نجمة البحر💫💙(باللهجة الجزائرية)

غير روح و نساني💔😭

...............la suite
رفدت سامية ولدها و راحت شنمبرتها رقدت ولدها و عيطت لدليلة و حكاتلها كلشي و هي تبكي
دليلة: هادي باينة خامجة و متسواش😡..............ايا صاي عمري ماديريش عليها نتي تعرفي روحك كيدايرة و هشام تاني يعرفك بلي ملايكة و يبغييك بزااف
سامية: كنت عارفة بلي غادي يصرا هاك.........شكون لي تقبل ولدها عازب و شباب و بدراهمه يدي وحدة هجالة و طلابة و زيد والدة
دليلة: هااا صاي تعرفيني نكره هاد الهدرة............نتي مزالكي صغيرة و شابة و تهجال مكتوب ربي غي هادي جاهلة و رخيسة متعرفش ربي............ايا نتي متسمحيش في هشام و ديه كونترا عليها وريلها نسا شايديرو
سامية: روحي قودي شاهادي كونترا عليها...........انا منقبلش شير مسكين امه تغضب عليه و يدي دعوة الشر علاجال هجالة مرمدة
دليلة: دبري راسك المهم ماتزعفيش روحك يروح هو يجو 100 صحاا
سامية: صحا.........ايا غادي نعيطله نهدر معاه......مبعدا عمري💞
دليلة: صحا قلبي♥️

بلعت سامية تلفون و راحت طيبت العشا و حطاته و نوضت ولدها يتعشا............تعشا و عاود ولا يرقد........سامية متعشاتش، غسلت ماعين و راحت لشنمبرتها..........ريحت عند التاقة و عيطت لهشام

هشام: الو عمري.........راني غي نعيط و تلفون مبلع مالكي
سامية: هشام صاي انا وياك c'est fini
هشام: مر**** شاراكي تهدري
سامية:............(ساكتة)
هشام: شكاين قوليلي😡😡
سامية: هشام نتا تعرف شعال نبغييييك و بلاصتك في قلبي كيدايرة و تمنيت نكون مرتك و نتهلا فيك كيما تهليت فيا mais الله غالب انا منقبلش مك لي ولداتك و شعال من عام و هي تربي فيك في la fin تغضب عليك و تفوتك علاجال هجالة عرفتها في شهرين💔
هشام: لا لا انا ما نعرفها حنينة دوك يامات و ترضى و تقبل بيك والله..........بصح نتي شكون قالك ماقبلتش ؟!!........هدرت معاك ؟؟
سامية: وااه هدرت معايا و ماراهيش قابلة و مغاديش تقبل
هشام: سامية قتلك انا ندبر راسي غي صبري متقلقيش حمبوك
سامية: هشام هادي هدرتي التالية.........نبغيك و نقعد غير نبغيك........فوت معاك يامات شابين و مايتنساوش معاك عرفت العشق و الحنانة لي انحرمت منها سنين، نتا خرجت معايا راجل و خيرك jamais ننساه.............mais نتا تتساهل وحدة خير مني انا مشي ليك عمري💔
هشام طاحتله الدمعة و هي تاني بدات تبكي حتى قالها
هشام: يااا العمر والله مانسمح فيك و غير نتي لي نديك و ماراني سامع بحتى حد.......
سامية: راني نقولك روح يااا ولد الناس...........روح و نساني💔😭😭
بلعت تلفون و طاحت في فراشها تبكي تبكي حتى حست بالغمة و النفس حبسلها خرجت من شنمبرتها و راحت للبالكون............خزرت فالبحر و قعدت تهدر معاه في قلبها
سامية: يااا ربي علااااه معنديش زهر علااااه........يااا ربي انا بغيت غي هشام يوليلي...........يااا ربي انا منجمش نفرقه على لي رباته يااا ربي راني متمنية غير تهديها و ترضى بيا............يااا ربي نبغييييه والله غير نبغيييه و بزاااف💔💔
قعدت فالبالكون تبكي حتى لي طلع صبح صلات الفجر و دعات ربي يفرج عليها و رقدت
عند هشام😞
كي عيطتلي سامية و قاتلي هديك الهدرة حسيت خودمي دخلي في قلبي.............دموعها حرقوني و حسيتها مجروحة بزاااف باينة ماما ضرتها بهدرتها
تنارفيت و بغيت نهبل..........خرجت برا و قعدت نكمي عيطلهاا بزاااف و تلفونها مبلع............انا صاي خرجت من عقلي و قعدت برا مريح فاللوطو حتى طلع الضو نزلت من اللوطو و دخلت لدار، دوشت و خرجت لبست قشي رحت الكوزينة لقيت ماما تتقهوا ريحت حداها
هشام: شاقلتيلها😡
لطيفة: شكون
هشام: ما راني عارف بلي هدرتي معاها و ضريتيها..........منيش عارف شادرتلك انا باه راكي ديريلي هاك
لطيفة: اااه راك على هديك الهجالة........واه رحت عندها و هدرت معاها و متزيدش دور بيك
هشام: رحتي عندها تاني.........شوفي انا غي هديك الهجالة لي مراهيش عجباتك لي نديها و عقلي على هدرتي.........ناض و خرج برا
لطيفة: صحا دوك نشوفو
______________
هشام كل يوم يعيط لسامية و هي مترفدش عليه كانت تقارع فيه حتى يجي مع امه يخطبها و يلا مجاش متهدرش معاه............mais هشام ماكرهش و كل يوم يعيطلها و يجي لحومتها يقارعها تخرج بصح مكان والو (كانت عارفة بلي غادي يجي الحومة ايا ماولاتش تخرج)
________________💔💔

