عائلة شيخ جبل
البارت 28
بقلم هدى حيدر 44howda✍️
اعذروني على التأخير بس نت هستوني يالله فعلت
ونزلت بارتين. حبايب وبليل اعوضكم بارت بعد
محتاجه .... كلش الك يل شاغل انت الفكر...
محتاجة الك مو حجي وارتاح من ينذكر....
هنيالة من كابلك يااحله صورة شعر....
محتاجة الك ماتجي ماباقي شي بالعمر...
زعلان ؟...ليش الزعل زعلان انه اعتذر...
بس ارجع لخاطري صير على نحري عطر...
تعبني ذرف الدمع بس ماطفالي الجمر....
بركان في داخلي وياخوفي لاينفجر....
شمأخرك ماتجي ماظل الك كل عذر....
اهلال جرحك كمل اي كمل واصبح بدر...
صدكني حيل اتعبت حبك عسر مو يسر....
اترجيت وتوسلت بيك شكثر وشكثر...
مافاد بيك الرجه وجبرتني لهل امر....
مابعد اضلن غزل... خليك مني حذر....
واحجيهه لاتستحي كول انت طبعك غدر....
حبك تحية صبح ماتلفض بالعصر....
گاعده مابين زوايه الغرفه ظامه رجليه لحظني ومحاوطتهن بين اديه ....
حسيت الهواى ينسحب من انفاسي ....
مختنگه. مر...شريط ذكرياتنه اني وجبل بثواني امام انظاري ...ليش جبل. فوگ ماأني يتيمه تريد ترملني
اني فاگده ام ..واب ...واخ...نوب افگد رجلي ...
ماصارلنه سنه اني وياا...اوففف ربي ...
حسيت گلبي نعصر ...نزلن دموعي حرگن گلبي قبل ليچون خدي ....حسيت شخص فتح الباب
مسحت دموعي بسرعه بأطراف اصابيعي ...
رفعت راسي دخل محسن. اخوي
گوه يجر بنفسه من المرض مسيطر عليه
هو اكثر واحد بينه تأذه من بعد ماتأسر عياش وتوفو امي وابوي ....
وصارله ست سنين هل مرض ويا. مافاركه
ذاب حيله على الحايط ومنتچي...حاچاني بصوت يعتلي المرض گوه ينسمع-غزل ...ليش جاي تبچين و ...منهو دگ الباب ....
گمت بسرعه..عليه. جريته اليه. توسد متني.
اخذته لغرفته. ...ليش طلعت من الغرفه. هو انته گوه تمشي.
-ردت ماي اريد ابلع دواي ..
لتغيرين الموضوع ...وتشردين من سؤالي ..ليش گاعده وحدچ وتبچين.
چنت كلش محتاجه احچي لشخص الي بيه..... شخص يفهمني. يعرف طعم الفراگ شنو ...
...سولفت لمحسن. كلشي..صار بيني وبين جبل ...
محسن. شوفي غزل خلي اسولفلج.
اني چنت كلش قريب على عياش...علاقتنه ممزوجه بين الاخوه والصداقه ...
يعني طلعتنه سوى هدومنه نشتريه سوى..
بيني وبينه سنتين بس يعني اعمارنه متقاربه
فرد مره من المرات چنه قريبين يم الشط
ويانه جماعه ولد ...اصدقائنه ...
واحد منهم گال. يگولون اكو حية ماي بلشط هنا ..
بوگته ضحكت على عقله....
كتله لا ماصدگ....هو باوعلي بنظرة تحدي. كلي
اذا بيك حظ غوص بلشط وتأكد.
عياش چان مويمي بعيد ...
طب بين البساتين ...ميشوفنه....
اني هم بوگته عقل جهل
و راهنته نزعت دشداشتي...ضليت بطرگ الفانيله والشورت ...وغصت بلماي ...
اسبح وگله. وينه. الحيه مالتك.
جبان. واضحك بصوت عالي ...
هو بدوره وجه صار الوان ...وضل معصب ..
واني رگبني الغرور ...واصيح ابن امه وابوه اليجي هنا يسبح يمي. كلكم جبانين ...وضليت. اتفاخر
ماحسيت غير على شي سحبني جوه الماي ...
اسحل رجليه. بس ماگدر الي يسحبني شي اقوى مني ...گمت اصيحلهم. يمعودين شي جاي يسحلني
ماكو. ضلو يباوعولي ويضحكون. وهذا يصيح ...
الي يجي من ايده الله يزيده ...بهذيج الحظه.
تشاهدت ...على روحي وعرفت الموت اليوم ماخذني ...نسحبت ليجوه بلماي ..واشوف حية ماي شطوله لافه نص ذيله. على رجليه وتسحب بيه.
ليجوه....حتى اغرگ. ..غصت لعمق الشط..
حسيت الهوى الي عدي خلص.
بلماي گوه فاتح عيوني واشوف....شفت واحد طب بلماي وبيده. يفاگگ بلحيه.
ويفلت رجليه وصدگ فلتت رجليه ولافت عليه ...
ماعرفته منو. اختنگت صعدت لليفوگ تنفست ورجعت ...اريد اغوص. شفت عياش طلع من الشط.
وجرني...للبر. گوه چنت اسبح وطلعنه...
ضل يحجي ويغلط عليه. شلون اذب روحي للموت علمود اثبت رايي كدام چم سرسري ..
وموبس هاي...هواي مرات چان دوم سند الي بحياتي
بس وگت الي حتاجني. اني ..صفگ اديه ...وتحسر ...اخخخ مني. ماچنت يمه ...
اني ويا. چنه ثنينه....نريد نلتحق بحرب ايران بس هو حصل تزوير من واحد علمود ميشارگ بلحرب ..
عاف اسمه وقدم اسمي بمگانه ...
وطلع الفايل. والتزوير چان عود اني معوق ... وراح هو وضليت اني..وذاك يوم وهذا يوم واني يوميه اذكر هل يوم گانو امس...
ويخيتي. مربط الفرس اريد اگلج. الموت اهون من عذاب الفراگ. وخصتى اذا انته تحس انته سبب
ورا غياب او موت هذا الشخص ...
أنت تقرأ
عائلة شيخ جبل (( الجزء الاول مكتمل))
Romanceشيخ عشيره واب في نفس الوقت يتزوج عن حب ..ويكافح الحياة من اجل حياة اولاده وزوجته ...فكيف تكون حياتهم?? أّلَقِصٌهِ بِيِّهِ بِعٌضّ أّلَأّحٌدِأّثّ أّلَجِريِّئهِ تّنِوِيِّهِ 🔞
