تحكي القصة عن فتاة اسمها سامية جزائرية من ولاية وهران ،مطلقة و لها طفل ستعايش العديد من المآسي و الخيبات التي جعلتها تبني شخصيتها القوية و تتحدى جميع الصعاب و نظرة المجتمع السيئة للفتاة المطلقة، ستكون الرواية باللهجة الجزائرية اتمنى ان تنال اعجابكم...
........la suite قعد هشام يغني و سامية تسمع و غايسة فيه حتى كمل سامية: عندك la vois شابة بزاااف هشام: عجباتك عمري سامية: بزااف خزرت سامية للبحر و شافت حاجة....طلعت رأسها و قالت لهشام سامية: هشام شفت حاجة التحت فالرملة يليق نروح نجيبها هشام: شوالا هاد الحاجة سامية: ايا نهودو نوريهالك هودت سامية مع هشام للبحر و قعدو يتمشاو فالشط حتى لقات سامية هاديك الحاجة رفدتها و وراتها لهشام هشام: هادي نجمة البحر سامية: ههههه واه انا كي كنت صغيرة كانو يعيطولي نجمة البحر psk نبغي البحر بزاااف هشام: و تاني وجهك يضوي كيما النجمة حشمت سامية هودت رأسها شافت فالساعة تاع هشام لقاتها 16:50 cbn يليق تروح عند دليلة.....قالت لهشام و راحو طلعو فاللوطو و قلعو......شوية هكا وصلو للحومة شافت سامية في هشام و قاتله سامية: ايا نخليك mercii بزااف دروك راني حاسة روحي مليحة هشام: ايا الحمد لله même انا ريحت كي شفتك سلم عليها و هودت من اللوطو غطات وجها و راحت لدار دليلة......وصلت طبطبت فالباب حلت عليها دليلة و دخلتها.....دخلت لقات ولدها يشرب فالقهوة، رفداته محمد: ماما وين كنتي ...طاطا قاتلي رحتي تشري سامية: واه شريت صوالح القاطو ولدي....شوف طاطاك جابتلك......جبدت النجمة و عطاتهاله يشوفها و قاتله بلي دليلة لقاتها فالبحر و عطاتهالها قعدت سامية توجد فالقاطو مع دليلة و كي قرب المغرب راحت لدار .......♥️♥️ فاتت السيمانة و سامية تعاون في دليلة و يوجدو فالقاطو تاع الحنة و العرس و كانت سامية كل يوم تهدر مع هشام فالليل بالتلفون mais معاودوش تلاقاو ____________ اليوم الخميس نهار الحنة تاع دليلة........ناضت سامية الصباح و راحت مع دليلة للحمام، حمو و راحو عند la coiffeuse كوافات دليلة شعرها mais سامية مابغاتش......كملت دليلة و طلعت لدار توجد روحها و راحت سامية عرضت قاع شيرات تاع الحومة باه يجو للحنة فالليل في دار دليلة.......كملت سامية و راحت عند دليلة وجدت الدار و رتبت كلشي مع ام دليلة و مبعدا لبست بدعية تاع دليلة و ماكيات شوية و طلقت شعرها الرطب و ماكيات لدليلة غاية...... مور المغرب تلمو الشيرات فالدار و قعدو يغنو و يرقصو و كانت معاهم حمات دليلة.......حطت سامية لاتاي و القاطو و وجدت plat تاع الحنة و جات ام دليلة ريحت حدا بنتها و قعدت ديرلها فالحنة و تبكي و شيرات يغنولها حني حني ياا لميمة شوفي الحنة في يدي الله الله الله الله و خاتم كي طبعلي يدي الله الله الله الله قعدو يغنو و يزغرتو حتى لي كملت ام دليلة الحنة ابنتها و ربطتلها يدها و دارت للشيرات لوخرين حنة الفال.........فرحو الشيرات و رقصو و بردو قلوبهم حتى لحق نص الليل و راحت كل وحدة لدارهم و باتت سامية عند دليلة........كي كملت الحنة عيطت سامية لهشام هدرت معاه و حكاتله بلي فاتت ليلة شابة و راهي فرحانة بزااف لصحبتها........ارتاح هشام مين حس بلي حبيبته راهي مليحة و فرحانة و وعدها بلي مور عرس صحبتها يجيب امه و يخطبها........كملت فرحت سامية و حست بلي راهي قريب تريح و تعيش الهنا لي ماعشتاهش في زواجها الاول......mais قعد احساس وحداخر يقلق فيها psk خافت يلا ام هشام متقبلهاش مين مطلقة....💔 _________ فاتت اليامات و دارهم دليلة كل يوم معمرة بالغاشي و la famille لي كانو يوجدو لعرس بنتهم الغالية دليلة كانت سامية تعاون في صحبتها toujours و مسمحتش فيها و عاودت تلاقات بهشام و راحو حوسو فيرحبا و لعبو و فوتو وقت شباب بزااف و عطا هشام لدليلة robe زرقة شابة جابها من حانوته و قالها لبسيها في عرس صحبتك......