*بسم الله*
.
.
.
.
.
.
.
.
.
.
.
.
مراد: ختک خطفوها صباح
جواد: كيفاااه ...
مراد: بصح درنا لي علينا ولقيناها
مالغري جاسر تقاس
جواد: وين رااه ضوک
مراد: رصاصة جات على جنبو وجبنالو طبيب وضوک راهو راقد وهو قالي نعيطلک باش ميخبيش عليک
جواد: مرام وينها مليحة مصرالها والو
مراد: تهنا عليها راهي مليحة
جواد: وينها
مراد: مزالها معانا لازم ندوها للمركز باش تشتكي اصلا نصهم حكمناهم
جواد: مدلي نحكي معاها
سنيت مدلها تيليفون
مرام: آنعم جواد
جواد: راكي مليحة مدارولک والو
مرام: لالا حمدلله
جواد: بلاكي على روحک هاذ لخطرة معلباليش كيفاه سلكتيلها
مرام: حتى انا قلت منخرجش حيا ملثم
جواد: تهلاي في روحک كي يفطن جاسر قولولي
مرام: ايه صحا خويا تهلا فروحک
جواد: آتهلاي
كوبيت عليهم وانا مزالني مستوعبتش
ليوم ختي قريب ماتت
خزر فيا اكرم
اكرم: واش كاين
حكيتلو باختصار .. ولازم كي ينوض جاسر نعرف منو شكون سبة مي باينة شكوون
ولينا لدار وانا طلعت لشومبرتي رقدت ديراكت اصلا عييت
•~•~•~•~•~•~•~•~•~•~•~•~•~•~•~•
ميار::
فطنت صباح شفت ساعة لقيتها ل 10
نضت نجري لدوش دوشت
كي كملت وخرجت لقيت اسراء تجبد في شعرها
اسراء: صباح الخير هذا وين
ميار: صباح نور .. آسوكتي نسيت روحي ونتي علاه مجيتيش نوضتيني
اسراء: خليتک قلت بلاک عيات
ميار: اييه راسي راهو يوجع
اسراء: ارواحي تجبديلي شعري لي ملور مقدرتلوش
أنت تقرأ
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
