تحكي القصة عن فتاة اسمها سامية جزائرية من ولاية وهران ،مطلقة و لها طفل ستعايش العديد من المآسي و الخيبات التي جعلتها تبني شخصيتها القوية و تتحدى جميع الصعاب و نظرة المجتمع السيئة للفتاة المطلقة، ستكون الرواية باللهجة الجزائرية اتمنى ان تنال اعجابكم...
هشام يهدر: فاتو 5سنين على فراقنا انا و سامية، توحشتها بزاااف.......درت كلشي باه ننساها و منجمتش......كل يوم نجبد تصاويرها فالليل و نتفكر ياماتنا......الله غالب كيما درت ما سلكت......عشقت وحدة و بعدوني عليها.....تزوجت و درت الحلال و خدعتني.........فاتو عامين من لي طلقت و قعدت وحدي فالغربة .......منجمتش نولي لوهران........كل بلاصة فيها تفكرني بسامية و خفت لوكان نولي و نشوفها مع راجلها و قلبي يتهرس💔...........donc قعدت وحدي في داري غير انا و ربي.......حبست الشراب و الزطلة و وليت نصلي و ندعي ربي كل يوم يفرجها عليا.......💫
صباح ناض هشام دوش و صلى و لبس كيما هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و راح boutique تاعه......حتى لحق وقت الفطور راح لداره و لقا الخدامة طيبتله الفطور و حطاته.......فطر و كمل و خرج باللوطو راح لقهوة تاع صاحبه وهراني في ليل........القهوة صغيرة و شابة و يجو فيها غير الجزايريين يشمو فيها ريحة لبلاد........ريح يتقهوا و يكمي......حتى دخل واحد للقهوة و راح يهدر مع مول القهوة......خزر فيه هشام عرفه شكون....فرح و عيطله... جا سلم عليه و ريح معاه..... هشام: صاحبي من وينتا مشفتكش توحشتك بزااف سفيان: يسلمك والله انا تاني توحشتك هشام: ايا كيراك داير سفيان: غاية الحمد لله و نتا صاحبي هشام: الحمد لله سفيان: صافي عامين جيت هنا......راني ساكن في paris و ليوم رسلوني على خدمة هنا في Lille أيا خدمت صوالحي و جيت نشم ريحة البلاد هنا هههههه هشام: ههههه انا كل يوم نجي هنا.......راني ساكن هنا في Lille صافي 4سنين...... سفيان: ااه صحا عليها ماراناش نتلاقو قاع.......ايا و تزوجت؟!! هشام: تزوجت و طلقت و راني قاعد وحدي سفيان: ااه صحا.....انا زادت عندي بنت عندها 3سنين دروك سميتها صوفيا.......وجبد تلفون ورهاله هشام: يااا عمري الله يبارك😻😻 قعدو مقصرين و يهدرو حتى المغرب تفرقو و هشام راح لداره و سفيان راح hôtel.....(هشام قال لسفيان يبات عنده فالدار و مابغاش قاله cbn ريزارفيت في l'hôtel و فات الحال)
عند سفيان: راح hôtel دوش....لبس قشه و قعد في فراشه و عيط لدليلة مرته يحكيلها... سفيان: علابالكي شكون تلاقيت اليوم دليلة: شكون ؟!! سفيان: تلاقيت هشام صاحبي تاع وهران دليلة: ياااه بصح ايا و كيراه داير سفيان: راه مليح و قالي راني ساكن في Lille وحدي و قالي بلي تزوج و طلق دليلة: و علاه طلق سفيان: ماقاليش دليلة: ماجبدلكش على سامية سفيان: لا كيفاه يسقسي عليها و راه حاسبها راهي مرت راجل دليلة: غدوة روح عنده و فهمه.....قوله بلي ماتزوجتش سفيان: و علاه نقولوله دليلة: هاو باينة تقوله......بلاك مزال يبغيها و باغي يوليلها......نتا قوله و صاي هو يدبر راسه سفيان: باينة غادي يزعف لي كذبنا عليه دليلة: لا لا نتا فهمه بلي سامية هي لي زيراتك و بسيف باه قوتله هاك سفيان: صحا....... _________________/_____ غدوة صباح عيط سفيان لهشام و قاله يتلاقاو لعشية فالقهوة psk راه باغي يهدر معاه في حاجة قبل مايولي لباريس
