ناضوا الصبح بكري فطروا
وطلعت فطو تسخن في السيارة وسارة ادور علي فردة الشبشب 😂✌
[ عجبني المشي بيه ، قلت ناعودها 😂 ]
فطو "راكبه في سيارتها BMW" : هي اركبي
سارة : لا ياسمحه بنمشوا بسيارتي
فطو : تي هيااا سخنتها توا 😒
سارة : شن دخلي فيك 🙂
فطو : هي بتركبي ولا نمشي
سارة : نمشوا بسيارتي يامراه 😑
فطو "سطربت عليهاا "
سارة "عيطت" : ياحمااارة معش تعاوديها عبايتي كلها بدت غبره خزيي عليكك
فطو "فتحت الروشن" : اركبي 😁
سارة : بنمشوا بسيارتي انزلي 😌
فطو : اكسري الشر يابنت واركبي معش وقت
سارة : المرة هاذي فوتتها والمرة الجاية لااا
ان شاء الله حتي تشوي السيارة ما لياا علااقه بيك
فطو : اركبي وانت دوتك واجد
" فطو فتحت اغنية سيتو سيتو الأجنبية "
سارة "غيرتها ودارت أغنيه تِمَامْ تِمَامْ التركية🤦♀️ "
فطو "غيرتها" : خلي الأغنية هاذي حلوة
سارة "غيرت" : حتي الأغنية الي حطيتها حلوة
فطو "غيرتها" : خليهاا معش تغيري
سارة "سكرت وذانها" : بلااا بللاا "وغيرت"
فطو تغير وسارة تغير وقعدوا يتعاركوا 🤦♀️😂
لين جت أغنية " انا حبيتك وجرحتيني لحمو بيكا "
" سارة وفطو شافوا لبعض وخلوها وبدوا يغنوا بصوت عالي "
سارة : انا حبيتك وجرحتيني
فطو : انا صنتك لاكن خنتيني
سارة : انت اكيد مش بتحبيني
فطو : لي من الاول عشمتيني
ويعيطوا ومدايرين جو لروحهم 😂🤷♀️
وبعد مادهشوا ، عطوا المجال للمغني يغني بروحه 🤦♀️😂
سارة : اوقفي ع الحماص ناخدوا حاجه نكسدوا عليها في الطريق
فطو : باهي "ووقفت"
سارة : تبي حاجه معينه ولا عادي
فطو : جيبي اي شي هي ومتتأخريش راه الدنيا تبدا زحمه ونقعدوا في النو و نبوا للعشية لاوصلنا وسط طرابلس و..
سارة : باه باه وانت تسطربي في الكلام في جرت بعضه
فطو : باهي فيسع 😑
سارة : باه "ونزلت"
[ خشت دارت عركه مع راجل المحل وركبت ]
فطو "عيونها في هاتفها" : صوتك نسمع فيه من هنا، شن فيه
سارة : الحيوان زايد السعر ودرتله العار باش نقصه
فطو "ضحكت" : لا حول ولاقوة الابالله
سارة : المهم نقصه ✌😁
فطو "حركت السيارة" : ديما بمشاكلك
سارة : لين نربيهم نفر نفر
فطو : ههه 🤦♀️🤦♀️
سارة " ضحكت ضحكة صفره " : فطو نقولك حاجه وماتعصبيش 😁
فطو : من توا بنعصب، ادوي ادوي يانهار مغبر وخلااص شن الطامه الي مدايرتيها
سارة"بعيون بريئة" : اممم عطيت رقم أمك ل عمتي فاطمه باش تخطبك لولدها 🙂
فطو "شدت فرينو" : نعممم 😤
سارة : مش حتضربيني وله 🙂
فطو : مش حنضربك؟؟ تي انا بنعجنك طريحه 😤
سارة "شد يدها" : هي فطوو نعرفك متفهمه
فطو "وقفت السيارة" : انزلي انزلي خلي ناخد راحتي
سارة : قصدك بتضربيني
فطو : لا والله بنعترفلك بحبي ونحضنك و نعطيك بوسه، زي مايديروا 😑
سارة : فطوو بلاا بصارة بلحق تبي تضربيني 🙂
فطو : تي بنطقطق عظامك اليوم
سارة : باهي احمدي ربك الي ماعطيتهاش رقمك😌
فطو : كان هذا راهو قتلتك 😒
سارة : باهي صلي ع النبي وولعي السيارة معش وقت
فطو "حركت السيارة وسطربت"
سارة : بالشوية عليناا اعصابك يابرو
فطو : المرة هاذي سامحتك
سارة "اتكت ع الكرسي براحة" : باهي الحمد لله ياربي ع نعمة تفهم الأمور الي عندك الي تطلع فجأة وتنقذ الموقف
فطو "😑"
أنت تقرأ
وزارة التفاهة الليبية 😂🤘🏻
Randomانت مش انت وانت بارد خدلك شويه تفاهه 🤞🏻😎 عائلة التافهين الليبية الشعبية 😂 التفاهة عنوان الحياة 🖇🙂
