عائلة شيخ جبل (( الجزء الاول مكتمل))

البارت السابع

السلام عليكم

بنات هذا حسابي الي ممتابعته تابعه حتى شنشر شي جديد يجچن اشعار44howda

عائله شيخ جبل
البارت السابع
بقلم هدى حيدر 44howda✍️

اخخخ ولچ غزل شعلتي چمره بگلبي وبجسمي واليوم ماتطفى اله  بيچ

لازمني الخوف ..
انفاسه طخ بوجهي وريحته لعبت نفسي...
وبصدره يصفطني وي الحايط
ويضيگ النفس عليه حسيت روحي راح تطلع
وختنگت كلش

عقلي تشتت ودموعي كامن يغورگن
ويجرن لاارادي
واجت صورة الولد المات گبال عيوني
وگانو الجريمه گامت تنعاد عليه
بگلبي گمت اردد

دخيلك ياعلي ماعندي غيرك بهل شده
ياداحي باب خيبر

لحضات عيوني غوشن وحس الهوى ثگل عليه
وانفاسي ماكدر التقطه والگاع گامت تفتر
نغمى عليه وفقدت....

جبل. *****

نخبصت الوادم بلمضيف
والد عمامي والد خوالي كله طلعت دور على
جواد ..هل عار هذا يوميه جايبنه مصيبه

اخخخ ...بس كون الوحه والله لربي من اول وجديد

طلعت اني وابن عمي رعد
فرينه السلف كله مالمحنا.

رعد. اكلك خويه جبل. يمكن هل اغم
طالع برة الديره

جبل. لا يمعود هذا مابي حظ تلگي خاتل بيت
شو وين...نلگي نلگي وين يفلت منه

رعد. تدري افكر بأامه وابو. اذا لزمو. اهل البت يموتو

جبل. لا ...لتخاف ...عليه. هذا عار ..والعار ميموت

ضلينه ندور عليه لحد ماغربت الشمس
واذن المغرب
رجعت للبيت
تلگاني اخوي حسين وجاسم گلولي راح نمشي عليهم
هسه راح تجي سيارات
وروح لهل البت
لحظات واجت
السيارات صعدنه
وصلنه لبيت شيخ عشيرتهم
المشيه ماصارت بيت اهله
طبينه اني وابوي شيخ هذال واخوتي كلهم
وشيوخ وناس معگله من كبارة العشيره

ضيگ خاطرهم وگوه يسلون
گعدنه چان. واحد. من الگاعدين شاب مبين عمره 25سنه
گمز وطفر وگام يصيح بديوان. ...هذا عرضنه
هاي بتنه منسكت اله تهدرون دمه

سكته الشيخ عايض شيخ عشيرتهم
وطرده برة الديوان
وهو بعده يهدد ويصيح يريدنه. نهدر دمه
بس شمهما يكون الظفر ميطلع من اللحم
حتلو طايح حظه وسربوت
بس منعوفه

شويه طب واحد من ولدهم قدمنه الضيافه

شيخ عايظ. الله بلخير

گله ردت عليه الله بلخير ...الله بلخير

هله بشيوخ نورتونه

شيخ هذال. هله بيك.  والله ياشيخ تمنيت اشوفك بضروف احسن بس شسوي
حتى اللگمه ماطبت زردومي
اول ماسمعت اجيت ركض عليكم
والله البت بتنه والي يصيبه يصيبنه يصيب عرضنه
والقصور منه مو منك