♥عيناگ قدري♥{باللهجة الجزائرية}

° 34 °

*بسم الله*
.
.
.
.
.
.
.
.
.
.
.
.

جواد: حابک ديري حيجاب

هبطت راسي باسكو مكنتش حابة توصل حتى يقولي كي نحب انا نديرو وحدي

جواد: مرتي نحب نشوفها غير انا منسحق حتى واحد يحط عينو على حاجة تكون ديالي ومنيش ديوثي باش نخليک هكا

ميار: واش دخل دياثة ؟ هاذي حرية رأي ومكنتش نسنا منک نتا تقولي ايذا نديرو ولا نو

جواد: متكفرينيش .. منقبل حتى عين طيح عليک ومدام جنا مسلمين ولازم عليک تتحجبي

ميار: مزال

جواد: وقتاه حابة؟؟

ميار: علبالي واش وصانا دين ديالنا سترة وانا جامي عريت روحي قدام لجناس .. دير في بالک انا تربيت بين مجتمع بعيد كل لبعد على دين مي جامي تخليت عليه ولا روحت لحاجة مشي مليحة .. لعكس تربيت على ديني ولحمدلله اما بنسبة للحجاب مسنيتكش نتا تقولي وقتاه نديرو

جواد: هدرت هدرتي انا .. مرانيش نسيف عليک باسكو مشي حق عليا مي قال الله تعالى : ( يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) مقتلكش ديري جيلباب ولا انا المهم تلبسي حجابک

ميار: ان شاء الله

جواد: قتلک شرطي ونتي؟

ميار: معنديش شروط من والو مي حابة نطلب منک حاجة

جواد: مشي حتى تسقسي تفضلي

ميار: صراحة من هذاک نهار وانا نخمم ايذا بابا مات الله يرحمو لازم يكون عندو قبر لالا! وانا حابة نعرف قبر بابا ونزورو كيما ماما حابة نحس بلي والديا حتى وايذا كانو عند ربي بصح نشوف قبرهم ونحس بلي راهم قراب ليا

جواد: هذا مكان

ميار: هيه نتا عندک صحابک ومنهم جاسر بلاک يلقاهولي

هبطت راسي وطلعت يدي مسحت دمعة لي طاحت

جواد: ان شاء الله متخميش نلقاهولک.. خلاص نخرجو ضوگ

ميار: لالااا دقيقة

خزر فيا مستغرب وانا جريت لهذاک لقجر فتحتو اصلا موجدة كلش كنت علبالي ندخلو لهاذ لبيت .. جبدت لابوات ووليت ليه