وزارة التفاهة الليبية 😂🤘🏻

عمّلة 😈

مرة أمي وخالاتي وجداي طالعين
وانا وخالي مقعمزين مكسدين ونتفرجوا ع سيارات المرسيدس ونعاودوا في الفيديوهات متين مرة
المهم هكي خطر عليناا نديروا مقلب
طبعاً مشينا درنا دورة ع الجماعة ونقنصوا ع واحد نبوا نديروا فيه مقلب
المهم لقينا خالتي الصغيرة مقعمزة برا في درجات الفيرانداا وشاده الشيتات متعها تقرا، تحضر في الماجستير ، طبعاً هي حمارة قرايه 😂وماتحبش من يكلمها ولا يجي حد شورها
المهم بدينا نفكروا في خطه كويسه وخطرت علياا خطه مليحه وياملاحتها من خطه 😂❤
مشينا لولد خالتي طبعاً هذا تخصصه حشرات اربع وعشرين ساعه وهوا يبربش فيهم و يستكشف فيهم وديما وهوا معاهم ويجمع فيهم ويقارن و ديما يقول نبي نطلع برفسور في الحشرات ووو
وعنده هلبا كتابات ع الحشرات ووو
المهم قلناله مدامك تحب التمطريز شدلنا ضفدع 🐸
واربطهولنا في خيط
قال باه ومشي جاب واحد وربطه في خيط
_ طبعاً من السهل انك تلقي ضفدع في غريان😂 _
وطبعاً الخيط مربوط في عصاه يعني كأنه صناره وطُعم
المهم ركبنا فوق حوش وقياسنا علي خالتي وين مقعمزه
بدينا انزلوا فيه بالشوية بالشوية واحني خلاص بنضحكوا و نتخيلوا في منظرها
المهم نزلنااه في شيتها بالزبط الي كان في حجرها 😂
ثواني باش استوعبت الموقف وتصكها عيطه أقسم بالله تقول شافت الجن الأزرق 😂
وهذاكا الضفدع ينقز في حجرها وهي تعيط وتصرّخ
واحني فوق منفلقين ضحك
وهي شواربها لين زرق ووجها اصفر من الخوف
هي حتي النملة تخاف منها 😂
و خالي زلقت منه اللوحه وطاحت لوطه
ولما طاحت، خالتي قامت راسها وشبحتناا واحني منفلقين ضحك ونزلنا نمردوا ومش قادرين نوقفوا من منظرها 😂
والله لين بطني وجعتني من الضحك 😂
المهم فجأة تحولت لشخص ثاني قعدت تسب وتلعن و تتحلف واحني نعلقوا عليها ونستهزوا
المهم شدت طوبو غاز و قعدت تجري في جرتنا وتهبك واحني مرة نجروا ومرة نفشلوا من الضحك وتحصل علينا وتضرب
دخلتنا لدار الخزين وحبستنا وخدت المفتاح حطاته في الشيت متعها 😂 وكملت اتقعميزتها وتقراا
المهم هي غبية "وكان تسمعني تقطعني😂" نست ان الروشن مفتوح
مشي انا طلعت منه بالشوية ولفيت من وراء الحوش باش ماتشوفنيش 😂
المهم واحد من المفرخ فرمط فياا وقاللها سارة طلعت
مشي قالت عادي خلوها ماعندها ماادير ماتقدرش اطلع أنس
هي مسكينه تحساب الخطه من أنس 😂
المهم انا قعدت نفكر نبيها تسيب الشيت باش ناخد المفتاح
مشيتلها وقلتلها الصغار خاشين للكوجينه من الباب البراني ب أحذيتهم والتراب ومزرزقين الميه
نطت تجري لانها كيف مسيقتها .. وانا كيف بناخد المفتاح هي وصلت نص الطريق ورجعت تجري وقالت عارفتها وحده من تبلعيطاتك درقي وجهك 😑
مشت خدت خيط وعلقت المفتاح في رقبتها
وانا نزربز نبي ناخده
قعد أنس مسكين لليل محبوس في الدار
يبعت في الصغار يقوللهم جيبولي ميه عطشان وكل مرة يقوللهم ع حاجه 😂

وبعد ماروحوا قالتلهم شن درناا و سمعناا الإسطوانه المطبقه المحروقه وووو
وقالولها مااطلعيشي خلي يقعد محبوس 😂
وانا نقنص ع المفتاح نبي ناخده
وبعد وقتتتت قالولها افتحيله خلي يطلع وتو معش يعاود عملته 😂

واحني لعند توا واحني لما نتفكروا منظرها نصيخوا ضحكك 😂😂

احكولي شوية من عمايلكم المفحفحه بالإجرام 😂❤ ؟!