*بسم الله*
.
.
.
.
.
.
.
.
.
.
جواد::
نضت صباح سمعت لهاراج باين ليوم جاو شوية غاشي
دخلت دوشت وخرجت .. حكمت تيليفوني فورميت نيميرو تع لإمام
صونا شويا وريپوندالي
إمام: السلام عليكم
جواد:وعليكم السلام
إمام: شكون معايا
جواد: انا لي جيت هذاک نهار مع طفلة نوغمالمو بنت ياسمينة هكا
إمام: آآآآ تفكرتک وليدي كيفاه لحوال
جواد: والله حمدلله ونتا
إمام: حمدلله ..راح تسقسيني على لحكاية
جواد: آنعم
إمام: شووف لحكاية مراحش نحكيها فتيليفون .. انا كنت متفكر شويا برک ومحبيتش نقول حاجة ناقصة على خاطر بابات طفلة متعاملتش معاه شفتو وحد زوج خطرات برک
جواد: معليش راح نجيو ليک مي ضوک رانا في ولاية خلاف نولو ونجيبها
إمام: ان شاء الله وانا نسناكم وليدي
جواد: ان شاء الله انا نخليک
إمام: في امان الله وحفظه
كوبيت عليه رفدت تريكو لبستو ولبست باسكات
شفت ساعة لقيتها 9:30 حوست بعينيا عليها مي مكاشها
خرجت اسراء ملكوزينة منعرف واش رافدة فسنيوة حبستها
جواد: صباح الخير
اسراء: صباح نور خويا تشرب قهوة
جواد: لالا وينها ميار
اسراء: هههه علاه تحوس عليها
جواد: روحي شوفي وين راهي نسحقها
اسراء: آممممم مزال مخرجتش من بيتها
جواد: روحي شوفيها
حطت سنيوة وراحت طبطبلها قعدت متكي على لحيط نسنا حتى سمعناها تهدر مور لباب
ميار: شكوون
اسراء: افتحي انا
ميار: كيفاه نفتحلک وانا راني نبدل اصبري
زدنا سنيناها حتى صبري خلاص
أنت تقرأ
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
