نجمة البحر💫💙(باللهجة الجزائرية)

sentiment bizzar😍♥️

............🖇💜
كملت سامية العشاء حطاته فالطابلة و عيطتلهم يتعشاو.........تعشاو و كملو غسلت سامية الماعين و رقدت ولدها و راحت جمعت مع أختها و أمها
وردة: سامية مكاش جديد عندك ؟!!
سامية: تاعش جديد
وردة: خطاب ولا؟!!
سامية: لا مكان والو
الام: سكتي حمبوك😒😒
ناضت سامية راحت لشمبرتها قعدت تخمم في هشام و كلام دليلة.......و اخيرا قررت تعيط لهشام و تهدر معاه و تخليها على ربي بلاك فيه خير.......قعدت سامية تفكر فيه و كيفاش كان يشوف فيها، عجبها بزااف و بانلها راجل و نااس ملاح....
في نص الليل مين رقدو قاع خرجت سامية للبالكون و قعدت تشوف فالبحر و في قلبها تقول
سامية: ياربي انا نغبنت بزااف شفت الويل وانا عادا صغيرة، حتى والديا و ضلموني و جرحوني، ياربي انا لي يهمني هو ولدي محمد....مارانيش باغياته يعيش المعانات لي عشتها.....نتمنى يا ربي تسهلي طريقي و تجيبلي ولد الحلال لي ينسيني في همي....🖇😓
دخلت سامية و رقدت حدا ولدها
.........♥️♥️
غدوة مع العشية جا راجل اختها بلوطو(طونوبيل)يدي مرته، راحت معاهم امها فضيلة باش يوصلوها للسوق تشري......قعدت سامية فالدار وحدها و قررت تعيط لهشام......بيباتله و عاودلها
هشام: الو
سامية: الو واه سلام
هشام: و عليكم السلام.....كيراكي
سامية: الحمد لله و نتا
هشام: غايا الحمد لله.....على حساب la vois نتي مامات محمد جيتي عندي البارح
سامية: هههه نيشان....نتا مديت ورقة لولدي فيها numéro ايا عيطت....كاش ماسحقيت ؟!!
هشام: سحقيتك نتي.....شوفي ياااا بنت الناس البارح كي شفتك عجبتيني و كي عرفتك بلي ماراكيش متزوجة بغيت نتعرف عليك
حشمت سامية و قالت: ونتا كي درت عرفت بلي مارانيش متزوجة ؟!!
هشام: اممم شعال راهي الساعة
سامية باستغراب: راهي الخمسة(17:00)
هشام: نتلاقو؟!!
سامية: ههههه انا منخرجش قاع من الدار غير خطرا فالزمان كي ترضى عليا ما
هشام: هههه صحا......ليكي خويا راه يعيطلي باينة راه مسحقني......قطعي فالليل نعاودلك
سامية: صحا
قطعت سامية و هي فرحانة حست روحها ارتاحت كي هدرت معاه.....شويا هكا عيطتلها دليلة
دليلة: الو الفرخة.....يادرا درتي لي قتلك
سامية: هههه غي دروك كنت نهدر معاه
دليلة: بصح😍......ايا شاقالك
سامية: قالي عجبتيني و كي عرفت بلي ماراكيش متزوجة بغيت نتعرف عليك
دليلة: و هو كيدار عرف
سامية: مقاليش
دليلة: معليش المهم عجبتيه .....شدي فيه و حرزي ضيعيه
سامية: وااه ايا امبعدا غادي نوجد العشاء
دليلة: صحا باي
راحت سامية توجد العشا و تخمم في هشام....تقلقت وينتا تكمل و تهدر معاه....
.......عند هشام♥️♥️
بارح صباح عيطتلي مروة vendeuse و قالتلي بلي جات السلعة الجديدة.....هودت للحانوت داشعال مارحتلهش......دخلت السلعة و خلصت لي جابهالي......ريحت نكمي و نشرب فالقهوة حتى دخلو 2 شيرات....شافت فيا وحدة و دوختني بعينيها الخضرين..........قعدت نخزر فيها حشمت و حطت رأسها.......تبان عاقلة بزااف و حشامة و انا مشي موالف نشوف شيرة هكا، والفت بالق***، كانت رافدة غريان و يقولها ماما.....استغربت كيفاش تبان صغيرة.....شفت في يديها مشي لابسة خاتم....رفدت ولدها و قعدت نلعب معاه سقسيته الا عنده بوه قالي بابا راح و ميوليش......فهمت بلي هجالة.....كتبت numéro تاعي في ورقة و عطيته لولدها قتله عطيه لماماك......شرات صحبتها robe خلصتني و راحو.......راحت الشيرة mais قعد قلبي عندها و بغيت نتعرف عليها.....حسيت موراها histoire طويلة، في عينيها قريت الحزن....😓🖇
قعدت هداك النهار قاع نخمم فيها و نقارع تعيطلي......
