*بسم الله*
.
.
.
.
.
.
.
.
شفتو هبط راسو هكاک تخيلت كامل سيناريورهات
طبيب: المريضة نزفت بزاف كون تعطلتو شويا كون فقدناها هذا ميعنيش حياتها مراهيش في خطر مور 24 ساعة راح يبان كلش وحنا درنا لي علينا مابقا غير تدعولها
قال هدراتو وراح .. خليت منال تدي يما باسكو عيات هنا
واسراء قعدت معايا .. خرجت هديک طفلة لي تبرعتلها بدم ووقفت قدامنا
هي: ادعولها ان شاء الله ربي يشفيها
اسراء: ان شاء الله.. ويعطيک صحا كي تبرعتيلها
هي: هذا واجبي
اسراء: شكون نتي؟
هي: انا رؤيا
اسراء: اهلين رؤيا تباني صغيرة واش راكي ديري هنا وحدک
رؤيا: لالا بابا راهو فسبيطار وانا جزت عليكم زهر وسمعت بلي تسحق دم و زمرة ديالي تطابق معاها
اسراء: آه مرسي
رؤيا: نخليكم في آمان الله
راحت وولات اسراء ريحت قدامي جازو سوايع وحنا نسناو مي كيما كان لحال دخلت كوما و طبيب قالنا بلي تكسرت في يدها تاني
ولينا لدار وانا قلبي خليتو لتم نخمم غير وقتاه يطلع صباح ونولي
قعدت ليل كامل نصلي وندعي تكون بخير مقدرتش نحط راسي ونرقد
صباح بكري عيطت لجاسر باش نقولو على لي ضربها باسكو هرب ومنعرف بلاک يلقاه فهمتو وكلش
لبست لي جا قدامي وروحت مالغري يما حبت جي مي قنعتها تريح
ركبت اسراء وروحنا مع دخلنا روحنا لطبيب ديراكت
جواد: كاشما صرا
طبيب: للأسف مكانش تجاوب بقاو سوايع ويخلاصو 24 ساعة نتفائلو فسوايع لي بقاو
آدنا سنينا ومبان والو قعدنا نشوفو فيها مزجاج برک
سمانتين جازو وكل يوم نفس لغيبونص حاجة متبدلت فسمانة لولى ختها وراجلها جاو
وملي جات وهي تبكي عليها
دخلت ليها هي لولى شوفها وموراها اسراء وانا مريح نخزر حاب ندخل ليها مي بصفتي واش؟
أنت تقرأ
♥عيناگ قدري♥{باللهجة الجزائرية}
Romansaسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
