وزارة التفاهة الليبية 😂🤘🏻

عاداتي وتقاليدي 😂

من عاداتي وتقاليدي 🙄  :

1 : لما نسمع صور كلاكس سيارات
نشوف اليوم شنو ؟؟
لو لقيته اربعاء نقول هذي اكيده كسوة
لو لقيته خميس نقول هذا اكيد دخول
ولو لقيته يوم ثاني نقول مرات كسوة ولا دخول
لاكن الخيار الأرجح بيان ولا أسبوع 😂

2 : قبل مانرقد نحب نبخ عطر علي مخدتي
هكك مش عارفه علااش ❤😂

3 : لما حد يسألني علي حاجه وعارفتها تبي شرح ووو
طول نقول والله مانعرف

4 : لما نشد الهاتف نفقد حاسه الشم
لدرجه مرة الطنجره شيطت وانا ماندريش عليها
وقاعدة نقتل في الاعبين ووصلت لل 49 وكيف بنقتل رقم 50 ، جاني شلبووخ قويي من امي
وجعني الهاتف الي تنطر من يدي أكثر من الشلبوخ 😂

5 : لما بابا يقولي بري ولعي السيارة ضروري نصور الفودرا والكوادرو ، لدرجه عندي أكثر من 86 صورة ليهم
قريب نحسبهم مع كتيب العائلة 😂
وعلي فكرة سيارتنا سانتفى ، يعني كان مرسيدس راهو حطيتها مع كتيب العائلة من زماان 😂

6 : انا لما نتكلم ، ديما نتكلم ب حواجبي وكلهم يقولولي فيها ، نحرك فيهم هلبااا لما نتكلم ،
ندير في وضعيات علي حسب الجمل والكلمات والمواقف 😂

7 : نحب نمضغ مستكه و نولع أغنية مصرية ناشطه
" فيكو الدخلاوي وحمو بيكا وو "
تشوفيني تقولي هذي مش سارة هذي مكينه رحي
لاني علي حسب الإيقاع نمضغ 😂 ، وفيسع فيسع
كان نديروا مسابقه علي مستوي العالم بأذن الله نفوز ونرفع روسكم 😌😂
ويحطوني في موسوعه قنس للأرقام القياسيه
ويجي حمو بيكا يهنني
ونبدا مشهورة حيي تخيلواا 😳
ونبدا مغروره زي هلباا ناس 😉

لالا مانبييش مستحييل ✋
و لاني مانحبش الشهرة 🤢 وحياة المشاهير
وحتي لو جتني الفرصه ل عندي مستحيل نوافق
يعني ب الفلاقي قاعده علي قلوبكم 💘😌

8 : لما نلبس شبشب صبع ضروري نشلبك بيه 😂
ونطلع صوت ، لدرجه لما نبدا مكسده نلبسه ونبدا نشلبك بيه ونستمتع بالصوت 😂
وأحلي شباشب صبع متع " cool " عرفتوهم 😉

9 : لما نشوف عركه بين ولاد صايره في الشارع تلقيني نتكلم بصوت واطي
حي عليه ضربه ..
ردهاله طول ب فاكو
وربي ضُربه"فعل" ضربه متكمه..
حي عليه جايه ب رشاده..
تي جاك بالغدر ياحماار ..
شفي الغبي قاعد يتفرج عليه تي برا اعفجه ..
وراااك حي بيضربك اهرب ..
ايوااه هكي الضربْ الصحح..
زيده خلي يتربي ..

" نبدا زي المعلق الي في المباريات 😂 "

: 10
لما نمشوا للمحلاات ضروري نخش قسم الولاد ونشري تيشرت قنين " احح يهبلوا تيشرتاتهم 😍❤ "
هوا صح التيشرت متع طلوع ، لاكن انا نلبس فيه في الحوش 🙂❤
صح اول مرة قعدوا يقولولي شن متع ولاد ووو وقصه لاكن انا سكرت راسي لين اقنعوا بالأمر الواقع