فاتت هديك الليلة مارقدتش حتى 6 تاع الصباح......الغدوة انا راقد حتى نسمع تلفوني يصوني....بيبالي numéro مانعرفهش....نضت من بلاصتي خرجت للبالكون و عاودت عيطت في هداك numéro ردت سمعت صوت تاع مرآ......تفكرته و عرفتها شكون.....هدرت معاها و قلبي يضرب.....فرحت بزااف مين عيطتلي.......حتى شفت الخرا تاع خويا يعيطلي.....قتلها تقطع مبعدا نعاودلها.....هدرت مع رضوان خويا قالي فالليل العامة تاع صاحبك سفيان في الشيراطون.....(العامة:العرس تاع الراجل و فيه غير الرجال).....راح هشام يدوش و يوجد روحه باش يروح لعرس صاحبه
.........عند سامية♥️♥️
كملت سامية العشاء حطاته تعشاو غسلت الماعين و راحت لشمبرتها رقدت ولدها و قعدت تقارع في هشام يعيطلها.......لحق نص الليل و عيطلها
هشام: الو....سمحيلي كنت في عرس منجمتش نعيطلك حتى لدروك خرجت و جيت لدار
سامية: معليش
هشام: ايا CV
سامية: CV الحمد لله و نتا
هشام: لاباس الحمد لله......حقا قوليلي كيسموك😅
سامية: ههه سامية
هشام: اممم اسمك شباب.....نعرفك بروحي و عرفيني بروحك نتي تاني
سامية: يسلمك.....صحا
هشام: انا هشام 32سنة، نسكن في كنستال (حي في وهران)، عندي هداك البوتيك....و مزالني باير😒
سامية: ههههه😂..... انا سامية عندي 28سنة، نسكن في ميرامار، مطلقة عندي ولد و منخدمش...
هشام: أممم الله يبارك
سامية: الله يسلمك
هشام: معليش نسقسيك.....علاه طلقتي؟!!
تنشعت سامية و تفكرت الماضي تاعها و قالت: انا طلقت راجلي.....كان كلوشار حاقرني و يضربني بزاااف صبرت شعال و منجمتش....طلقت صافي 8 اشهر
هشام: ااه صحا.....عندك الحق ouii....رخيس مايستاهلكش.....سمحيلي فكرتك🖇
نخلعت سامية في ردة الفعل تاعه و قالت: مكانش قاع لي يقولي هكا غي نتا و صحبتي.....قاع ناس تلومني و تحقرني لي طلقت.....و تقولي كون قعدتي و صبرتي😓
هشام: لا لا ماديريش عليهم......نتي ديتي قرار صحيح واحد كيما هاك مايصبروش عليه.....
فرحت سامية مين قالها هاك و حساته حنين بزااف و vrai راجل، سامية: mercii دارتلي كوراج بهدرتك والله كنت مضرارة و نحوس على لي يطمني🥺🥺
هشام: ما تخافيش من اليوم راني معاك و مكانش لي يحقرك ولا يضرك
سامية: ربي يحفظك
هشام: اميين....و ربي يخليك ليا
حشمت سامية و قالت: إن شاء الله
هشام: و علاه تزوجتي مع كلوشار هداك سامية: والديا زوجوني وانا ماكنتش نعرفه.....و منجمش نقول لا🥺
فهم هشام بلي والديها حاقرينها، و قالها: معليش فات الحال دروك.....خمي فالقدام
سامية: واه نيشان😌😇
هشام: ايا مانتلقوش غدوة
سامية: دارنا مايخلونيش نخرج غير هاك.....يصح دوك نقول دليلة صحبتي تعاوني باه ننجم نخرج.....
هشام: حمبوك شوفي كيديري راني باغي نشوفك........توحشتك
سامية: إن شاء الله.....ايا نخليك غادي نرقد....غدوة نوض بكري......هشام: ههههه صحا bonne nuit متنسيش شاقتلك !!
سامية: هههه لا bonne nuit😍😍
حطت سامية تلفون و رقدت مرتاحة.....اول مرة تحس هاد الاحساس.......كانت ديما ترقد بدموعها......mais ليوم رقدت فرحانة و مهنية😊😊
.........عند هشام♥️♥️
حط تلفون و قعد يضحك.....حس بإحساس جامي حس بيه من قبل......كان فرحان و مرتاح.....غمض عينيه و يتخيل في سامية و يتفكر نهار لول لي شافها.....قعد هاك حتى رقد.....كان فرحان بزااف بهاد الصدفة لي جمعاته بسامية......mais حاجة كانت تقلق فيه.....خاف يلا تكون سامية تكذب عليه......و قرر يسقسي عليها و يتاكد من هدرتها......
