وزارة التفاهة الليبية 😂🤘🏻

صفات التافهين 😁🤞🏻😂

واليوم حاجه جديدة 💎 ومعلومات جديدة 🆕

صبااح الموز 🍌 وعسل باللوز 🍯 و شربة من شاهي العزوز 😂

الملخص 🙄 :

اليوم بنعرفوا صفات التافهين 😊💕

احممم 😌❤

شن هيا صفات او مميزات التافهين 🤔 ؟!

هي حاجات يتميزوا بيها التافهين العسولين 🍯

صفاات التافهين ❤ :

1: اربع وعشرين ساعة علي النت والهاتف 😂 وامهم ديما تقوللهم نوضوا وانتم ديما علي الهاتف ... ويقولوا باااهي حني كيف شدينااه ، المهم الأسطوانه المخبشة متع كل يوم 😉 بالنسبه علاش قلت اربع وعشرين ساعه علي الهاتف ، لان العائلة السعيدة ديما تقول هكي ف حني بناخدوا بخاطرهم وخلااص 😂

2 : اغلبهم سناقل 😉 لانهم مايحبوش وجع الراس والهم والنكد 😭

3 : دولااابهم ديما حاايس 😉😂
و مايحبوش يغسلوا الماعين ويضموا الحوش 😌💗

4 : عشقهم الماكله والنووم 🔥❤

5 : نااس اجتماعية هلباا لاكن مش مع كل الناس 😏 .. الناس الي نفس جوهم بس 💕 والي يمشوا مع نظامهم واسلوبهم العسل 🍯 .. مش ضروري ناس تافه رااه
ومرات هوا يخليهم تافهين زيه 😂✌

6 : مايطلعوش تفاهتهم المركزة إلا مع الأشخااص الي يقدروا في المواهب 💕 ولا الي زيهم 😌

7 : تحسيهم عندهم شعبية لان جوهم حلوو ويستخدموا في شوية من التفاهة 💘 لجعل الجو جميل 💞 و الناس ينجذبوا ليهم ويحبوهم 💕

8 : مشكلجيين مع الناس الباردين والنفاخين والمزيتين والمتكبرين والمحسدين ووووو هلبااا انوااع.... 🤢

9 : شاطرين في حل جميع المشاكل 🤓🤙

10 : يعطوك حكمة لين تقعد حال فمك 👌 وتستغرب منهم لانك كنت تحسابهم تافهين ومش هامهم شئ 😏

11 : كاان بكوا أعرفوا إن السبب ساحق و انهم مايبكوش الا لما يكونوا موجوعين حقق 💔😞

12 : واثقين من نفسهم هلبااا 😌
وشخصيتهم قوية 💪 ( ياحليلي 🔥❤ )

13 : الصراحه عنوان تفاهتهم يعني صريحين هلبا و الكلمه الي خاطرهم يقولوها يقولوها 😂
يعني الي في قلبهم علي لسانهم 😉❤

14 : هما نادرين ، لاكن هلبا 🙃 .. بمعني اخر مش حتعرف ان هذا الشخص تافه الا لما تكون انتَ تافه وتكون مقدر مواهبه زي ماقلنا 😌

15 : معانديين و مايتنازلوش بسرعة علي قرارهم .. يعني لما يقولولك الحليب اسود يعني اسود
ردوا بالكم تناقشوهم لانكم بتحصلوا 👌😏
طبعاً يناقشوا علي صح مش علي خطأ ، غير الحليب مثال فقط 😂😉
.
.
.
قولولي بالك نسيت حاجه 😌
.
.
.
.
نمشوا لحاجه جديد و اكتشاف جديد 🖇❤

ــ ماهو الدواء الذي يستخدمه التافهين لإبعاد الأشخاص الغير مقبولون الباردون والنفاخون ؟؟

ركزووواااا 👈🧠
اسمه 👈 ( فليتلقيح 🧯)
شن معناته ( فليت + تلقيح = فليتلقيح ❤ )
فليت متع الذبان 🕷 + تلقيح الدوا 😉
حتي هذا من اكتشفاتي المتواضعة ✌😌
طبعاً عند التافهين بسسس بسسس 😏
وهذا الدواء يستخدم اكثر حاجه لتوزيع ( إبعاد 😌 ) الناس النفاخه الي اربع وعشرين ساعه تتلصق عليهم 🤢

( ملاحظه 🔥 : طبعاً التافهين احسن وحدين يلقحوا )

( ملاحظه : كل المصطلحات احفظوها لانكم بتترقوا وبنتكلموا وناقشوا مواضيع و انا بنقول المصطلح طول بدون شرح .. وانتم تبدوا عارفينه من وين جي وخاص بشنو ومتع منو وووو .. ان شاء الله فهمتوا 😅)

ــ ماهو المصطلح الذي يطلق علي الناس الي تتلصق علي التافهين 😌 ؟؟

طبعاً الناس هذي اسمها المخلوقات اللزجه الحلزونيه 🐌

ــ من وين جي الأسم 🤔 ؟!

طبعاً زي ماعارفين ان الحلزون يفرزف في مادة وهذي المادة تتلصق ولزجه والناس الباردة والنفاخه تتلصق زيها بالزبطط 👌😉

.
.
.

نسيت نقوللكم غلااف الكتاب جاني هدية من 💕
si_soon
.
.
.

وسلاااااام 👋
نتلااقوا في الموضوع الي بعده 😉
موضوعنا الجاااي ناااار 🔥❤ استعدوا 👌
موضوع حيعجبكم 😉
ومش حنقول شنو هوا 😏