فرحت بيها سامية بزااف سامية تهدر:"والفت هشام بزااف و تعلقت بيه و عشقت فيه jamais شفت واحد يبغيني و متهلي فيا كيفه معاه عرفت العشق و الحنانة و الراحة ان شاء الله ربي يخليهلي و يجمعني بيه فالحلال". هشام يهدر:" سامية هي اغلى هدية عطاهالي ربي سبحانو و احسن حاجة صراتلي في حياتي على حساب منعرف الملايكة ميبانوش mais هي الملايكة لي جات و ضواتلي حياتي نبغيها بزاااف و حالف نديها على قريب ان شاء الله". ____________ باقي يومين على عرس دليلة و اليوم جا راجلها ودا الفراش لداره و فرشتلهم حماتها الدار (دليلة غادي تسكن وحدها في فيلا) كانت سامية قاعدة مع صحبتها يقصرو في نص الليل بعدما وجدو قاع الفاليزات و رتبو كلشي و كانت معاهم حمات دليلة سموها سارة سارة: سامية شاغادي تلبسي فالعرس سامية: غادي نتسلف على ختي بلوزة و نلبسها فالكورتاج و العرس و عندي robe جديدة غادي نلبسها في la soirée ان شاء الله سارة: هدا مكان علاه معندكش القش تاع جهازك سامية: مور لي طلقت بعت قاع جهازي باه نعاون بويا و نقعد في دارنا سارة: اه صحا سمحيلي سامية: معليش قعدو شيرات يقصرو حتى رقدو و غدوة الصباح ناضو و راحو الحمام ....حمو غايا و عاودو رجعو لدار mais سامية راحت عند ختها جابت البلوزة و جات لدار و رقدت كانت عيانة بزااف و غدوة العرس يليق تكون en forme البلوزة😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
La robe(لي جابها هشام و سامية قالت لامها دليلة عطاتهالي😂😂)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ناضت سامية المغرب طيبت العشا و وجدت فاليزة فيها صوالح العرس لي غادي ديرهم.......تعشات و عاودت رقدت الغدوة ناضت سامية بكري و راحت مع دليلة و حماتها عند la coiffeuse تاع الحومة مشطو و ماكياو، دارت دليلة chignon و ماكيات و لبست الشدة التلمسانية، سامية مشطت شعرها en dulé و لبست بلوزة و ماكيات simple و سارة دارت chignon simple و لبست قفطان و ماكيات simple كملو شيرات لبسو ملاياتهم و قعدت دليلة مبرزة حتى جا بوها و داهم لدار دخلت دليلة لدار جمعت في كرسي و حداها صحبتها و زغاريت دايرين حالة حتى جا الكورتاج........ناضو يزغرتو و يغنو مع القرقابو لي كان برا و خرجت دليلة تحت جناح بوها و مقاودة صحبتها سامية......خرجو الجوارين و شيرات و la famille تاع العروسة و بردو قلوبهم بالرقيص مع القرقابو ركبت العروسة مع بوها و امها و راجلها يصوق....سامية و امها و سارة حمات دليلة ركبو مع بعض فاللوطو تاع خو سارة وصلو للصالة تاع العرس نزلت العروسة مع راجلها و دخلو للصالة عطاتهم عجوزتها الحليب و التمر و سلمت عليهم و طلعت دليلة مع عجوزتها و امها و سامية للصالة باه تبرز سامية كي نزلت شافت هشام قاعد عند الصالة مع العريس و الشاشرا mais هو ماشافهاش......طلعت مع دليلة و برزتها فالكرسي و قاتلها بلي هشام راه فالعرس راحت سامية للبالكون رقبت و تشوف في هشام كان شباب بزااف و يرقص مع القارقابو مبعدا جبد الميكرو و قال: هادي في خاطر النجمة تاعي نقولها يااا نبغيييك ربك نبغيييك😍♥️ فرحت سامية مين سمعاته قارعاته مين كمل و عيطتله قاتله بلي راهي فالعرس تاع صحبتها و شافته دروك و سمعاته شاقال قالها بلي هدا العرس تاع سفيان صاحبه فهمو بلي صاحبه تزوج مع صحبتها دليلة......مبعدا قالها مور العرس تاع صحبتك نديرلك عرس تشهد بيه قاع وهران فات عرس شباب بزااف و تلاقات سامية مع هشام لي نخلع فيها كانت شابة بزااف......فاتت la soirée و جا العريس دا عروسته .....ودعت دليلة سامية بالبكا و وعدتها بلي تقعد تجي عندها toujours و متسمحش فيها.........حزنت سامية لفراق صحبتها لي كانت دايمن معاها و رافدتها au même temps فرحتلها بزااف لي تزوجت و تهنات و تمنات هاد الفرحة تكون مع هشام ان شاء الله🖇💜 ....................انتهى Hello حباباتي نتمنى يكون عجبكم chapitre عطوني توقعاتكم سامية غادي تتزوج مع هشام؟!! شاغادي يصرا plus tard ?!!
