نجمة البحر💫💙(باللهجة الجزائرية)

البداية🖇💔

انا سامية عندي 28سنة، كل يوم نطلع السطح تاع الباطيمة باش نشوف البحر، و نريح قلبي و نغيس في دنيا وحدخرة، و نتفكر خويا و ولاد الحومة لوخرين لي قاستهم موجات البحر😔
بصح كاين حاجة😏ماما متخلينيش نطلع السطح ايا خممت في حل شباب يخليني نطلع و نشوف البحر، الحل هو كل يوم نغسل القش(الحوايج) و نطلع ننشره في السطح😁😁
........
الام(فضيلة):سامية سامية وين راكي ?!!!
سامية:واه ماما راني هنا صاي كملت غادي نهود لدار
الام: أجري ولدك ناض و راه يبكي
........
هودت سامية لدار مع أمها و غي حلت الباب لقات ولدها محمد يبكي رفداته و قعدت تحكي معه
سامية: ماله حبيبي علاه راه يبكي
محمد:ماما نمت بلي رحتي و خليتيني مع ميمة وحدي😭😭
سامية:لا شوالا هاد الهدرة ولدي ، انا يصرا لي يصرا و جامي نخليك، ايا نوجدو الفاليزة حبيبي باش نروحو مع طاطاك دليلة للحمام
وجدت سامية الفاليزة و حطت الفطور ....فطرت مع والديها و ولدها، غسلت الماعين و لبست الجلابة و راحت مع ولدها عند صاحبتها دليلة
.......
وصلت سامية عند دليلة عيطتلها ايا خرجت و راحت معها للحمام، دخلو للحمام، حمو و كملو و مبعدا خرجو يلبسوا و يريحو، كانت سامية مريحة مع صاحبتها يهدرو حتى شافت جارتها دخلت للحمام مع مرآة متعرفهاش راحت سامية مع دليلة يسلمو على جارتهم و مبعدا خلصو و خرجو من الحمام.
المراة:سعاد شكون هاديك الشيرة الشابة لي جات عندك
سعاد: هديك البلوندة
المراة: وااه
سعاد: هديك سامية بنت فضيلة جارتي، مسكينة مطلقة و عندها ولد
المراة: اممم تبان صغيرة، و علاه تطلقت ؟!!
سعاد: قالت بلي راجلها كلوشار و يضربها و حاقرها...
المراة: هدا مكان هااا كون صبرت علاه توصل لطلاق
سعاد: عندك الحق
...........
راحت دليلة مع سامية لدارهم و ريحو يشربو القهوة مع بعضاهم
دليلة: سامية شوفي هاد la robe كي شابة😻
سامية: واه شابة و تجي عليك
دليلة: غدوة نحوس عليها و نشريها
سامية: تبان غالية، عندك الدراهم
دليلة: ههههه راجلي عنده دراهم خليني نبروفيتي
سامية: حقا وااه نسيت ههههههه
شوية حتى سمعت سامية امها تعيطلها راحت عندها
سامية: وااه ماما مالكي
الام: عجباتك القعدة مع صحبتك راكي طالقة روحك....روحي وجدي العشاء
سامية: علابالي دوك نوجده
سمعت دليلة ام سامية تزقي(تعيط) ايا فهمت روحها هي تعرفها بلي صعيبة ....جات سامية عندها ايا قاتلها دليلة صاي راني رايحة لدار ماما عيطتلي...و راحت دليلة لدارهم و قعدت سامية توجد العشاء
...............انتهى
اتفاعلو بلييز و نكمل🖇💜