وزارة التفاهة الليبية 😂🤘🏻

الرحلة ✌🏻❤

نبدوا بأسم الله 😌
ولا وحدة تضحك 😒
نحب نحلم هلبااا وخيالي وااسع ههه 😂

يلاا نبدوا
ـــــــــــــــــــــــــــــــــــــــــــــــــــــــــــــــ

( اربطوا احزمه الأمان
لننطلقوا في رحله الي كوكب الأحلااام والخيااااال الواااسع )

{ # كوكب التخيلي المخيخي المسرّر 😂😉 }
.
.
.
.
.
.
.
.
.
.
جهزت الفلوس والورق والتأشيرات
شفت الساعه لقيتها 5 الفجر طلعت من الحوش
وتوكلت علي ربي وركبت سيارتي المرسيدس جي كلااس ❤😂
<< متسألوش وين العيلة رااه حني في عالمنا الخاص يعني نديروا شن نبوا .. ايووااه 😏 >>

لان سيارتي المرسيدس متع هاي بارد ؛ للسباقات مانقدرش نرفعكم فيها وماتسدش للأفس 😂 😒

المهم خطمت علي ردينه وبعدها مشينا لسهي
بعدها مشينا ل خولة في صبراته وبعدها ل أسماء وسجود في زوارة تغدينا في مطعم و استريحنا ووتوكلنا علي الله

وشدينا الطريق المهم فات الوقت وقعدنا نهدرزوا
وصلنا لغدامس خطمنا علي رويدة
قعدنا في غدامس ثلاثه ايام بما انه خاطري نمشيلها
أهل غدامس محبوبين وطيبين هلبااا وماشاء الله عليهم

ومشينا لغرياان خطمنا علي منى وهبه

وبعدها شدينا الطريق
وكانت الوجهه ل العروس "طرابلس" الي لتوا خاطري نعرف منو هوا العريس 😂❤ نبسر نبسر 🤣
وكانت الطريق طويلة قعدنا 3 ساعات ونص💔 لاكن فات الوقت بالهدرزة والتفاهه طبعاً 😂 وصلنا وخطمنا علي خديجه ، خدينا فندق ورقدنا 😴

وبعدها الصبح بكري مشينا لمصراته
خطمنا علي سارة وفطو و رانيا ولجين وبعدها مشينا لرويدة في مسلاته وبعدها ركبنا طيارة خاصة باش نمشوا للشرق وحطتنا في بنغازي قعدنا فيها اربعه ايام لاني خاطري نمشي للشرق وبعدها مشينا لنسيبة في درنه وقعدنا يومين ومشينا ل هناء في البيضاء

الشراقه ماشاء الله عليهم يفرحوا بالي يجيهم ويرحبوا بيه وطيبين ومحترمين ... قاموا القدر والله 👌

منورين خوتنااا الشراقه 😎

وبعدها اجرنا فندق ورقدنا من تعب الرحلة الطويلة
المهم اليوم الي بعده 🌄

اول حاجه مشينا لليابان 🇯🇵 قعدنا فيها اسبوع فيها
.. بحكم ان سرو و رويدة يعشقوها مووت 🔥

بعدها مشينا لجزر المالديف كان المنظر يهبللل ويخليك❤🔥 تشعري بالراحه النفسية💋 وقعدنا خمسة اياام 😍

بعدها مشينا ل برلين عاصمه المانيا 🇩🇪
دهورنا في كل مكان ، للمتاحف والحدائق والمدينة المائية💦 و قعدنا اربعه ايام

بعدها مشينا لندن تحديداً لباريس❤ قعمزنا في مقهي الخاص ببرج ايڤل ☕ .. مشينا في وقت الليل وكانت الشوارع زحمه وكان الجو حلووو ملا خير بذات الأضواء الي في الليل 🎆
خطمنا علي كم محل شرينا هدايا للعائلة السعيدة 😂
قعدنا اسبوع في باريس 😍

بعدها مشينا لروما قعدنا ندهوروا في الأثار والمتاحف وشرينا كم تذكار ❤ وقعدنا يومين بس

بعدها مشينا للبحيرة الوردية💗 في استراليا كانت البحيرة قمه في الجماال لونها وردي كانت تهبللل ❤ و قعدنا في استراليا ثلاثة ايام

وتوجهنا ل قطر 🇶🇦 قعدنا ثلاثة ايام ندهوروا
ومشينا لهلبا مكانات 🎊

بعدها مشينا ل سان فرانسيسكوا 😍 جووو ملاخير مشينا لهلبا مكانات والملاهي والمطاعم حاجه ملاخير

ومشينا لسويسرا ومن مطعم لمحل ل ملاهي وهياجه وجو اطلع طووول 👌❤

وبعدها مشينا لتركيا 🇹🇷

المهم من مكان الي مكان وحني ندهوروا ونشروا وجو مش عادي

بعد تركيا مشينا ماليزياا و لهلباااا بلدان ثانيات واستمتعنا برحلتنا

وكان كلها تفاهه+تفاهه×تفاهه÷تفاهه = تفاهه
المهم نفسيتنا تغيرت
و تخلصنا من الكأبه والنكد وغيرنا جونا 💔

وبعدها روحنا « ل لُيَبْيَآ آلُگبْيَدِةّ » وكنا مشتاحشينها هلبااا
صح سافرنا ل هلبا بلدان وكانوا قمه في الرقي والتقدم لاكن لُيَبْيَآ غير ، لُيَبْيَآ بْلُآدِنْآ الي انولدنا فيها والي نحبوها وحنقعدوا نحبوها والي مانشعروش بالأمان إلا فيها
والسفرة هذي كانت حلوة وكنا فرحانين وجونا سمح
و ماكملش هذا كله الا لما استنشقنا هواء بلادنااا ،
و هواء بلادنا كان كختام للسفرة الممتعه 😌

ربْيَ يَجٍمع شُملُنْآ ۆنْگۆنْۆآ متٌحٍدِيَنْ گلُنْآ مع بْعض
يَدِ ۆحٍدِہ ، جٍسدِ ۆآحٍدِ ، هدِفَ ۆآحٍدِ
،،،،

ماما من بعيد : ساااااارة
سارة استاقظت من سرحانها : نعممممم
ماما : نووضي اغسلي الماعين ليك ساعه سرحانه
سارة : باااه اني جايه شوية بس

«« تي كان تعرفي ياماما وين كنت بس ، تدهورت مع ناس تقدر في المواهب ودرت العالم كللله في ساعه بسسس 😌 »»

ان شاء الله ينقرضوا الماعين 😭💔
.
.
.

انا قبل مانبيش ندير بارت السفر هكي ... كنت نبي نديره احلي ... لاكن حسيت روحي طولت السفره وبدت بايخه 😂

الي مشوا معانا وذكرت اسمائهم
احكوا ع الجو والهياجه الي درناه وتجكتروا عليهم 🤤❤

والي مامشوش معانا ماتزعلوش المرة الجاية بأذن الله تمشوا 😂

شن رايكم في الرحلة 🤷‍♀️🤔

( طبعاً الأسماء الي ذكرتها انا طلبتها في بارت فات قلت فيه اني بنضم التأشيره وهك والي كتبت حضرت الرحله
والي بخل وماكتبش فاتت عليه للأفس😂 )