وزارة التفاهة الليبية 😂🤘🏻

مقتطفات 🏁

[ العطلة ]

انا : وأخيراً عطله بنلعب و نهيج ونرقد ونتفرج وو
ماما : وأخيراً بنضموا الدواليب وبنكتوا الكوجينه ونغسلوا الفرشات ونسيقوا الممرات ونقلبوا الحوش فوقي لوطي
انا : 🤦‍♀️🤦‍♀️🤦‍♀️

ـــــــــــــــــــــــــــــــــــــــــــــــــــــــــــــــ

[ عرس ]

انا : الله بنمشي ونهيج فيه 💘🤤
"نمشي ع خاطر الهياجه ونشوف العروس والعريس طالعين علي بعض ولالا 😂"
ماما : باه كويس انا نمشي وسارة تقعد مع خوتها
انا : 🤦‍♀️🤦‍♀️🤦‍♀️

ـــــــــــــــــــــــــــــــــــــــــــــــــــــــــــــــ

[ لما يهرب الضي وهاتفي مافيشي شحن ]

انا : تو نشحنه ب الباور
ماما : والله ماك ماستيه
انا : 💔😢😭

ـــــــــــــــــــــــــــــــــــــــــــــــــــــــــــــــ

[ لما نمشوا لحوش خوالي وتقول جداي حطوا الماعين في الغسالة ]
انا : حيي ع الجوو بنتفكه منهم 😂🤷‍♀️
ماما : تو سارة تنوض تغسلهم شوية هما
انا : 🤦‍♀️🤦‍♀️🤦‍♀️🤦‍♀️

ـــــــــــــــــــــــــــــــــــــــــــــــــــــــــــــــ

[ لما ماما تلبس أختي الصغيره لبسه وهي مش عاجبتها وماما تقوللها والله الا حلوة ]

انا : والله ماهي حلوة ماتلبسيهاش
ماما : " تفنص فياا "
أختي : سمعتي ياماما حتي سارة قالت مش حلوة
ماما : البسي يابنتي ماتعدليش عليها
: وانتِ حسابك بعيد 👌😠

ـــــــــــــــــــــــــــــــــــــــــــــــــــــــــــــــ

[ لما خالي يقول نبي نسافر ]
انا : نمشي معاك ياخالي بالله عليك والله نطيبلك ونغسلك حوايجك ونطيرلك الكساد غير ارفعني بس
" طبعاً دكتور ومش متزوج😂❤ "
ماما : بالله ماتعدلش عليها المهبولة هاذي
انا : محطمه الفرص السعيدة 🤦‍♀️🤦‍♀️

ـــــــــــــــــــــــــــــــــــــــــــــــــــــــــــــــ

[ لما نطيب ]

الناس الطبيعية : إطيب وتطلع
انا : نتخيل روحي في برنامج طبخ ونقول في المكونات بصوت عالي وكأنه هناك كاميرا تصور فياا

ـــــــــــــــــــــــــــــــــــــــــــــــــــــــــ

[ لما نتلاقا مع شخص ل أول مرة ]

أغلب الناس : يحبوه ع خاطر شكله
انا : نحبه ع خاطر تفاهته

ـــــــــــــــــــــــــــــــــــــــــــــــــــــــــــــــ

[ لما أنظم الحوش كله ومانخلي شي حايس ]

ماما : تحسابي روحك درتي حاجه
انا : 🤦‍♀️🤦‍♀️🤦‍♀️

ــــــــــــــــــــــــــــــــــــــــــــــــ

[ لما حد يولع الضي وانا راقده ]

انا : تي سكر الخراااا ياخرااااا يابهيممم أطلع وسكر أم الضي ياعيل .. "ويبدا الخرط😂🤦‍♀️"
الناس الطبيعية : لو سمحت أطفئ الضي عندما تخرج لو سمحت بعد إذنك بنتعبك أسفه 🤦‍♀️
"مانخيلش روحي نقوله الكلام 👆😂"

ـــــــــــــــــــــــــــــــــــــــــــــــــــــ

[ لما نشرب طاسه العصير بالمصاص "القشه" ]

انا : ضروري ندير بيه صوت ولما نسمع الصوت هذاكا وين يتريح بالي ونعرف ان العصير تم 😂
الناس الطبيعية : يخلوا شوية عصير في الطاسه كنوع من الأتكيت 😂

ـــــــــــــــــــــــــــــــــــــــــــــــــــــــــــــــ

[ لما نفتح الثلاجه ]

الناس الطبيعية : ياخدوا شن يبوا ويسكروها
انا : ساعه نقعد نتفرج عليها وفي الآخير نذكر اني ندور ع هاتفي 🤦‍♀️

ـــــــــــــــــــــــــــــــــــــــــــــــــــــــــــــــ

[ لما نرقد أخر وحدة وننسي الضي مفتوح]

الناس الطبيعية : ااوبس ماسكرتش الضي ، و ينوضوا يسكروا الضي
انا : ندعي، يارب تنحرق اللامبه ونوض انخبط ونعيط ونسكره

ـــــــــــــــــــــــــــــــــــــــــــــــــــــــــــــــ

[ لما نكمل الماعين ونلف وراي نلقي الطنجرة ع الغاز ]

الناس الطبيعية : حيي ماشفتهاش، و تغسلها بكل بساطه
انا : ان شاء الله نموت، ونغسلها بالتخبيط والتطنفير

ـــــــــــــــــــــــــــــــــــــــــــــــــــــــــــــ

يلاا كملوا انتم ..
انا هاذم الي تفكرتهم 😂❤