عائلة شيخ جبل (( الجزء الاول مكتمل))

الجزء الثاني -5

عائلة شيخ جبل
الجزء الثاني. البارت 5
هدى حيدر 44howda

اسد:

ضلت بالي ذيج البنيه الي شفته.
قررت اروح وافاتح ابوي بلموظوع.
رجعت من الشغل بليل.

شفت ماكو احد بلبيت. فارغ.
الساعه 11:00بليل وين راحو.
الكهربا مطفيه.
والبيت هدوء.
تقربت يم الدرج سمعت صوتهم يسولفون.
صعدت للسطح.
شفتهم. فارشين. ونايمين.
والهوى عالي بسطح.
واجين الايت يمهم.
وبلم. بي رگيه حمره. بلنص وگاعدين ياكلون.

اسد. هاا اليوم بلسطح.
مهاب. اي والك طگنه الحر وصعدنه والمولده عطلانه والمحول مال الوطني طاگ.
گلنه ماكو غير السطح.

عشق. اي والله يخوي صعدت. كنسته. ورشرشته.
وفرشت الفراشات.

ورد. واني وياج فرشتهم موبس انتي.

شويه واجتي شموسه حضنتني. دنكت عليه بوسته.
اسد. چاامي وابوي وين.
صگر. الحجي اخذ مريته وراح.
بزويه الصطح.
اسد. ههههههههه. حتى بلحر مايگعد راحه.
صگر. شبيك الحر يسوي واهس.
عشق. شنو شبيكم.
اسد. راح ابدل. وجيكم.

نزلت. نزعت الدشداشه. وسبحت. لان محترگ من الحر لبست تراك وصعدت يمهم.
اسد. عفتولي رگي. لو كله البلم نسفتو.
ورد. صدك چذب. لاعمي عفنالك.
كعدت اكل بلرگيه. شلون رگيه بارده وحلوه مثل العسل.

شمس. حباب اسد والله ضوجه. متحجيلنه قصه.
اسد. اممم قصه. مالتيش.
شمس. بگيفك. اي شي.
اسد. عادي قصه تخوف.
شمس. اي. اني ماخاف.
ورد. لا اكلك ريد نام. لاتسولف.
عشق. اي والله كلش ضايجين.
اسد. اني اسولف بس خاف. ورد تخاف.
ورد. لايمعود. لاخاف ولاشي. 
اسد. متاأكده.
ورد. انته تخاف واني مخاف.
اسد. هههههه. يله.

وبديت اسولفلهم. 
هاي فد مره. احمد صديقي يسولفلي.
امه وابو. عافو. وسافرو. عدهم علاج وهو وحيد اهله.
فيوميه. هو يطلع للشغل. ويجي. الساعه بلدعش بليل مثل جيتي هسه.
يوميه على هل موال.
فمره. رجع للبيت. لگه باب الشارع مفتوح.
ستغرب. طب وسد الباب.
ورا. البيت هدوء اهله ماهمه.
بس لگه. الگابينه مال الكهربا مال البيت ضاربه.
فهو. وين يروح.
نص اليل طب للغرفه. نام على جربايته.
لان هو حيل تعبان.
شويه وگام يسمع صوت. واحد يمشي بلبيت. مثل صوت. الحيوان اليرگض
يگول اني رعبت.
شويه رفعت راسي. شفت. شي گبالي
لونه اسود. ويطير خطيت راسي بلحاف
وحاولت انام.
شويه حسيت واحد مد ايده بلحاف ويريد يجرني
وخرت الحاف.
اريد اشوف شنو ماكو چماله ضلمه. 
گمت. اسمع صوت لوله تجري.
رحت للحمام. اريد. افتح الباب اشوف شنو.

صگر. هذا جني هو الجني. بليل الساعه بلدعش يطلع.

اباوع لوجوه البنات نگلبن صفر ويبلعمن.
هاا ورد اكمل.

بلعت ريگه  ااا..اي ..كمل

اي يگول فتحت باب الحمام. واشوفلگ جني جاي يسبح.
طبگت الباب. اريد اطلع. ركضت لباب الشارع.
اريد افتحه.
كلشي ماشوف ضلمه. لزمت الكيلون گوه.
واحرك بي اريد افتح باب الشارع ميفتح مثل
المقفول.
نوب حسيت واحد لزم رجليه. يبست بدمي من الخوف.
دنه يم اذني گلي اليوم. اكتلك.