عائلة شيخ جبل (( الجزء الاول مكتمل))

البارت الاول

السلام عليكم

مساء الخير على قلوبكم

بنات هذا حسابي الي ممتابعته تابعه حتى شنشر شي جديد يجچن اشعار44howda

عائله شيخ جبل
البارت الاول
بقلم هدى حيدر 44howda✍️

جبل
-----
چان عمري 12سنه

ونحصد بگاع ابوي
اني واخوتي الي من ابوي همه اكبر مني
الكاع مقسومه نصين
نص الي اخوتي يحرثونه ...ويحصدونه

والنص الثاني علينه اني وامي

ابوي مزوج ثنين.

ام حسن ...مرت ابوي الچبيره

وامي صغيره

عندي تلاث اخوه من ابوي. حسن. وقاسم. وسلمان
بس علاقتي بيهم منعدمه
مالي شغل بيهم ابد ....
لان كلما احاول اتقرب منهم ماحصل غير بس المشاكل
فقررت ابتعد عنهم قدر الامكان
ينظرولي ...انو اني اخذت ابوهم منهم
وابوي يحبني على محبت امي
ويكرهم على كره امهم
هذا الي بالهم

والي زاد الطين بله....انو ابوي خله المظيف الي
كال اذا متت جبل ..هو الي يلزم العشيره بعدي
هيچ همه زاد حقدهم الي

واخوتي خمسه....حسين. وجاسم
وانتصار. وسلمى وحسنى
اني چبير بيهم

ابوي عشگ امي واخذه بت عمه وكبرت گبال عينه
خياله فرس..تعرف تروض الخيل
امي مره تعادل زلم ...لان شافه هيچ اخذه

بيومه الجو حلو والشمس طالعه
وهوا. عالي
ياخذ بلزرع لليمنه... انوب يرجع يرده لليسره

انداريت على گاع اخوتي
اشوفهم متعاونين بينهم ويحصدون بگاعهم

اكل الامي. يمه هسه يكملون الگاع وحنه بعدنه
امي متقبل مني ودگلي. اشتغل اريد يطلعلك گلب

حتى صير زلمه

انهمكت بشغل احصد..وبنفس الوقت ادفع بعربانة المحصول

وملاء جسمي التعب ....وقطرات عرق تتصاقط من جبيني وتنزل بطء تلامس بشرتي....
حسيت قطره بارده ختلطت وي قطرات عرقي المالحه
رفعت راسي اشوف المطر ينزل بس..بطء

بدا. يكثر. واني وامي نشتغل ...مامهتمين

بدا. يكثر. وكانو. يريد يمنعنا. انو نكمل المحصول
وينهي النهار بقدوم الغيوم
الي حتلت الشمس والسما
زادت ضلام النهار ....وگانو بدا اليل يتقدم
بدون متغيب الشمس كعادته ...

رفعت راسي على امي وهيه بيده المنجل وتلزم المحصول بايده اليسره وتگطعه بايده اليمنه
واني ادفع بلعربانه الي ثگل دفعه
وي المطر
دنگت. انتبهت للگاع
عباره عن طين
وحجلات العربانه جاي ينزلن بلگاع

ادفع بيه بكل قواي
اهدوم امي تنگعت عليه
محزمه بعبايته ولافه شيلته متنگبه بيه ...