عائلة شيخ جبل (( الجزء الاول مكتمل))

الجزء الثاني -14

عائلة شيخ جبل
الجزء الثاني -14
هدى حيدر 44howda

صاحتلي امي حتى نصب غدا.
نزلت بسرعه. صارت گبالي رغد كاعده بلهول وتگلب. بمبايله
عفته وفتت للمطبخ هوسه
ونسوان كاعدات بلگاع يصبن وكل گدر شكبره.
يترسن صواني مواعين ويناوشن الولد.
صاحت بيه عمتي حسنه.

-شبيج صافنه تعاي ناوشيهم الصواني.
عدلت حجابي لان جنت ذابته على متوني
وكفت بنص المطبخ. ادنك اشيل الصينيه.
شلته درت وجهي صار گبالي ظافر.
اخذ مني الصينيه.
ظافر. شلونج ورد.
ورد. الحمدالله.
اخذ الصينيه وراح.
شويه ورجع. يمشي وكف باب المطبخ. ورا اجه
ظافر. سلم على امي وعماتي ونسوان عمامي.
اباوعلهم واحد واگف بصف الثاني ولد عم بس واحد يكره الثاني. اطباعم. متضاربه واحد عكس الثاني. شهاب عصبي ومتسرع. ظافر. هادء ورزن
فزيت من صفنتي على صوت عمتي سلمى
شبيج. تتفهين. دناوشيهم الصواني

ضجت منهن بس يصيحن ويرزلن ويتأمرن.
دنگت. شلت الصينيه. تلگاني ظافر اخذه مني وبتسم.
يمكن يضحك على رزالت عمتي سلمى
بادلته الابتسامه.
اخذ صينيه وراح رجع للبراني التفتت شفت شهاب. يعصر بلسبحه ويخوزر بيه.

شبي هذا. درت وجهي عنه.
صاح بصوت عالي. وردددد. ناوشيني الخواشيگ.

اهووو خدامه اني. شنو.
اخذت الخواشيك دنيت يمه بدون ماباوعله. ناوشته الخواشيگ.
كرصني من زندي حيل حسيته راح يشلع الجد.
اريد اصيح. بس كتمت صوتي.
حجى بصوت ناصي.

شهاب. اذا شفتج هنا. اطيح حظج والله.

سحبت ايدي منه حيل وافرك مكان الكرصه.
لجلجت الدمعه بعيني. ورحت ركض لغرفتي.
مو انفذ اوامره. بس احس ختنگت صدك.
هو منو ويتحكم بتصرفاتي.
اله ماعوفه اله والله.

ضليت. بغرفتي. اكلب بلمبايل.
دخلت يوتيوب.
اجاني اعلان مال برنامج. مال فيس. ..

اجه بالي انزله. بس كلت لا خل اكل لصگر اذا قبل هو. ينزله ويسوي الي.

ندك باب الغرفه. ونفتح دخلت شمس.

-نزلي تغدي.
-ماشتهي.
-اكلج. عدنه خطار. موكت طنگوراتج.
عماتي. هسه يسئلن عليج

-كليلهن. نايمه تعبانه.

-ماشي. مالي خلگ الحن.

نزلت شمس وبقيت اتگلب بفراشي.
شويه اجتي رساله. فتحته. شفته من ظافر

كاتب...وين شو مختفيه ??

كتبت..ليش مومنساع شفتني بلمطبخ.

كتب. اي. من رجعت شفتج ماموجوده

كتبت. اي مالي خلگ راسي يوجعني وصعدت
لغرفتي.

كتب. نفس الشي حتى اني. دخت وهسه گاعد بلحديقه.

كتبت. سلامتك.

كتب. سلامت گلبج يلغاليه متشوفين شر

وديتله 🌷
كلت بلكي بعد ميراسل مالي خلگ