وزارة التفاهة الليبية 😂🤘🏻

الحلقة الخامسة 🎬

حنين : عازمتكم علي تقعميزة في الساحل وسفره مشكله حلويات من الي يحبه قلبكم 😉😂
سارة : الله جت في وقتها 😂❤
فطو : هي باهي نمشوا 🤤
ومشوا للساحل قعمزوا يهدرزوا وياكلوا وأهم حاجه يقرموا 😂👌
ديدو : غير يابنات شوفوا المزيته هاذي
سارة : وينها
ديدو : الي لابسة دجينز غير ماتتلفتوش طول
" الثلاثه تلفتوا يبوا يشوفوها 😂 "
ديدو : عليك غباء مش قلت ماتتلفتوش طول 🤦‍♀️
البنات : هههه 😂
سارة : شن رايكم نمشولها 😉
فطو&حنين : هي 😈
ديدو : يلااا 👏
" ومشولها "
ديدو : انت ياحلوة
البنت : نعم تفدلي "تفضلي" ،، "قلدوا الصوت 😉🤦‍♀️"
سارة "بصوت واطي" : اعطك مايرفعك 😑
فطو&حنين : "🤲"
ديدو : امم عادي نديروا معاك مقابلة
البنت "تمضغ في مستكه وتقلب في عيونها بدلع " : اي عاتي "عادي"
سارة "توشوش لفطو" : عاد ماصدقت الهانم 😑
حنين "😂🤷‍♀️"
ديدو "فنصت فيهم بمعني صوتكم مسموع😏"
حنين : سرو طلعي الكاميرا باش تصوري 😉
سارة : خايفه نصورها تتفجر الكاميرا من المنظر الوااو 🙂
البنت : نعم 😤
سارة : تي بتتفجر من جمالك 😏 ، خيرك انت
احسني الظن في الناس ، ان بعض الظن إثم 🙂
البنت "ابتسمت" : آسفه
فطو " توشوش لديدو " : مصح خليقتها صدقت روحها
ديدو "بصوت واطي" : ريت هالمنظر الحلوو
سارة : هي ديدو ابدي اللقاء
ديدو "غمزتلها" : طلعي الكاميرا وابدي صوري
[ سارة طلعت الكاميرا تصور]
ديدو : شن اسمك 😌
سارة "توشوش لفطو" : زعما حبيبت منو المرة هاذي
فطو : خلي نشوفوها بالك تطلع حاجه احرف 😉
البنت : سوسو الدلوعةة
" الأربعه انفلقوا بالضحكك 😂🤦‍♀️ "
فطو " بصوت واطي" : سوسة تمشمشك 😒
البنت : خيركمم 😑
ديدو : ولا شي 🙂
البنت : بتكملوا ولانمشي عندي موعد
سارة " بصوت عالي" : اااه موعد غرااميي صاار حلووو حلووو ، امك وبوك عندهم علم بيك ولاا شنووو
البنت : نقصي صوتك علاش تعيطي
سارة : نبي نفضحك اناا 🙂
البنت "😑" : وعلااش ش...
"قاطعتها" ديدو : نكملوا اللقاء ، بنسألك سؤال
البنت "طرمت شواربها " : اوكك
ديدو : كان لقيتي مزيته شن تكون ردة فعلك
سوسو الدلوعةة : امم نهزبها ونسمعها وصخ وذانها
سارة "عيطت" : توا يعني من واجبنا نهزبوك وله ونسمعوك وصخ وذانك
سوسو الدلوعةة : وعلااش انا مش مزيته لعلمك، لبسي مستور و..
قاطعتها حنين : صرصور ياكل خشمك 😏
سارة : أمين 🤲🙂
سوسو "😑" : ومش مدايره مكياج
سارة : ههه قتلك مش مدايره ، اوكك ، فطو مديلي شيشه الميه مدي ، خلي نوريها المكياج شن شكله
فطو "ب إبتسامه عريضه😊" : تفضلي
سارة " خدتها منها " : منورة
سارة [ شدت وجه البنت وصبت عليه ميه وخدت وشاحها الي لونه أبيض وفيه شوية تزكريشات ب ألوان ثانية
وبدت تمسحلها في وجهها ]
سارة "توريلها في الوشاح" : وهذا شنو هااا كله اسود واحمر والوان واشكال
سوسو : اءا
سارة : زواق ولا الوان مائية
فطو : لا شكله ألوان زيتية
ديدو&حنين: "😂🤦‍♀️"
"جت بنت خالتها" : شوشو 'سوسو' خيرك 😙
" الصوت زي "فطوم غنيلي" متع بنات السلطانه 😂🤦‍♀️ "
* قلدوا الصوت واعطوه حقه في النغمه😂👌*
" سوسو جبدت بنت خالتها ومشت "
سارة "بصوت عالي" : غير تعاليلي جااي انت خيرك مشيتي
بنت خالتها "اشارت ع روحها" : انا
سارة : لا فرج الي جنبك، تي انت مالا انااا
بنت خالتها : انا مانبيش ندير معاكم عركه
فطو : واحني نبوا نديروا معاك عركه شنو الحل
سارة : غير تعالي نركبلك بريمات حنجرتك الي طايحات ومخليين صوتك يزوي زي لعبة المفرخ
بنت خالتها : هي هي احترمي نفسك
حنين : شن دخلك بيها
بنت خالتها : انت من كلمك
حنين : الجن الطرطاري
سوسو : مالكش دخل بالموضوع انت
ديدو : بالله عليك
بنت خالتها : وانت شن دخلك
سارة : شوية بس انت ماليكش علاقه انا نبيهم يخشوا
حنين : شن هوا بمزاجك ادخلي من تبي ومنو لاا
فطو : اي ولله عليك حالة وخلاص
ديدو : بالله خليهم يمشوا 😒
حنين : كمشه مرضي
سارة : واحد حتي خاطره في عركه يدرهوله كبده
فطو : اكتشفت ان فيه نوع من المزيتات عبيطات مايعرفوش يديروا عركه
ديدو : زي النوعية الي قدامنا 😊
سارة : خيرك تتفرجي علينا تعالي انتشيني 🙂
حنين : هي درقي رمتك "وجهك" من علينا
سوسو&بنت خالتها : والله كمشه مرضى 😑
حنين : معش تبعي كلامنا يامريضه 😏
سارة : ضيفي ع اكتشافك يافطو انهم مايعرفوش تلقيحات جديدة 😂
فطو : اي كثلة من العباطه
ديدو : تعالوا ندوروا مزيته تعرف دير عركه خلي نبي نستمتع 😈😂
البنات : هي 👏