تحكي القصة عن فتاة اسمها سامية جزائرية من ولاية وهران ،مطلقة و لها طفل ستعايش العديد من المآسي و الخيبات التي جعلتها تبني شخصيتها القوية و تتحدى جميع الصعاب و نظرة المجتمع السيئة للفتاة المطلقة، ستكون الرواية باللهجة الجزائرية اتمنى ان تنال اعجابكم...
اليوم دليلة جات عند سامية، ريحو فالصالة يتقهواو و يهدرو 😊 دليلة: ايا حوستي على خدمة سامية: حوست حوست و مالقيتش وين ما نروح يقولولي قراية ولا العرف ولا **** دليلة: علابالي هدا ما يبغو🙄 سامية: واه الغلطة فيا انا عاندت و ماقريتش، سلاح المرا هو قرايتها و الراجل غي زيادة........الفايدة هي القراية ياا ختي دليلة: واه نيشان..........معليش فات الحال دروك و ان شاء الله ربي يفرج عمري سامية: ان شاء الله بب دليلة: حقا سامية كي حبستي قراية مشي درتي diplome تاع خياطة........ايا علاه ماتوليش تخيطي سامية: احي على الخياطة.........لي نخسره كتر من لي نربحه......الكتان و صوالح الخياطة غاليين بزااف و زيد معنديش les clients الحومة قاع تكرهني و مايجوش عندي دليلة: لا ماتقوليش هاك نتي خدمي و الرزق على ربي ولا شفتي روحك خاسرة بزااف حبسي سامية: بلاك نخمم و نقولك دليلة: صحا دليلة جا راجلها يديها، عيطلها خرجت....تبعتها سامية و رقبت عليه و قاتله بيديها "هشام كيراه؟!!" رد عليها و قالها "داشعال ماشفتهش مارهش يبان قاع" تقلقت عليه سامية و دعات ربي ينساها و يتزوج......😞
هشام من لي قالوله بلي سامية خطبوها و غادي تتزوج جبد روحه و ماولاش يخرج بزااف(رضوان و سفيان و سامية تفاهمو يقولوله هاك باه ينساها🖇)......هشام فالليل يبات قاعد و صباح يرقد........و كل يوم يقارع خوه يجي من الخدمة و يروح معه.....يريحو و يشكو لبعضاهم psk عاشو نفس الاحساس......هشام قاع نهار و هو مع خوه رضوان و ماولاش يتلاقا بصحابه الهموم رداته انسان منعزل💔........امه الشريرة كانت فرحانة لي ولدها بعد على سامية و كانت تحوسله على شيرة كيفها تزوجهاله _______________🖇♥️ فاتت الايام و سامية تخمم فالهدرة تاع دليلة و ماعرفتش شادير...........فالليل كانت مريحة مع بوها يتفرجو في حصة تهدر على les jeunes لي دارو لونساج و شافت واحد حل مصنع كبير تاع جلد و المشروع تاعه نجح حتى ولا يصدر للخارج..........سامية جاتها في راسها فكرة......خمت فيها مليح و قالت من غدوة نبدا نفذ فيها الغدوة بدات سامية تخدم في تصاميم تاع les robes de soirée و ساجدات🖇قعدت سيمانة و هي تخدم فيهم و مين كملتهم عيطت لدليلة تخبرها على الفكرة تاعها...... سامية: دليلة تعقلي مين كنت صغيرة و كنت نخدم تصاميم و يعجبوك دليلة: oui نعقل كنتي ديريهم شابين بزااف سامية: انا جاتني فكرة في راسي و بغيت نخبرك.........شوفي راني باغية ندير لونساج و نحل معمل تاع خياطة و انا ندير تصاميم و يخيطوهم الخدامة دليلة: شابة l'idée عجبتني بصح صعيبة بزااف mais دوك نقول لسفيان يعاونك هو عنده صحابه يخدمو في هاد domaine سامية: واه حمبوك عاونيني باغيا ندير projet و نسلك روحي دليلة: باينة بلي نعاونك نتي ختي♥️ سامية: علابالي عمري بصح خليها بيناتنا انا و نتي و راجلك ماتقولي حتى حد دليلة: واه باينة ______________♥️♥️
دليلة خبرت راجلها بالفكرة تاع سامية و هو عجباته الفكرة و قالها خلي انا ندبر راسي و نعاونها في هاد projet..........فرحت سامية و قعدت تخدم فالتصاميم و تخطط للمشروع تاعها...........قالت لبوها و هو تاني عجباته الفكرة و قالها لي تساعدك ديريها دليلة دفعت كواغطها تاع لونساج و قارعت شهر حتى عطاوها دراهم كبار.........سفيان دبرلها Atelier خارج وهران........كراوه و شراو matériel تاع الخياطة والتطريز.........سامية ماقدوهاش دراهم، زاد سلفلها سفيان دراهم و كملت شرات قاع لي خصها.........سفيان ريقللها كلشي و دار annonce باه يجو يخدمو عندها فاتو اليامات و جا عندها 20 خدامة دخلتهم يخدمو و عطاتهم التصاميم و بدأ المعمل تاعها يخدم و جاو عندها بزااف تجار عجبتهم خدمتها و شراو عليها كلشي...........كان المعمل تاعها يخدم الساجدات و les robes de soirée و سماته" The goLden Lady"......... ____________________Après 3ans♥️
فاتو 3 سنين و انشهر المعمل تاعها و زادو الخدامة و ولات femme d'affaire مشهورة، شرات هداك Atelier لي كانت كارياته و ردت الدين لي كان عليها و باعت دارهم و شرات دار وحدوخرة كبيرة في عيون الترك في وهران ترقب على البحر و شرات لوطو....💞 سامية لي قاع ناس عيروها و خصرولها سمعتها دروك ولاو يدلقولها و يحشمو منها و كي يشوفوها يحطو ريسانهم...........سامية لي كانو جوارينها يضحكو على لبستها دروك اللبسة لي تلبسها و اللوطو لي عندها مكانش لي عندها كيفها فالحومة، و غير تجي للحومة القديمة قاع يحلو تواقي و يكحلو عليها و غايرين منها، و نادمين على لي قالوه عليها و لي هدرو فيها و وسخوها، سامية الهجالة و الطلابة ولات لالات النسا و قاع يجرو في جرتها حتى راجلها الاول و جا يحلل فيها باه توليله mais طرداته💥.............راحت سامية و جات سامية وحدخرة.......سامية القوية لي بنات روحها بروحها🖇💜💞 __المعمل:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اللوطو تاع سامية:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دار سامية الجديدة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
____________❤❤ صحا فطوركم حباباتي توحشتكم🖇💜 حطيتلكم chapitre جديد ان شاء الله يعجبكم ايا قولولي توقعاتكم في les commentaires بغيكم💞💗
