نجمة البحر💫💙(باللهجة الجزائرية)

صدفة🖇💜

La suite.....💫💙
............
طيبت سامية العشاء و حطاته و تعشات مع والديها و ولدها، غسلت ماعين و راحت لشمبرتها ترقد ولدها، كي رقد خرجت من la chambre و لقات بوها مريح يتفرج ريحت معاه و قعدو يهدرو
الاب(عبد القادر):محمد رقد ؟!!
سامية: واه papa
الاب:روحي رقدي نتي تاني باينة عييتي ليوم فالحمام
سامية:مزال الحال papa
شوية حتى عيطت دليلة لسامية راحت سامية لشمبرتها تهدر معاها
سامية:الو دليلة ...مالكي
دليلة:سامية راجلي غدوة يخدم ميقدرش يجي معايا باش نشري la robe حمبوك تروحي معايا ؟!!
سامية: هههههه منيتك باغيا فضيلة تقتلني....تعرفيها متخلينيش نخرج
دليلة: قولي لباباك هو يخليك
سامية: محال ماما تقوله متخليهاش
دليلة: يا غي سيي قوليله بلاك يخليك....حمبوك
سامية: صحا....
طفات سامية تلفون و راحت عند بوها ريحت حداه
سامية: papa حمبوك باغيا ندومندي منك حاجة
الاب: واه بنتي
سامية: دليلة عيطتلي دروك علابالك عرسها راه قريب و راهي توجد ...غدوة غادي تروح تشري صوالح قاتلي ارواحي معايا....نقدر نروح
الاب: سقسي ماماك
سامية: علابلك متخلينيش
الاب: صحا روحي و مطوليش وانا نقول ماماك
فرحت سامية و عنقت باباها و راحت عيطت دليلة و خبرتها فرحت دليلة....و رقدت سامية مع ولدها💞
...........

غدوة صباح ناضت سامية صلات و طيبت القهوة و قعدت تتقهوى حتى جات أمها
سامية:صباح الخير ماما
الام: صباح الخير
فرغت سامية القهوة لامها و قاتلها
سامية: ماما.....papa مقالك والو
الام: قالي وااه......راني نشوف بلي طوالو كرعيك كل يوم مع هديك دليلة
سامية: والله غي مين راهي توجد لعرسها هبلتني مسكينة معندهاش ليعونها.....غي تتزوج منزيدش قاع نخرج
الام:صحا....😏
طيبت سامية لفطور و نوضت ولدها لبستله قشه و لبست هي الجلابة و خرجت راحت عند دليلة....خرجت دليلة و راحت معاها،ركبوا فالbus راحو لمدينة الجديدة(اكبر سوق في وهراان....توحشت نروحلها الحجر الصحي😔😏)حوست دليلة على la robe و ملقاتهاش حتى واحد قالها مدام هاد la robe تلقيها غي فالبوتيك كلاس......راحو دليلة و سامية لبوتيك كبيرة....دخلت دليلة و لقات راجل صغير شباب سقساته على la robe عيط vendeuse قالها تحوس عليها.....(فهمو بلي هو مول البوتيك)....قعد الراجل يشوف في سامية و دليلة تحوس مع vendeuse حتى قالت دليلة: سامية وقيلا عجبتيه
سامية: ههههه شراكي تهدري راجل شباب و عنده دراهم كيفه تعجبه وحدة طلابة و مبهدلة كيفي
دليلة: لا متنسيش بلي مزالكي صغيرة و شابة بزاااف و الفقر مشي عيب😇
لقات vendeuse الروبة و عطاتها لدليلة راحت دليلة تقيسها و راحت معاها سامية و خلات ولدها مع الراجل psk ملي دخل و هو رافدو و يلعب معاه
قاست دليلة la robe جات عليها قلعتها و لبست جلابتها.....خلصتها و خرجت مع سامية......
محمد: ماما هداك الراجل عطاني حلوى و ورقة قالي عطيها لماماك
حلت سامية الورقة و لقات فيها numéro خبرت دليلة .....دليلة: شفتي قتلك بلي عجبتيه
سامية: سكتي......محمد متقول لحتى واحد على هداك الراجل و كي يسقسوك على الحلوى قول تاع طاطا دليلة
محمد: صحا ماما
..........
وصلت سامية لدار مع ولدها حطت الفطور...فطرت و راحت لشمبرتها رقدت ولدها. .....عيطتلها دليلة
دليلة: يادرا، عيطيله ؟!!
سامية: لا و منعيطش💁‍♀️
دليلة: يا حمارة🤦‍♀️😡 باغيا تهبليني.....ربي رسلك نعمة و بغيتي ضيعيها......مالكي
سامية: دليلة منيتك راجل كيما هو يشوف فيا انا
دليلة: و مالكي نتي ......شا خصك....مشي شيرة نتي🤦‍♀️😐
سامية: بصح....!!! دليلة: مكان لا بصح لا والو.....😐عيطيله و شوفي شيقولك
سامية:صحا.....و طفات تلفون هي اصلا قالت صحا غي باش تسكت دليلة......خرجت من الشمبرة سمعت الطبطيب فالباب....حلت لقاتها ختها الصغيرة مع بنتها سلمت عليها و دخلو لدار......جمعت وردة الاخت الصغيرة مع أمها و راحت سامية طيب العشاء.....قعدت طيب حتى سمعت أمها تقول
وردة: كيراكي ماما
الام: كيراني يااا بنتي.....منيش مليحة😒😑
وردة: علاه ما😯
الام: من لي طلقت المصفارة ختك.....هدا مكان خاصني انا حاصلة في روحي و زادتني هي و ولدها
وردة: شفتي....😏
الام: كشفتني والله.....راني حاصلة فيها....لوكان غي تتزوج و تقيلني......احي نسيت شايديرو بوحدة كيفها طلابة و زيد مطلقة و عندها ولد😒😒
وردة: بلاك إن شاء الله تتزوج و تريح😌
الام: إن شاء الله بنتي😔
.............
كانت سامية تسمع مور الباب و تبكي💔😭....قلبها تحطم مكان حتى واحد حاس بيها ولا عاذرها........حتى امها اقرب الناس ليها😔......مشي عارفين الجحيم لي عاشتو مع راجلها.......قعدت سامية تبكي و توجد فالعشا مبغاش يعرفو بلي راهي تبكي......حتى لوكان يعرفو و مايحسوش بيها.....😓💔
...............
التفاعل بليييز🥰💞