تحكي القصة عن فتاة اسمها سامية جزائرية من ولاية وهران ،مطلقة و لها طفل ستعايش العديد من المآسي و الخيبات التي جعلتها تبني شخصيتها القوية و تتحدى جميع الصعاب و نظرة المجتمع السيئة للفتاة المطلقة، ستكون الرواية باللهجة الجزائرية اتمنى ان تنال اعجابكم...
............la suite صباح سمع هشام تلفون يصوني رد لقاها مروة vendeuse قاتله بلي ليوم يجيبو سلعة جديدة و يليق يجي يخلصها و يسنيي عليها قالها بلي راه عيان و مينجمش يجي غادي يرسل خوه رضوان
ناض هشام عيان psk مارقدش البارح و راح عند رضوان خوه لي ميخدمش اليوم، نوضه و فهمه....... دا رضوان الدراهم و هود للحانوت
نحكيلكم شوية على رضوان😊
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كيما تعرفو هو خو هشام الكبير، عنده 36عام، جامعي و يخدم في الادارة تاع سونطراك مع بوه، رضوان ناس ملاح بزااف calm و عاقل، مين كان يقرى فالليسي عرف شيرة سموها نورهان عجباته خرج معاها مبعدا ولا يبغيها و يموت عليها même هي تبغيه، طلعو للجامعة و كملو قرايتهم فيراحبا، مين كمل رضوان قرر يروح يخطب نورهان و راح عند بوها هدر معاه و هنا كانت الصدمة😪، بوها قاله انا بنتي ملي زادت عمها قالي خليها لولدي، كنت نقارع فيها تكمل قرايتها و cbn مين كملت غادي نزوجها لولد عمها و نتا روح شوف من جهة وحدوخرة انا بنتي بعيدة عليك........ نخلع رضوان و قال نورهان قاتله انا تاني معلبليش بيها هادي قاع و غي نتا لي تديني، عيا رضوان شهر و هو يحلل في بوها و مبغاش حتى جا نهار كره رضوان و دابز معاه و طيحله و من تماك معاودش ولا عنده، نورهان تزوجت بسيف عليها و جابت توام بنت و ولد mais مزالو القلوب لبعضاهم..........مزالها تبغي رضوان و مزاله هو تاني يبغيها و يقارع يجي نهار تطلق و يديها........💔💔 (هادي القصة عندها 3سنين)
نولو للابطال تاعنا.....😊 هشام قاع الليل و هو يخمم و يدعي باش امه ترضى، مرقدش و صباح رسل خوه رضوان للحانوت و هو راح لقهوة عند البحر و قعد يخزر فيه و يتفكر اليامات لي فوتهم مع سامية، عيطلها و ردت عليه سامية: صباح الخير عمري (كانت في la terrasse تنشر فالقش😂😂) هشام: صباح الخير القلب، كي صبحتي سامية: الحمد لله و نتا هشام: CV hmdLh و محمد كيراه سامية: صاي راه يبرا الحمد لله هودتله الحمى هشام: ايا مزية....وين راكي سامية: راني فالسطح ننشر فالقش هشام: ههههه بهلولة ايا مبعدا نهدرو صحابي جاو سامية: صحا مبعدا ان شاء الله
ريح هشام مع صحابه مبعدا هود للدار......لقا غي بوه ريح حداه و قعد يهدر هشام: وين راهي ما عبدالرحمان: راحت مع خالتك يدورو و يشرو هشام: papa باغي نقولك حاجة عبدالرحمان: واه ولدي هشام: راني باغي نتزوج لقيت وحد البنية عجبتني عاقلة و متربية و سقسيت عليها مليح قاع شكرو فيها عبدالرحمان: شكون هادي هشام: بنت عبد القادر بن*****يسكنو في ميرامار و ناس قلاليل و ملاح.........بارح قلت لماما عليها و ماقبلتش psk الشيرة مطلقة و عندها ولد عبدالرحمان: و علاه طلقت هشام: راجلها رخيس كان حاقرها و يضربها بزاااف عبدالرحمان: ولدي راك كبير و تعرف صلاحك يلا شيرة مسقمة ديها معليش و دوك نشوف مع مك نزيد نقنعها هشام: صحيت بويا ربي يخليك ________________
فاتت سيمانة و هشام يحلل في امه و هي رافضة و شادة في رايها و زاد بوه و رضوان هدرو معاها و مقبلتش و قاتله كون تتزوج بيها نغضب عليك و ماراني مك ماتعرفني.............حصل هشام و قعد بين نارين