العشية راه هشام للقهوة و تلاقا بسفيان تماك.....شربو قهوة و قعدو يهدرو سفيان: هشام باغي نقولك حاجة......خليني نهدر حتى تالي ماتقطعنيش و مبعدا قولي لي بغيت... هشام: صحا أهدر صاحبي سفيان: هداك العام مين كنت باغي تخطب هديك شيرة سامية و امك ماقبلتش.....سامية مابغاتش تخسر بيناتكم و تدي دعوة الشر علاجالها....هي كانت تبغيك و تسقسيني عليك و كنت نقولها بلي راك مدمر و مراكش مليح......خطرا عيطتلنا انا و رضوان و قالتلنا قولو لهشام بلي تزوجت باه ينساني و يروح يتزوج.......هي متزوجتش و مزالها divorcée هشام: تسما كذبتو عليا قاع هاد السنين و خليتوني مدمر علاجالكم انا راني هابل و عايش وحدي كي اليتيم😡 سفيان: والله مابغيت نقولك هاك هي زيرتني و قعدت تأنسيستي ناض هشام ركب فاللوطو و راح لداره.......سفيان خرج و عاود ولا hôtel و حكا لمرته كلشي و قاتله ماتقلقش دوك يتكالما و يولي يهدر معاك.........دليلة ماحكاتش لسامية على هشام بغات تخليها surprise حتى يجي عندها وحده
هشام هدر مع خوه و دابزو و رضوان قاله نفس الهدرة لي قالها سفيان بلي هوما خاطيهم هي زيرتهم و قعدت تانسيستي و كانو obligé يقولوله _______________//__ فاتو 3 أيام و بدا هشام يتكالما هو فرح لي سامية ماتزوجتش mais غاضاته لي كذبو عليه و خلاوه يحس في احساس صعيب و يتمرمد في هادي ال5 سنين💔
هشام عيط لسفيان و دوموندا منه يتلاقاو.......وتلاقاو فالقهوة هشام: قولي سامية كيصرالها في هادي 5 سنين....باغي نعرف كلشي مشي مرتك صحبتها intime سفيان: واه دوك نحكيلك كلشي..........و حكاله كلشي بلي دليلة دارت projet تاع خياطة و نجحلها و قاع تجار تاع وهران و خارج وهران راهم يشرو عليها و ولات femme d'affaire riche و زادت حلت des pâtisserie في وهران و كراتهم و هو عاونها و سلفلها دراهم و قالها ماترديهمش mais هي ردتهمله و قاله بلي رحلت من ميرامار و راهي تسكن فالعيون في فيلا مع والديها و مبغاتش تتزوج......
هشام نخلع مين سمع بقاع لي دارته و هو غايب و ماعارف والو......تمنى لوكان ولا لواهران و عاونها و وقف معاها غضاته لي خلاها دير كلشي وحدها و صحابه واقفين معاها و هو مكانش.....حس روحه مشي راجل لي ماوقفش معاها mais فرح بيها لي حاربت الميزيرية و الغبينة لي كانت عايشتها.... هشام: صحيت خويا ربي يحفظك والله غاضاتني لي ماكنتش معاها و ماعونتهاش.....غاضتني بزااف سفيان: لا لا معليش حنا لي غلطنا و قولنالك تزوجت كون مادرناش هاك علابالي تقعد معاها و ماتسمحش فيها..... هشام: إيا عطيني l'adresse و هاد اليامات نروح عندها و ان شاء الله تقبل و نتزوج بيها......هاد الخطرا مكانش لي يفرقنا.....صحا خويا ماتقولولهاش بلي عرفت كلشي باغي نديرها surprise♥️ عطاه سفيان l'adresse تاع المعمل و دارهم و قاله بلي يتلقاها في المعمل psk قاع نهار تفوته تماك.... ________________♥️♥️
حبوباتي hello ان شاء الله تكونو غاية.....توحشتكم بزاااف.......إيا تفاعلو و قولولي في cmTr يلا عجبكم chapitre صاي الكرونيك راهي قريب تكمل و كون ماتتفاعلوش مانزوجش هشام لسامية و نقوله ماتت 😂😂😂😂