فاتت 4 اشهر كيشغول 4 سنين على سامية و هشام كانت صعيبة بزاااف mais سامية صبرت علاجال مصلحة الشير لي تبغيه😪
سامية تهدر:
هادي اصعب فترة نفوت عليها كل يوم نبكي حتى قريب نعميت والفته بزاااف و فراقه جاني قاوي، مازدتش هدرت معاه من هداك النهار و صبرت و حملت كلشي علاجال مصلاحته.........دليلة راجلها قالها بلي هشام راه ضايع و عايش فالبار و غي يحوس عليا............انا خممت في حل يريحه و قلت لسفيان راجل دليلة يقوله بلي خطبوني و cbn غادي نتزوج غي روح تزوج نتا تاني و عيش حياتك و نساني حمبوك و قلعت la puce قستها و شريت وحدخرة و مزادش وصلني خبر عليه.......دعيتله ربي يهنيه و قعد عشقه كية في قلبي💔💔
ماما من مور لي عرفت بلي كنت مع هشام كرهتني و ولات تعاملني كيما البونيشة و جوارينا قاع سمعو بيا و زادو حقروني و ولاو يخزرو فيا كيما يخزرو لق**** غير papa و دليلة لي وقفو معايا و حسو بيا ربي يخليهملي♥️
ولدي محمد قفل 6 سنين و دخل يقرا سنة اولى ابتدائي........زاد المصروف على papa و  قررت نحوس على خدمة و نعاونه شوية........حوست حوست وين ما نروح يطلبو قراية ولا **** وانا مشي قارية حبست فالرابعة متوسط و صوالح لوخرين شرفي مايسمحليش نديرهم.............خطبوني بزااف رجال و ماقبلتش psk طلبو مني نسمح في ولدي و انا نموت و منخليش كبدتي بعيدة عليا😞💔
هشام يهدر:
فراقها جاني صدمة مانجمتش بلا بيها كل يوم نحوس عليها كي البهلول نعيط و تلفون مبلع.........4 اشهر فاتو و انا ضايع من البار مانخرجش، وليت كيما المراهق غي الزطلة و الشرااب الله غالب بغيتها بزااف و عشقت فيها💔💔 
يكتر خير رضوان خويا و سفيان صاحبي وقفو معايا بزاااف و رفدوني ان شاء الله ربي يخلهملي♥️
واحد النهار كنت مريح عند البحر جا عندي سفيان و قالي الهدرة لي jamais ننساها في حياتي😔
قالي سامية خطبوها و غادي تتزوج و قاتلك سمحلي و روح عيش حياتك و تزوج مشقاش تحوس عليا cbn و  jamais ننساك.........مننساش هداك النهار شاصرا فيا قلبي قريب حبس و طاحتلي la tension تغاشيت و داني صاحبي لسبيطار...........انصدمت فالبدية و مبعد اقتنعت و خليتها تتزوج و تتهنا psk ماتستاهلش واحد حمار كيفي سمح فيها و ماوفاش بوعده😞
_______________♥️
الشمس تغرب و ضوها يلمع فالبحر و هشام مريح فالروشي و معنق خوه رضوان
هشام: علاه حنا معندناش الزهر💔
رضوان: مشي معندناش الزهر.........حنا رخاس سمحنا فلي بغاونا و مشقيناش روحنا........العشق وحده مايقدش العشق يبغي واحد راجل، قافز، فاهم الدنيا و يعرف كيدير و يصبر.............العشق كيما البحر يدي غير لي  حاسبين رواحهم عوامة🖇
هشام طاحتله الدمعة و قعد يغني
نتياا تزوجتي..........و تهنيتي........كيندير اناااا.......ياا دبايلي انااا.........نتيااا تزوجتي........الغلطة ماشي فيك
ماشي فياا........ياااختي la vie.........نتيااا تزوجتي💔💔💔💔💔😔
_______________انتهى
صحا صحوركم حباباتي عجبني تفاعل تاعكم و كون تقعدو هاك كل يوم نحط chapitre ربي يحفظكم ان شاء الله............ايا عطوني توقعاتكم......شاغادي يصرا plus tard ؟؟!!!!