اليوم فالليل كان مريح عند البحر و يهدر مع سامية سامية: كيراهي ماماك؟!! هشام: راهي غاية قتلك مزالها في دار خالي psk عرس تاع ولده و راهي تعاون فيهم سامية: واه قلتلي mais راني حاسة كاين حاجة وحدوخرة هشام: لا مكان والو (مابغاش يقولها باه ميجرحهاش) توحشتك راني باغي نشوفك 💔 سامية: غدوة تجي دليلة لدارهم غادي نروح عندها و بلاك من تماك نجي عندك هشام: صحا عمري..........غادي نجي دروك رقبي عليا نشوفك سامية: هههه صحا جا هشام لحومتها في نص الليل باللوطو.........رقبت عليه سامية نزل من اللوطو و دار يده على قلبه و قالها بيديه " راه يضرب غير ليك♥️" فرحت سامية و قعدت تخزر فيه و الدموع في عينيها و قاتله "وانا قلبي راه ليك💞" فاتت هديك الليلة و سامية غي تهدر مع هشام حتى اذن الفجر صلات و راحت رقدت شوية ناضت الصباح على 10 شربت قهوة و وجدت الفطور حتى عيطتلها دليلة و قاتلها بلي جات لدارهم حطت سامية الفطور، فطرت و غسلت الماعين، لبست و لبست لولدها و راحت عند صحبتها، وصلت حلت عليها و direct طاحت عليها عنقتها دليلة: توحشتك الفرخة قريب نطلق علاجالك😂 سامية: بعيد الشر و انا تاني توحشتك ياا العمر💞
ريحت سامية مع دليلة و قعدو يهدرو و سامية حكاتلها بلي هشام باغي يخطبها mais راهي خايفة امه ماتقبلش، فرحت دليلة و قاتلها ماتخافيش ماتصيبش شيرة ملايكة كيفك فاتت ساعات و سامية رقدت ولدها و قارعت هشام يعيطلها عيطلها هشام خرجت و راحت عنده، ركبت فاللوطو طار عليها عنقها بالقوة و سلم عليها😍، ديمارا اللوطو و راحو لكافيتيريا عند البحر وصلو ريحو تماك و قعدو يهدرو هشام: توحشتك بزااف راني غي نقارع وينتا نجيبك لداري و نشبع منك سامية: انا تاني ان شاء الله هشام: ان شاء الله العمر💞 شربو قهوة و حكاو و ضحكو و نساو همومهم.......حتى سكت هشام و شد سامية من يدها و قال هشام: سامية........يصرا لي يصرا جامي تنساي بلي نبغيك صحا...........دايمن تفكري بلي كاين واحد يبغيك و فرحته هي فرحتك و زعافه هو زعافك.....صحا عمري💞 سامية عينيها دمعو و شافت فيه و قالت سامية: علابالي حبيبي وانا تاني نموت عليك🖇💜 هودو للبحر كيما العادة، تمشاو فالشط و قعدو يحكو حتى شافت سامية فالساعة و لقاتها 18:000 و يليق تولي لدار ركبو فاللوطو ديماراو و وصلها لدار، قبل ما تنزل سامية شافت في هشام سلمت عليه و قاتله نبغيييك💞 و نزلت و راحت لدار دليلة دات ولدها و ولات لدارهم
دخلت سامية لقات امها راقدت فالصالة، راحت لشنمبرتها و بدلت قشها و ريحت مع ولدها تتفرج حتى سمعت الطبطيب فالباب تاع برا حلت سامية الباب و شافت مرا كبيرة شابة و civilisé سامية: سلام madame شكون نتي لطيفة: هههه انا شكون.........انا madame لطيفة ر**** نخلعت سامية كي سمعت اللقب تاع هشام و عرفتها بلي امه لطيفة: نتي سامية سامية: واه انا لطيفة: شوفي يا بنت الناس جيت نقولك 2 كلمات و نروح........انا ولدي مايديش وحدة هجالة و طلابة كيفك لوكان تبقي غي نتي فالدنيا هاديpsk نسا طامعات لي كيما نتي نعرفهم مليح............ايا بعدي على ولدي خيرلك ياا الهجالة و شوفي واحد هجال كيفك يناسبك سمعت فضيلة ام سامية الحس و الزقا ناضت شافت مرا عند الباب تزقي فضيلة: مالكي شاكاين لطيفة: شكاين........سقسي الهجالة تاع بنتك تقولك شكاين.......ماكدبش لي قال "الهجالة مو الرجالة" خزرت في سامية خزرة تاع موت و راحت
بلعت فضيلة الباب و دخلت بنتها و ضربتها بصفعة فضيلة: اهدري ياا الخامجة شادرتي...........ياا ربي سيدي علاه بليتني بيها😡 قعدت فضيلة تضرب في سامية و هي غير تبكي حتى جا ولدها محمد و قعد يبكي........عنقاته و هما يبكو😭 ...................... صحا فطوركم شيرات ايا قولولي عجبكم chpitre ان شاء الله يكون عجبكم......تبعو القصة مزالها طوييلة👉🥰😍
