وزارة التفاهة الليبية 😂🤘🏻

الشعور اخييييه + اعععععي

بعد غياب نسبي جيتكم وجبت معاي موضوع

في بعض الأحيان يشعرون بشعور يشعر بشعور المهم الشعور هذا شعور اخيييي و اعععععي
يجيهم في فتراات متقطعه

اكيد تبي تعرف شن هوا ومن هما

وانا مانبيش نقولك شن هوا لانه حاجه ماتخصكش😏 ومش ضروري القصقصه والتطفل 😒
وبنخلي الفضول يقتلك 😨
ترا قول بشني بيقتلك😏
بالخنجر او البندقيه هديكا متع زمان ... عرفتها
ولو مش عاجبك وانت من جو المودرن والجو الثاني
عادي نقوله يقتلك ب كروزا ولا ثلاثة وعشرين او اي سلاح خاطرك فيه

المهم بعد ماتفكينا منك يافضولي ، خلي نحكيكم شن هوا الشعور
انتم اكيد عارفين السناقل وله 😉
ايواااه هداكا الي خطر علي بالك توا 😁
ومرات تكون انت راه 😏

خلي نحكيلكم شعور السناقل الي اخيييي و اعععععي :

كيف يحسوا بالشعور الي اخيييي و اعععع :-

أول نقطه : لما يشوفوا صور العشاق شادين يدين بعض وجو ، لقطات وحاجات وااااو ، حيشعروا بالجفاف والرطوبة والفيضانات

ثانياً : لما يشوفوا بنت منزله صورها هيا و حبيبها ولاصورته ولا الهديه منه ، حيشعروا بشعور الذبانه
مش اي ذبانه رااه ، لا هاذي نوع خااص ، عرفتوها الي في صحراء الربع الخالي ايوااه هديكا هي

ثالثاً : المحادثات ، لما يشوفوا سكرين كونفرزيشن بين عشاق وحبايب ولا كونفرزيشن بنت عمهم الخايبه مع حبيبها

فاصل : بنت العم ولا الخالة لما تجي تقعد عندك
المهم سهريه وجو ومشقشقات ، و الجو مليح وهدرزة رابخه ، هداكا وين يحلو الجو للهدرزه وفلق الشكاره والقرمه والأحداث الي شادينها بالسيف اسبوع كامل باش تتلاقوا وتفرغوا كل الدوة
المهم الوقت هذا بذات بتوريك المحادثات وبتقرموا
لانه التهدريز والقرمه في الهاتف مش منطقية بتاتاً ضروري منها تعميزه القرمه والأحداث السخونه

وانا اكتشف ان
القرمه + الشكارة الي عند كل بنت

ماتجيش الا ب فيس تو فيس « وجه ل وجه »
يعني ضروري الحواس الخمسه يشتغلوا باش تحس روحك حق قرمتِ غير هكي كله زباااله
يعني جو قرمه في الهاتف مايمشيش حاله رااه خوديها بالطلياني
يعني تبي القرمه الأصليه من الشركه طوول
وبضاعه اللوز اللوز و نزيكه ومش مغشوشه
قرمه فيس تو فيس غير هكي لوح عليك غير تحصل في سيئات علي الفاضي وانت ماحسيتش ب طعم القرمه الحقانيه

و احسن مكان ويعجب البنات
وفيه حاجتين يحبهم قلبهم

" مطعم القرمه "

يعني ماكله × تقريم = يعني تطلعي نفسيتك فوق الريح
ا

يمشي حالي بروباقندا ، نخدم في الدعايات والجو هداكا