عائلة شيخ جبل (( الجزء الاول مكتمل))

17

السلام عليكم

عائلة شيخ جبل
البارت 17
بقلم هدى حيدر 44howda✍️
جبل
**

عفته وطلعت بس گلبي ضل يمه ...
وجه اصفر وعيونه مشحبات ...
حاله مرمر حالي ...

رجعت للبيت ...شفتهن ملتمات امي والبنات

سئلتهن. ...

شلونه العروسه . ...تقدمت يم امي ...شلونه العروسه

باوعتلي امي وبتسمت. يمه بعد گلبي وليدي حبيبي ...

مرتك تخبل شحلاته جنه العافيه ...

حسنى. والله شگلك يخوي شويه خشمه چبير
ومادري ...مارتاحتله. ...

جبل. هو انتي شفتي منه ومارتاحتيله ...

انتصار. لا واحد يحچيه كلمه الحق من ناحية الجمال حلوه البنيه ....

ضلن يسولفن نهدن شفتي بيتهم .....شفتي مرت اخوه ....

سئلت امي على بسمه. گالت بلغرفه. ...
مادري شلون تاليه وي حسن ...

دخلت للغرفه لگيته مدده بلفراش

گعدت يمه ...ضليت اشاقي ابنه ضرغام ...

كتله. اگدر اسئلج.

...تفضل. كول

ليش ضربچ. حسن. ...اكو سبب
دنگت بلگاع ونزلن دموعه

رفعت راسه احچي خاله ...

بسمه. چنت بلغرفه توني نيمت ضرغام...ماحسيته اله نفتح الباب....

طب حسن للغرفه وسد الباب ...

كلي اني زوجج صرت ...ولازم تطيني حقي كزوج
اني رفضت جبل

مااكدر. ...مالي نفس بي. هو اخو ..نوب بغرفتي وبچربايتي.
كل جزء. بلغرفه يذكرني بسلمان ...
مااگدر والله ...جبل تفهمني...

ضلت بس تبچي اباوع لعيونه
مجمرات حمر من الدمع اليشوفهن يگول هذني للبچي نخلقن ....
كلما اشوفه تبچي.

اني اعلمه بصيطه..

عفته ورحت لحسن. ...دگيت الباب طلعلي قاسم.

كتله اريد احسن....كلي طب...كتله لا

بس صيحليا ...طب جوه صاحليا ...طلع حسن

وجه بي سبع لطامات ...هاا خير.

-منين يجي الخير. من وجهك.

-احچي عدل جبل

-دنيت وجهي يمه وانفاسي تضارب يم وجهه

لكك. اسمع. اذا دنيت يم بسمه اكسر اديك افتهمت

باچر اني التحق. وصدگ اذا رجعت وشفتك
محرگ شعرايه من راسه اطيح حظك ...

دفعني ويصيح. ونته شكوو. موزوجتنياه
ومشيت بوصية ابوي ...بعد شلگ غرض بيه
وترا صدگ بعد هيه صارت..مرتي وبكيفي
شريد اسوي اسوي بيه