..........♥️♥️
الغدوة ناضت سامية فرحانة وجدت القهوة و تقهوات......غسلت القش تاع ولدها و قشها و طلعت la terrasse نشراته و كالعادة قعدت تشوف فالبحر و تتامل فيه، حتى عيطتلها دليلة
سامية: صباح الخير عمري
دليلة: صباح النور مرتي🤣😂......راكي تباني زاهية اليوم.....شاصرا ؟!!
سامية: ههه والو غير بارح كنت نهدر مع لي قلنا فالليل ايا راني حاسة روحي لاباس😌
دليلة: أممم....راكي تعشقي
سامية: قودي تاعش عشق........شوفي بارح قالي ناتلاقو وانا قلتله صحا.....عونيني نتي كيندير نخرج...
دليلة: صحا دوك نخمم و نقولك
سامية: صحا باي
طفات تلفون و هودت لدار......دخلت وجدت الفطور......
فطرت مع دارهم......غسلت الماعين و قعدت في شمبرتها......عيطتلها دليلة
دليلة: واي عمري😂
سامية: واي العشق🤣.....ايا خممتي ولا مزال ؟!!
دليلة: مزال
سامية: 😒😒😒
دليلة: ههههه خممت واه......شوفي غادي نعيط لماماك نقولها بلي راني نوجد فالبقلاوة للحنة تاعي و خصني سامية تعاوني و نقول ماما تاني تقولها.....ايا تجي عندي شوية و عيطيله و خرجو ساعة و ارواحي ......صحا
سامية: ههه صحا
دليلة: ايا فوتيلي ماماك دروك نقولها
راحت سامية عند أمها و قاتلها دليلة باغيا تهدر معاك
الام: واه كيراكي
دليلة: غايا طاطا و نتي
الام: الحمد لله........طاطا الحنة تاعي نهار خميس و راني نوجد فالقاطو و البقلاوة......عييت وحدي باغيا سامية تعاوني.......الام: اممم صحا بصح قبل المغرب تولي لدار...... دليلة: وااه منطولوش
لبست سامية الجلابة رفدت ولدها و راحت عند دليلة.....كي وصلت عيطت لهشام و قالتله يجي يقارعلها خارج الحومة على 16:00......امها دليلة كان علابالها بنتها خبرتها و فهمتها و هي جايا حنينة و مشي صعيبة.......بدلت سامية و لبست ساجدة marron تاع دليلة و دارت خمار beige.....مادارتش ماكياج......
رقدت ولدها و خلاته عند دليلة.......لحقت 16:00 عيطلها هشام خرجت و راحت تجري و مغطية وجها بالخمار......(كان الصيف و الحومان مكانش بزااف ناس برا)....وصلت عند هشام، ركبت فاللوطو سلم عليها....
حشمت و فاق بيها قعد يضحك......ديمارا اللوطو و راح crèmerie عند البحر بعيدة جاية في عيون الترك (في وهران tjr)....نزلو ريحو تماك
هشام: راكي شابة ليوم
سامية: هههه يسلمك
هشام: ايا شا نجيبلك ؟!!
سامية: la crème chocolat
هشام هدر مع serveur و قاله يجيب 2 crèmes chocolat
كلاو و كملو و هودو للبحر جمعو في روشي و يهدرو
سامية كانت غايسة فالبحر هي كل ما تشوفه يروح عقلها بعيد......حتى قالها هشام: سوسو مالكي.....وين رحتي......سامية: سمحلي انا كل ما نشوف البحر يصرالي هاك......نغيس فيه و قلبي يريح.....mais دروك تفكرت خويا لي مات فالبحر
هشام: حراق؟!!
سامية: وااه😓
هشام: الله يرحمه........و عنقها
سامية: حطت سامية راسها على صدره و غمضت عينيها......حتى سمعاته يغني
هشام: sentiment bizzar غير معاك حسيت بيه
Jusqu'à maintenant ......معرفت كي نسميه
و مادارتيش retard و جيتي من تالي.........روديتيني نبغيييك و نرسمك في خيالي😍😍
............♥️♥️انتهى
Hello شيرات🖇💫
تفاعل راه قليل بزاااف.......هاااا تفاعلو مالكم......ولي متتفاعلش ان شاء الله متتزوجش😒😒😂😂و دعوتي حارة😑😑