي واشنو هو مصيري عاونيلي بنتي ربي يخليک..." حتى قال هداك راجل معاها "زهرة احكمي طفلة عليها " ..باستها وعنقتها علبالها هادي آخر مرة راح شوف بنتها... بصح معندهاش خيار وحدوخر.. ومدتهالها "مراحش ننسا خيركم.. بنتي آمانة عندكم.. ميار سموها ميار... وهاد كوفر كي تكبر مدهولها " قالتلها زهرة " متخافيش ختي.. راح تكون بنتي ثانية ...آسمک؟" قالتلها "آسمي ياسمينة... وراح تفهمو لحكاية كامل من لكوفر لي مديتهولكم... ربي يجازيكم ان شاء الله "
حتى سمعت واحد جاي يجري موراها... خزرت آخر مرة لبنتها وودعتهم وقلع هداك راجل بطونوبيل... وهي دارت حتى حست حاجة سخونة دخلت في نص صدرها وعرفت بلي هنا خلاصت حياتها.... شهدت و...... ماتت

.
.
.
.
.
.
.
سااو هاد لبارت تمهيدي... ايدا شفت تفاعل راح نكملها

Vote+Comnt ♥